1 तीमुथियुस 5:10 - लाहौली बाइबिल

¹⁰ दंङ एनोह रूठे कमो वहज़ा ज़ि दोऊ मिन शोतो, मतलब अच़ि एनोह कटुतु पालन-पोषण रूठे रंङ लहसी शोतो, दंङ पौहना तु सेवा लहसी शोतो, दोई ऊई विशवासी तु सेवा इच्च़ा परगरो ठ्रोह लहसी शोतो, दंङ दुखी मीहतु सेवा लहसी शोतो, दंङ हर पाहठी ऊ रूठे कमरिंङ सेहम लेहकी शोतो।

1 तीमुथियुस 5:10 Iomraidhean Croise

मत्ती 25:17

ध्यांए अच़ि झुह्ट खोक्शते दोईला झुह्ट ऊहई कमाकतो।

मत्ती 5:16

ध्वांए केहतु छंङी मीहतु तुईज़ी च़मकेकी जूंस कि दोच़ी केहतु रूठे कम खांऐ केहतु बाहऊ, अरी स्वर्गंङ तोद, तारीफ लहसी जूंस।

लूको 7:38

दंङ दोऊ कोंज़ो कछंङ, थ्ल्का खड़े शुहचे, क्रप्चाते दोऊ कोन्ज़ा तिंङ मिक्ति साते अल्ले लहज़ा एनोह पुंज़ो क्रा रंङ साते साफ लहज़ी लेहती दंङ यीशु कोन्ज़ंङ उकू रें रुठे बासंङ इत्र च्वाचि लेहती।

लूको 7:44

दंङ दुह मेच़मीऊ हखा किरज़े यीशुज़ि शमौनो रंङ साते कुतोह, “छि केई तङातेन आ कि दिह मेच़िमी छि लहतो? गेह कांह चुंङ अतिगा पर ञेंहतु रिवाज़ो हिसाबे केई गिऊ कोन्ज़ा शुलज़िमी थल्जी ती ला मा रेंई, पर दीह मेच़मी गिऊ कोन्ज़ा मिक्ति रंङ अलेग लहरी दंङ क्राए रंङ साते दुह साफ लहरी।”

प्रेरित 10:22

दोच़ी कुईर, कुरनेलियुस सुबेदारे अंऊ धर्मी ए परमेश्वरो बेह्द चेहच़ा दंङ भत्ते यहुदी मीहतु बिचंङ दुह इच्च़ा इज्ज़तदार मीह तोह, दोई इच्च़ा पवित्र स्वर्गदूतो दोरच़ी दिह हुकुम खोकसिरी, कि कनिंङ एनोह घरबारंङ बुलाके कांह दोरच़ी शिक्षा रेड्रोंई।

प्रेरित 22:12

दोथर हनन्याह मिंदंङ भक्त मीह अंऊ हेंदु यहुदी कानूनो रूठे रंङ भाषे लहज़ाते, गिऊ कछंङ अति,

प्रेरित 6:3

दिऊ थल्जी हे बिशवासी न्वारे, केनातु बिचंङ ज़ि निह्ज रूठे गंङमी रे अंऊ पवित्र आत्मा ए बुद्धिरंङ साते परिपूर्ण तोतोर, अंङे च़रतुंई, कि ञेंहरे दोतिंङ दिह कमो ज़िम्मेवारी रें तरपोंई।

प्रेरित 9:36

याफा शहर, तबीता मतलब दोरकास मिंदंङ इच्च़ा विशवासी मेच़िमी तोहई। दोई महस ए रूठे-रूठे कम ए गरीबा तु मदत लहज़ाते।

प्रेरित 9:39

दोहथर पतरस खड़े शुहचे दोतंङ साते अच्च़ा इलि, दंङ छना ए दुह पिचे इलि, ता दोरे पतरस बि तोरिंङ कि कमरा रिंङ रेंज़ा शिलिर। दंङ भत्ते रंणी मेच़िमी रे क्रपचा दोऊ कछंङ अंज़े खड़े शुईरे, दंङ अंऊ कुर्ती ए खमज़ेर दोरकास ए दोतु थल्जी बणाएकते, कंड्री लेहती।

रोमियो 12:13

परमेश्वरो मीहतिंङ छिल्ला ज़रूरत तोह, दोतु मदत लोह प्रोहानातु थल्जी केनातु चुंङ खी पेतंङ अल्ज़े तोह।

