1 तीमुथियुस 4:6 - लाहौली बाइबिल

⁶ अगर कांह भत्ते विशवासीतिंङ लगातार दि हिद गप्पा सिखाएपोंई कि अतु गेह कनिंङ सिखाएकातग, दंङ कांह विशवासो खबरो दोरच़ी ए रूठे शिक्षाओ दोरच़ी पक्‍का लेह केहनि, अतिंङ केई मनेक्च़ातंई, दंङ कांह यीशु मसीहू इच्च़ा रूठे सेवक शुनाह।

1 तीमुथियुस 4:6 Iomraidhean Croise

मत्ती 13:52

यीशुज़ि दोतिंङ कुहतो, “दिऊ थल्जी भत्ते यहुदी शास्त्री स्वर्गो राज्यो चेला शुहचे तोह, दुह घरबारो मालिको ठ्रोह शुह अच़ि एनोह खरकोई ए युई टंगा-ढबाह दुह ठाहरिरिंङ ज़ि धह्तेका हुंपा अंऊर दोई ऊईतु मदत लहज़िमी थल्जी दुह ठ्रोहका लाह।”

लूको 1:3

दिऊ थल्जी गेह ला दिह भत्ते गप्पातु ध्यानारंङ साते परख लहज़ातग दंङ गिह्बी दिह रुठे अति कि गेह कांह थल्जी दिह गप्पारे छना ठ्रोह शुह्ते, ध्वांए शुरूआत बेहच़ी इच्च़ा-इच्च़ा लेह च़ेओग।

प्रेरित 1:15

इच्च़ा ध्याड़ारिंङ पतरस दुह लगभग राह निंज़ो मीहतु बिचंङ खड़े शुहचे कुट्री लेहती,

प्रेरित 20:31

हिद तंही कि निरा ए राता रिंङ षुमु साल तचेक लगातार केतिंङ गेह दुह खबर घड़ी-घड़ी सिखाएकातग, दंङ केतिंङ टिरारिंङ मिक्ति बहाके केतिंङ खबरदार लहरिगा कि ऊई अंऊला खबरो टोईच़ी विशवास थालंही।

प्रेरित 20:35

गेह केहतु थल्जी लगातार इच्च़ा उदाहरण बणेंके तोतोग दि कंड्रीमी थल्जी कि छना मेहनत लहज़ी केरे ज़रूरत मंद मीहतु मदत लेह तरपोंई। केतिंङ प्रभु यीशु बचन हिद तहज़ी जूंस छना कुचे दोई एनाह ए कुहषी ततो कि, लेहपच़िमी बदला रंड्रीरी महस खुशी खोकसी।

रोमियो 15:15

तांला गेह रें चीज़ो पाहठी केतिंङ हिम्मत लहज़ी ते च़ेहसी लेहकी तोतोग कि केतिंङ गेह यह्च़ा हिद दिलाएपोग, दि, दू मोह्ड़े दाह ओ दोरच़ी शुई, अंऊ परमेश्वरे गिह्बी रांहषी ततो।

1 कुरिन्थियों 4:17

गेह तीमुथियुसा बि अंऊ यीशु रिंङ गिऊ प्यारे ए विशवासो जोगे योह तोह, केहतु कछंङ च़रतिगा, छना कि गेह हर ठहरि ए हर इच्च़ा कलीसियारिंङ शिक्षा रंड्रातग।

2 कुरिन्थियों 11:23

छि दोरे ए मसीहू सेवक शुरे आ? (गेह बमजी बराबर कुट्रातग) गेह दोतु बे बढ़कर शुगाह! गेह दोतु बे महस मेहनत लाहतग, दोतु बे महस कैदी बणेंके इलिगा, महस फेरा तेंङसी शुगाह, महस फेरा गिह्बी मौतो सामना लहज़ी लेहती।

2 कुरिन्थियों 3:6

अच़ि हेंदिंङ खरकोई वाईदाऊ सेवक शुहबिमी जोगे, बणाकतो। दि मूसा ओ च़ेहसी कानून माह शुह बल्कि पवित्र आत्माओ वाईदा शुह, छना कुचे मूसा ओ नियम ओ भाषे माह लहज़िमी परिणाम मौत तोह, पर पवित्र आत्माज़ि अनंत जीवन रंड्री।

