1 तीमुथियुस 5:14 - लाहौली बाइबिल

¹⁴ झांह लेह गेह दि सलाह रंड्री जुंज़ातोग कि जवान रंणी ब्याह लेह च़रतु, दंङ कटुरे पैदा लेह घरबार सोटेक्तु, दंङ ऊई अरिया विरोधी बि बदनाम लहच़िमी मोका थारांई।

1 तीमुथियुस 5:14 Iomraidhean Croise

रोमियो 14:13

झांह लेह तुंखा हेनर इदि-अईदि ओ टोईच़ी दोष माह लगाएपोंई, पर केहच़ी दि ञेंई च़रतुंई कि अंऊ ला साथी विशवासी हेंदु वहज़ा ज़ि पापो जाला रिंङ फसके इबि माह जूंस।

2 कुरिन्थियों 11:12

पर अंऊ गेह लहज़ातग, दू ए लोहवा लोहग; गेह केहतु मदत माह लेहपोग ताकि गेह दू मीहतिंङ रोकेक्पोग अंऊ दि गप्पा ओ टोईच़ी घमण्ड लहच़िमी थल्जी इच्च़ा मोका जुंज़ातोर कि परमेश्वरो थल्जी दोतु कम ञेंहतु कमो बराबर तोह।

1 तीमुथियुस 2:8

गेह जुंज़ातग कि हर सभारिंङ गंङमी अंऊ रूठे जीवन श्रींङमातोर, रोहष मेह ए झगड़ा मेह केनातु गुह्ट्र खेका लहच़ी प्रार्थना लोहवा लंहि।

1 तीमुथियुस 4:3

दुह हप्सी मीहच़ी सिखाएच़ि कि ब्याह लेह ए रें बगत ज़ेई गलत तोह। पर परमेश्वरे हर पाहठी ओ बगत विशवासी तु थल्जी बणाषी शुह, अंऊ हेले ऊ शिक्षा ञेंहच़ातोर, कि धन्यवाद ओ प्रार्थनो थल बगत ज़ंई।

1 तीमुथियुस 5:11

पर जवान रंणी मेच़िमी तु मिन दर्ज थालांही, छना कुचे अपेहल दोतु फुको हिटी इच्च़ा रंणी मेच़िमी रूपारिंङ मसीहू सेवा लहज़िमी वाईदा रंङ साते महस पक्‍का शुहचे यवाह, दंङ दू यह्च़ा ब्याह लहच़ी जुंज़ा,

1 तीमुथियुस 6:1

अंयों विशवासी मीहरे गुलाम तोतोर, दोतिंङ भत्ते तरफे एनातु-एनातु मालिको आदर लेह जूंशी तोह, ताकि ऊई मीहरे परमेश्वरो ए हेंदु शिक्षा ओ अपमान लेह माह जूंस।

तीतुस 2:5

जवान मेच़िमी तिंङ एनोह टोहकठे काबू लहज़ी जूंशी तोह, दंङ एनोह गगसो थल्जी वफादार शुहबी जूंस, दंङ एनोह चुंङ देखभाल लहज़ा शुहबी जूंस, दंङ ऊईतु थल्जी दयावन्त शुहबी जूंस, एनातु-एनातु गगसो गप्पा मनेक्च़ा शुहबी जूंस, ताकि अरिला परमेश्वरो रूठे बचनो पाहठी मदम कुट्री मेस।

तीतुस 2:8

कांह शिक्षा हमेशा सच्चाई ओ शुहबी जूंस, अतु अच़िया बुराई लेह माह जूंस, ताकि दोरे अंऊ यीशु मसीहू वहज़ा ज़ि कांह विरोध लहज़ातोर, शर्मिन्दा शोर। छना कुचे दोरे हेंदु पाहठी छल्ले मदम कुट्री मरपोर।

इब्रानियों 13:4

ब्याह भत्ते मीहच़ी आदरो गप्पा समझेक्सी जूंस, दंङ दि नातारिंङ मेच़ा-गगसा इदि-अई दिऊ थल्जी वफादार शुहबी जूंस। छना कुचे परमेश्वर, कुकम लहज़ा, ए ऊई मेच़िमी तंङ नाज़ायज़ नाता तहज़ा दोतु न्याय लोहतो।