इफिसियों 2:10

छना कुचे हेनर परमेश्वरे बणाषी शुई; दंङ यीशु मसीह रिंङ दू रूठे कमो थल्जी बणाषी अपि परमेश्वरे तुहई बेहच़ी हेंदु लहज़िमी थल्जी तेयार लहसी ततो।

कुलुस्सियों 1:10

दंङ ञेंहच़ी दि प्रार्थना लहज़ातंई ताकि केहच़ी झांह ठ्रोह जीवन श्रींङमोंई छना प्रभु ज़ि जुंज़ा, दंङ केहच़ी भत्ते पाहठी रंङ साते प्रभु बि खुश लोंहई, कि केरे भत्ते पाहठी रूठे कम लोहवा लंहि, दंङ परमेश्वरा बि ञेंहच़िमी थल्जी लगातार बणेक्पा लंहि,

1 तीमुथियुस 2:10

दिऊ वहज़ा ज़ि दोतिंङ ऊई मीहतु थल्जी रूठे कम लहच़ी एनाबि सलटे लेह जूंशी तोह। छना कुचे परमेश्वरो भक्ति लहज़ा मेच़िमी ऊ थल्जी दिए ठीक तोह।

1 तीमुथियुस 3:2

दंङ दि ज़रूरी तोह कि कलीसिया ओ मुख्या बि दि गुण शुहबी जूंस, कि दुह निर्दोष शुहबी जूंस, दंङ इच्च़ा मेच़ो गगसा शुहबी जूंस, हर हालातरिंङ एनोह टोहकठे काबू लहज़ा, रूठे, ए पौहना तु आदर लहज़ा, दंङ परमेश्वरो बचन रूठे रंङ सिखाएच़ा शुहबी जूंस।

1 तीमुथियुस 3:7

दि ला ज़रूरी तोह कि अविशवासी मीहतु बिचंङ ला दोऊ आदर शोतो, झांह शुहबी मेस कि दोऊ बदनामी शोतो दंङ दुह शेतानो फंदारिंङ फसेगी योतो।

1 तीमुथियुस 5:16

अगर अरिया विशवासी मेच़िमी ऊ टबरातु बिचंङ रंणी तोतोर, दंङ दोबि एनोह रंणी तु ज़रूरत पूरा लहज़िमी ज़िम्मेवारी कलीसिया बि रंड्री माह जूंस। ताकि कलीसिया दुह रंणी तु ज़रूरत पूरा लेह तरपोतो अतु कछंङ दोतु मदत लहज़ा ऊई अरिला माह।

1 तीमुथियुस 5:25

ध्वांए ठ्रोह, अपेहल मीहच़ी रूठे कम लहज़ातोर, दंङ दुह ऊई विशवासी तु तुईज़ी प्रगट शवाह, अगर माह तोर, दंङ दोरे महसे तचेक ब्याके ला मरच़ि।

1 तीमुथियुस 6:18

दोतिंङ भलाई ऊ कम लहज़िमी थल्जी कुह, दंङ ऊईतु थल्जी छिल्ला ज़रूरत तोह दोबि महस खुले सेहमे दान रम्मा लंहि।

2 तीमुथियुस 1:5

गिह्बी कनु याह यूनिस ओ सच्चा विशवास हिद तोह। दंङ कनु नानी लोइस ओ विशवास ला ध्वांए तोह, दंङ गिह्बी विशवास तोह कि कांह ला दिए विशवास तोह।

2 तीमुथियुस 2:21

ध्वांए अंऊ विशवासी एनाबि दुह भत्ते कमो दोरच़ी शत्‌ह लोहतो, दंङ दुह इच्च़ा खास नंदे ओ ठ्रोह शोतो अंऊ खास टेमारिंङ इस्तेमाल लहज़ी, दंङ दोरे भत्ते पाहठी ओ रूठे कम लेह तरपोंई।

2 तीमुथियुस 3:15

बाड़े बेहच़ी केई ए पवित्रशास्त्र बि ञेंहच़ातन, अंऊ कनिंङ दि समझेक्सिमी थल्जी मदत लहज़ा कि अपेहल काह यीशु मसीहू टोहकठे विशवास लहज़ातन दंङ परमेश्वर कनिंङ बचाएपोतो।