2 कुरिन्थियों 6:4

पर हर इच्च़ा गप्पारिंङ ञेंहच़ी दि साबित लहज़ातंई कि हेनर परमेश्वरो सच्चा सेवक शुई। हेनर हेंदु रूठे गुण कंङे ते, दुख, मुसीबत, गरीबी ए दंङ महस मुसीबत ला मोह्ड़े हिम्मतारंङ साते सहन लहज़ातंई।

इफिसियों 6:21

प्रभु संगति रिंङ प्यारे न्वा ए विशवासो जोगे सेवक तुखिकुस केतिंङ दि भत्ते कंज़े च़रपोतो, ताकि केहच़ी ला ञेंई तरपोंई कि गेह छना तोतोग दंङ छि लहच़ी लेहकी तोतोग।

फिलिपियों 2:20

छना कुचे गिऊ कछंङ झांह ठ्रोह स्वभावो ऊई अरिला माह, अंऊ शुद्ध सेहमारंङ साते केहतु चिंद लोहतो।

फिलिपियों 2:22

पर केहच़ी ञेंच़ातंई कि तीमुथियुस छना कंङातो कि दुह वफादार तोह। छना योह बाह रंङ साते लहज़ा, ध्वांए ए दोई रूठे खबर फेलाच़िमी थल्जी गेरंङ साते मेहनत लहरी।

फिलिपियों 3:16

झांह लेह हेंदिंङ दुह सच्चाई ऊ हिसाबे श्रींङमी लेह्पोतो अंऊ परमेश्वरे तुहई बे हेंदु टोहकठे प्रगट लेह चरच़तो।

कुलुस्सियों 2:19

दंङ दोरे मीहरे मसीह रंङ साते ठ्रोहका शुहचे माह बंङज़ा तोर अंऊ भत्ते फुको पुंज़ा शुह। छना पुंज़ा भत्ते फुक काबू लहज़ा ध्वांए यीशु मसीह एनोह मीहतिंङ चलाच़ा, ताकि दोरे एनातु बिचंङ ठ्रोहका शुहचे बंङज़ोर दंङ दोरे मसीह रिंङ बणेक्पा लोहर छना फुको भत्ते जोड़ ए नसर भत्ते फुका बि चुमज़ा बंङज़ा तोर दंङ परमेश्वरो दोरच़ी बणेक्पा तोर।

कुलुस्सियों 3:16

मसीहू बचन रे केनातु सेहमरिंङ महसे बसेकपि रांई, दंङ सिद्ध ज्ञाना रंङ साते इदि अईदि बि सिखाएतुंई दंङ सलाह रांई, दंङ केनातु सेहमरिंङ धन्यवाद रंङ साते परमेश्वरो थल्जी भजन ए स्तुतिगान दंङ आत्मिक गीत कुंई।

कुलुस्सियों 4:7

प्यारे विशवासी न्वारे दंङ विशवासो जोगे सेवक, तुखिकुस, अंऊ प्रभुरिंङ गिऊ साथी तोह, गिऊ भत्ते गप्पारे केतिंङ कंङे च़रपोतो।

1 थिस्सलुनीकियों 3:2

दंङ ञेंहच़ी तीमुथियुसबि केहतु कछंङ च़रतिन, अंऊ मसीहू रूठे खबरारिंङ ञेंहतु न्वा ए परमेश्वरो सेवक तोह। ताकि दोई केतिंङ विशवासरिंङ पक्‍का लोहतो, दंङ लगातार विशवास लहज़िमी थल्जी उत्साहित लोहतो।

1 तीमुथियुस 1:10

दंङ कुकम लहज़ा ए समलैंगिक, दंङ दुह मीहरे अंऊ मीहतिंङ रैंज़ा दोतिंङ गुलाम बणाके लंङे चरच़ातोर, दंङ हप्सी कुट्रा मीहरे, दंङ हप्सी कसम लहज़ा, दंङ दुह भत्ते तु थल्जी शुह, अंऊ सच्चा शिक्षाओ खिलाप तोतोर।

