1 तीमुथियुस 4:8 - लाहौली बाइबिल

⁸ छना कुचे फुको कसरत ओ थोड़े फायदा तोह, पर परमेश्वरो भक्ति ओ कसरत भत्ते गप्पो थल्जी फायदेमंद तोह, छना कुचे दि इच्च़ा मीहबी ईनाम रंड्रीमी वाईदा लहज़ा अपेहल दुह दि धरती रिंङ श्रींङी बंङज़ा दंङ सिमी थल ला।

1 तीमुथियुस 4:8 Iomraidhean Croise

मत्ती 12:32

अच़िला गेह मीहू योहू खिलाप छाह गप्पा कोतो, दोऊ दि गलती माफ शुहचे योतो पर अच्च़ी लाह पवित्र आत्मो खिलाप छाह कोतो, दोऊ गलती माह दिह संसार माह परलोकंङ माफ शोतो।

मत्ती 19:29

अच़िला घरबाररे एनोह न्वा, रिंङ याह-बाह तिंङ, कटुरे, या रिह गिऊ मिन्दु थल्जी केह केहषी ततोर दोबि राह गुणा खोकसोतो, दंङ दुह अनंत जीवन ओ हकदार शोतो।

मत्ती 6:33

दिऊ थल्जी केहच़ी हेगा परमेश्वरो राज्य ओ खोज ए धर्मिकतारंङ साते जोईमी कोशिश लोह दंङ दिहरे भत्ते चीज़र केतिंङ खोकसा योतो।

लूको 5:38

दिऊ थल्जी मीहच़ी खरकोई सरा खरकोई बरच़ु अंद्रेग पिंङषी।

रोमियो 8:28

दंङ ञेंहच़ी ञेंहच़ातोंई, कि अंऊ मीहरे परमेश्वर रंङ साते दाह लहज़ातोर, दोतु थल्जी भत्ते गप्पा ठ्रोहका शुहचे भलाई बि पैदा लहज़ा; मतलब दोतु ए थल्जी अंऊ परमेश्वरो हिटी हिसाबे अंङषी तोतोर।

1 कुरिन्थियों 3:22

झांह लेह गेह खास लहज़ी पोलुस ए अपुल्लोस चाहे कैफा (पतरस), या संसारो चीज़ा रे चाहे केरे श्रींङे बंङज़ेंई या सिए इलांई, चाहे वर्तमान, या भविष्य, परमेश्वरे दि भत्ते धिर केहतु भलाई ओ थल्जी रांहषी ततो।

1 कुरिन्थियों 8:8

पर बगत हेंदिंङ परमेश्वरो कछंङ माह पिट्रा। अगर हेनर दोबि माह जोओनी दंङ हेंदिंङ छल्ले नुकसान माह दंङ अगर हेंज़ी ज़ोवातंई ता दिरिंङ छल्ले फायदा माह।

1 तीमुथियुस 4:7

पर दुह बनावटी कथारिंङ केनातु टेम बरबाद थालंही, अंऊ दोरच़ी परमेश्वराबि आदर माह खोकसा। बल्कि हेंदिंङ लगातार सिखासी जूंस, कि हेंदु जीवनो दोरच़ी परमेश्वराबि छना आदर रमोंई।

1 तीमुथियुस 6:3

अगर अरिया हप्सी शिक्षा रंड्रा, दंङ हेंदु प्रभु यीशु मसीहू रूठे शिक्षा ए परमेश्वरो भक्ति रंङ सहमत माह शवाह।

1 तीमुथियुस 6:5

दंङ झांह ठ्रोह मीहतु बिचंङ हमेशा झगड़ा शवाह, अंऊ दोतु बुद्धि भ्रष्ट शुहचे इलजी तोह, दंङ दोरे सच्चाई बि समझेगी माहरच़ातोर, दंङ दोच़ी सोचेक्च़ातोर कि परमेश्वरो सेवा लहज़ी साहुकार बणेक्पिमी तरीका शुह।

1 तीमुथियुस 6:6

पर हेंदु थल्जी दि रूठे तोह, कि ञेंहच़ी दुह लोहनि अतंङ साते परमेश्वर खुश शवाह दंङ दोरंङ सन्तुष्ट बंङज़ोंई अंऊ दोई हेंदिंङ रंड्रा।

2 तीमुथियुस 3:5

दोरे भक्त शुहबिमी दिखावा लोहर, पर दोरे परमेश्वरो दुह शाक्ति माह मनेक्च़ातेर अंऊ दोतिंङ भक्त बणेंके तरपोतो। झांह ठ्रोह मीहतंङ साते मेल-जोल थालंही।

तीतुस 3:8

दि गप्पा हेले तोह, अंऊ गेह हेंतेग-हेंतेग कंङातेग दंङ गेह जुंज़ातग कि कांह विशवासी तिंङ दि गप्पातु पाहठी पक्‍का रंङ साते सिखातु। झांह लेह कि अच़ि परमेश्वरो टोहकठे विशवास लहरिर, दोरे रूठे कमो थल्जी एनोह टेम रंड्रीमी थल्जी ध्यान रांई दि भत्ते तु थल्जी दि गप्पा रूठे ए फायदेमंद तोह।

इब्रानियों 13:9

छना कुचे यीशु मसीह अपेहल ला माह लेहक्सा, झांह लेह केतिंङ दि भत्ते खरकोई ए शत्‌ह-शत्‌ह शिक्षाओ भाषे लहज़ी जूंशी तोह अंऊ केतिंङ गलत अमरिंङ रैंज़ा शिलज़ा। छना कुचे केहतु सेहमो थल्जी दि रूठे तोह कि परमेश्वरो मोह्ड़े दाह ओ दोरच़ी पक्‍का शुहचे इलेंई, माह कि दू कानून मनेक्च़िमी रंङ साते अंऊ ज़ेइमी पाहठी तोह, ज़ेइमी-तुंङमिमी रिति रिवाज़ो अतु ला भला माह शुई।

1 यूहन्ना 2:25

परमेश्वरे हेन्दंङ साते वाईदा लाहरी कि दोई हेन्दिंङ अनंत जीवन रमतो।

प्रकाशित वाक्य 3:12

अंऊ दोई जय खोकपोतो दुह मंदिरो थम्मो ठ्रोह शोतो, अतु गेह अराधना लहज़ातग, दंङ दोतिंङ दोबि अपेहल ला छोड़ेक्सी माह पढ़ेक्पोतो। गेह दोऊ फुका रिंङ गिऊ परमेश्वरे ए परमेश्वरो शहरो मिन च़ेओग, दि दुह ए शुह अपि खरकोई यरूशलेम ला कुट्री। दि दुह ए शहर शुह अंऊ स्वर्गंङ ज़ि, मतलब गिऊ परमेश्वरो दोरच़ी योंखा अपतो। गेह दोऊ फुकारिंङ इच्च़ा खरकोई मिन च़ेओग।

प्रकाशित वाक्य 3:21

अंऊ दोई जय खोकपोतो, गेह दोबि घेंङारंङ साते सिंहासनो टोईच़ी बंङज़ी लोहग, छना गेह ला जय खोकशी ते घेंङौ बाह रंङ साते दोऊ सिंहासनो टोईच़ी बंङज़ा इलिगा।