2 तीमुथियुस 3:17

ताकि परमेश्वरो मीह सिद्ध बड़ेक्पोतो, दंङ हर इच्च़ा रूठे कमो थल्जी तेयार ए काबिल शुहचे बंङज़ोतो।

तीतुस 2:14

यीशु मसीह हेंदु थल्जी सिए इलि ताकि हेंदिंङ भत्ते पाहठी पापो दोरच़ी आज़ाद लोहतो दंङ हेंदिंङ शुद्ध लेह तरपोतो ताकि हेनर दोऊ खास मीहरे बणेंके योंई। अंऊ रूठे कम लहज़िमी थल्जी भत्ते तरफे समर्पित शोतो

तीतुस 2:7

केतिंङ भत्ते धिरा रिंङ हमेशा रूठे कम लहज़ी जूंशी तोह, अंऊ ऊईतु थल्जी इच्च़ा उदाहरण बणेक्पोतो अतु ऊईज़ि हमेशा पालन लोहर। अपेहल काह विशवासी तिंङ परमेश्वरो पाहठी सिखाएच़ातंई, दंङ दोबि रूठे मकसद रंङ साते सिखातु, झांह लेह मीहच़ी कांह आदर लोहर।

तीतुस 3:1

विशवासी मीहतिंङ हिद दिलाएच़ा लोह, कि हाकिम ए अधिकारी तु अधीन बंङज़ु, दंङ दोतु हुकुम मनेक्तु, दंङ ऊईतु थल्जी हर इच्च़ा रूठे कमो थल्जी तेयार बंङज़ुंई,

तीतुस 3:14

सिर्फ धोंण ए मशत, कनिंङ विशवासी तिंङ सिखासी जूंशी तोह कि रूठे कम लहज़िमी थल्जी लगातार मेहनत लोहवा लंहि ताकि दुह मीहतु ज़रूरत पूरा लहज़िमी थल्जी रूठे कम लहज़िमी दोतिंङ महस मेहनत लेह जुंशी तोह। झांह लेह विशवासी तिंङ इच्च़ा मकसद रंङ साते जीवन श्रींङमी मदत खोकसोतो।

तीतुस 3:8

दि गप्पा हेले तोह, अंऊ गेह हेंतेग-हेंतेग कंङातेग दंङ गेह जुंज़ातग कि कांह विशवासी तिंङ दि गप्पातु पाहठी पक्‍का रंङ साते सिखातु। झांह लेह कि अच़ि परमेश्वरो टोहकठे विशवास लहरिर, दोरे रूठे कमो थल्जी एनोह टेम रंड्रीमी थल्जी ध्यान रांई दि भत्ते तु थल्जी दि गप्पा रूठे ए फायदेमंद तोह।

इब्रानियों 10:24

अतंई हेनर इदि-अई दिरंङ साते दाह ए रूठे कमो दोरच़ी इदि-अईदि बि याहब रम्मा लोंहि।

इब्रानियों 13:2

पखला मीहतिंङ ला पौहना तु आदर कंड्री हिद तंही, अंऊ पौहना ए ज़रूरतमंद मुसाफिर तोतोर, छना कुचे दिऊ दोरच़ी अंयों मीहच़ी स्वर्गदूतातु आदर-सत्कार लहरिर।

1 पतरस 2:12

ऊई जातिऊ मीहतु बिचंङ केहतु व्यवहार रूठे शुहबी जूंस। छना कुचे एंतेग अच़ि केतिंङ मदम कम लहज़ा कुट्रा मीहरे कुचे दोष लगाएपोर, दोरे मीहरे अपेहल परमेश्वर अपतो दुह ध्याड़ा केहतु रूठे कम खंड्रा परमेश्वरो महिमा लोहर।

1 पतरस 4:9

मीहतु केनातु चुंङ स्वागत लंहि दंङ झांह चिड़चिड़ापन मेह लोहवा लंहि।

3 यूहन्ना 1:12

कलीसिया रिंङ दंङ दिमेत्रियुसो बारे भत्ते ज़ि, वरन सच्चाई ला ऐने गवाही रांई; दंङ हेंज़ी ला गवाही रंड्रातंई दंङ केई ञेंच़ातंई कि केहतु गवाही हेले शुह।