1 तीमुथियुस 4:16

दि पाहठी खबरदार बंङज़ु कि कांह छना बंङज़ातन दंङ छि सिखाएक्च़ातन, दि गप्पारिंङ पक्‍का बंङज़ु, छना कुचे अगर झांह लोहवा लोहन, दंङ दिऊ नतीज़ा दि शोतो कि कांह दोरच़ी परमेश्वर एनेह कनिंङ ए कनिंङ रेड्रा दोतिंङ न्यायो दोरच़ी बचाएपोतो।

1 तीमुथियुस 6:3

अगर अरिया हप्सी शिक्षा रंड्रा, दंङ हेंदु प्रभु यीशु मसीहू रूठे शिक्षा ए परमेश्वरो भक्ति रंङ सहमत माह शवाह।

2 तीमुथियुस 1:6

झांह लेह गेह कनिंङ हिद रंड्रातग कि परमेश्वरो दुह वरदाना तिंङ यह्च़ा इस्तेमाल लोह, अपि परमेश्वरे केतिंङ रांहषी तते अपेहल गेह कांह पुंज़ा रिंङ घेंङौ गुह्ट्र केहतेग।

2 तीमुथियुस 3:10

पर हे तीमुथियुस, केई रूठे रंङ ञेंहच़ातन कि गेह छि सिखाक्च़ातग, दंङ छना श्रींङमातग, ज़िंदगी रिंङ गिऊ मकसद छि तोह दंङ गेह छि विशवास लहज़ातग। केई ञेंहच़ातन कि गेह धीरज़ तहज़ातग, दंङ भत्ते मीहतंङ साते दाह लहज़ातग, गेह मुसीबत सहन लाहतेर,

2 तीमुथियुस 4:3

छना कुचे झांह ठ्रोह ध्याड़ा अपतो, कि मीहरे सच्ची शिक्षा माह रेड्रोर, पर दोरे एनोह हिटी ओ हिसाबे जोज़ातोर दंङ दोरे महसे शिक्षा रंड्रातिंङ पेट्रोर अंऊ दोच़ी दुह ए कोहर अंऊ दि मीहच़ी रेड्री जुंज़ातोर।

तीतुस 2:1

पर तीतुस काह विशवासी तिंङ सिर्फ दुह ए गप्पा कंड्रु अंऊ सच्चाई ओ शिक्षा तोह।

1 पतरस 2:2

छना ठ्रोह कवचि कटु एनोह याह ओ शुद्ध पानु लालच लहज़ा, ध्वांए ठ्रोह केतिंङ परमेश्वरो बचन सिखेच़िमी हिटी तहच़ि जूंशी तोह ताकि केरे आत्मिक रूपारिंङ सेंहणा शुहचे योंई। दोहथल थल मुखंङ, परमेश्वर केतिंङ दि संसारो मदम चीज़ो दोरच़ी बचाएके च़रपोतो।

2 यूहन्ना 1:9

अंऊ मीहरे सच्चाई ऊ शिक्षा ओ दोरच़ी भटकेगी य्वातोर, दंङ मसीहू शिक्षा बि मनेक्च़ा तोर माह, दोरे परमेश्वरा रंङ साते बणेंकी माह बंङज़ा तोर। पर अंऊ मीहरे मसीहू शिक्षा बि लगातार मनेक्च़ा तोर, दोरे बाह परमेश्वरा रंङ साते दंङ दोऊ योह यीशु मसीह रंङ साते बणेंके बंङज़ा तोर।

यहूदा 1:5

हालांकि केरे भत्ते गप्पा इच्च़ा फेरा ञेंई चरच़ातंई, तांला गेह केतिंङ दि गप्पा हिद दिलाएच़ातग, कि परमेश्वरे इस्राएली तिंङ गुलामी दोरच़ी आज़ाद लहरी दंङ दोतिंङ मिस्त्र देशो धकतेखा हति, पर थले दोई दुह भत्ते तिंङ सचे च़रति, अंऊ दोच़ी सुनसान ठहरि दोऊ टोईच़ी भरोसा माह लहरिर।