1 तीमुथियुस 5:11 - लाहौली बाइबिल

¹¹ पर जवान रंणी मेच़िमी तु मिन दर्ज थालांही, छना कुचे अपेहल दोतु फुको हिटी इच्च़ा रंणी मेच़िमी रूपारिंङ मसीहू सेवा लहज़िमी वाईदा रंङ साते महस पक्‍का शुहचे यवाह, दंङ दू यह्च़ा ब्याह लहच़ी जुंज़ा,

1 तीमुथियुस 5:11 Iomraidhean Croise

1 तीमुथियुस 4:3

दुह हप्सी मीहच़ी सिखाएच़ि कि ब्याह लेह ए रें बगत ज़ेई गलत तोह। पर परमेश्वरे हर पाहठी ओ बगत विशवासी तु थल्जी बणाषी शुह, अंऊ हेले ऊ शिक्षा ञेंहच़ातोर, कि धन्यवाद ओ प्रार्थनो थल बगत ज़ंई।

1 तीमुथियुस 5:12

झांह लेह दोई एनाबि दोषी बणाके च़रच़ा, छना कुचे दोच़ी एनोह दोबारा ब्याह माह लहज़िमी मुण्डो वाईदा माह तहरिर।

1 तीमुथियुस 5:14

झांह लेह गेह दि सलाह रंड्री जुंज़ातोग कि जवान रंणी ब्याह लेह च़रतु, दंङ कटुरे पैदा लेह घरबार सोटेक्तु, दंङ ऊई अरिया विरोधी बि बदनाम लहच़िमी मोका थारांई।

1 तीमुथियुस 5:9

केहच़ी दुह रंणी मेच़िमी मिन दर्ज लंहि अतु उम्र षुमु निंज़ो साह साल बे महस शोतो, दंङ दुह एनोह गगसा रंङ साते वफादार शोतो।

याकूब 5:5

दंङ केरे धरतीऊ टोहकठे भोग-विलासरिंङ लेहकी बंङज़ुंई दंङ मोह्ड़े सुख भोगेकतंई; केरे सिर्फ केनातु ऐश-आरामो थल्जी श्रींङमातंई, दंङ झांह लेह, केहच़ी केनाज़ि परमेश्वरो दोरच़ी रंड्रा भयानक सज़ाओ थल्जी तेयार लेह चरच़ातंई।

2 पतरस 2:18

अपेहल दोरे मीहतिंङ धोखा रंड्रातोर, दंङ दोरे शुह्के ए घमण्डो शब्दा तु इस्तेमाल लहज़ातोर। दोच़ी मीहतिंङ कंड्रातोर कि दोच़ी दुह षेह्द अपिमी जोगे कम लेह तरच़ातोर अंऊ दोतु फुक लेह जुंज़ा दंङ दोरे दुह मीहतिंङ यह्च़ा पाप लहज़िमी थल्जी भरमाके केट्रातोर, अंऊ हेंतेग-हेंतेग झांह ठ्रोह मदम कमो दोरच़ी बचेके हुंच़ा तोतोर।

प्रकाशित वाक्य 18:7

दोई अंयों बढाई लहरी ए भोगविलास लहरी, दोबि धोंण दुख ए धोंण शोक रांई। दोई एनोह सेहमरिंङ दि कुट्रा, “गेह रानी ओ ठ्रोह सिंहासनो टोईच़ी विराजमान तोतोग।” गेह रंणी माहशुहगा दंङ अपेहल ला शोक माह लोहग।

प्रकाशित वाक्य 18:9

“दंङ भत्ते धरतीऊ रज्ज़ा अंऊ दोच़ी दोरंङ साते कुकम लहरिर, अपेहल दोरे शहरो रोहषीरंङ टूह बि खमोर, दंङ दोरे दोऊ थल्जी क्रपोर दंङ शोक लोहर।”