1 तीमुथियुस 5:15 - लाहौली बाइबिल

¹⁵ छना कुचे रें जवान रंणी तुहई ए परमेश्वरो दोरच़ी शत्‌ह शुहचे इलजी तोतोर दंङ दोऊ वहज़ा ज़ि शेतानो थले शुहचे इलजी तोतोर।

1 तीमुथियुस 5:15 Iomraidhean Croise

मत्ती 4:10

दंङ यीशुज़ि दोबि कुहते, “ए शेतान, दोखा अच्च़ा इला, छना कुचे पवित्र शास्त्रा रिंङ च़ेहसी तोह: केई प्रभु केनोह परमेश्वर बि फ्यग लोहू, दंङ दोऊ ए अराधना लोहू।”

1 तीमुथियुस 1:20

गेह दोतु बिचंङ ज़ि हुमिनयुस ए सिकंदर मिन्दु गंङमी बि कलीसिया ओ दोरच़ी धकते हुंज़े चरच़ातग, दंङ दोतिंङ शेतानो शाक्ति ऊ हवाले लेह चरच़ातग ताकि दोरे सिखेपोर कि परमेश्वरो बुराई लेह माह जूंस।

2 तीमुथियुस 1:15

केई ञेंहच़ातन कि, आसिया प्रदेशारिंङ बंङज़ा रें विशवासी ज़ि गेह छोड़ेके केहतोर, अंऊर फूगिलुस ए हिरमुगिनेस तोईरे।

2 तीमुथियुस 2:18

अच़ि सच्चाई रिंङ विशवास लहज़ी छोड़ेके केहतोर दोच़ी कुट्रातोर कि परमेश्वर तुहई ए विशवासी तिंङ अनंत जीवनो थल्जी श्रींङमी लहज़ी केहतो। अतु नतीज़ा दि तोह कि रें विशवासीतिंङ मसीहू टोहकठे विशवास लहज़िमी रंङ साते रोकेक्च़ातोर।

2 तीमुथियुस 4:10

छना कुचे देमासे दि संसारो चीज़ारे प्यारे चेहके गेह छोड़ेके चरच़तो दंङ थिस्लुनीके शहरो हखा अच़ा इलज़ा। क्रेसकेंस ला गलातिया प्रदेशो हखा दंङ तीतुस दलमतिया प्रदेशो हखा अच़ा इलज़ा।

2 पतरस 2:2

परमेश्वरो महसे मीहरे दि उपदेशका तु मदम कमो नकल लोहर, दंङ छिल्ला दोच़ी लहज़ातोर दोऊ वहज़ा ज़ि मीहरे सच्चाई अमो पाहठी मदम-मदम गप्पा लोहर।

2 पतरस 3:16

घेंङौ भत्ते पत्री तिंङ अंऊ गेह विशवासी तिंङ च़ेहसी तातग, दोई ध्यांए ठ्रोह गप्पा च़ेहसा। पर रे गप्पा अंऊ दोई एनोह पत्री रिंङ च़ेहसी ततो, दोतिंङ समझाएसी खरे तोह। अंऊ मीहच़ी रूठे शिक्षा खोकसी माह तातोर। दंङ अंऊ दोतिंङ दि पक्‍का माह कि दोच़ी छि विशवास लहज़ातोर, दोरे दि खरे गप्पो वर्णन गलत तरीका रंङ साते लहज़ातोर। झांह लहज़ी दोरे परमेश्वरो दोरच़ी एनोह नाश शुहबिमी वहज़ा शुहचे यवातोर।

1 यूहन्ना 2:19

दोरे मीहरे अंऊ मसीहू विरोध लहज़ा तेर ञेंहतु ए झुंडो बिचंङ ज़ि हुंच़ा इलोर, छना कुचे दोरे हेंदु माह शुहरे। अगर दोरे हेंदु शुंईयां ता हेंदंङ साते बंङज़ा तोहई, पर दोरे अच़ा इलिर, झांह लेह पता लेहती, दोतु बिचंङ ज़ि अरिला हेंदु माह तोईरे।

प्रकाशित वाक्य 12:9

दिऊ थल्जी दोबि ए दोऊ साथी तिंङ धरती रिंङ छंङी च़रति। दि मोह्ड़े अजगर दुह ए तोह अंऊ महसे टेम तुहई ओमड्रो रूपारिंङ तंङातेंई, अतिंङ शेतान ए दोष लगाएच़ा ला कुट्रातोर। दि दुह ए तोह अंऊ दि संसारो मीहतिंङ धोखा रंड्रा।