1 तीमुथियुस 4:3 - लाहौली बाइबिल

³ दुह हप्सी मीहच़ी सिखाएच़ि कि ब्याह लेह ए रें बगत ज़ेई गलत तोह। पर परमेश्वरे हर पाहठी ओ बगत विशवासी तु थल्जी बणाषी शुह, अंऊ हेले ऊ शिक्षा ञेंहच़ातोर, कि धन्यवाद ओ प्रार्थनो थल बगत ज़ंई।

1 तीमुथियुस 4:3 Iomraidhean Croise

मत्ती 14:19

दोई मीहतिंङ षोहड़ीङ श्रांङतु टोहकठे बंङज़िमी थल्जी कुहतो दंङ दुह ङा रोटीए झुह्ट मह्छ़ लेहप्ती, दंङ सर्गो हखा खांई परमेश्वरो धन्यवाद लहरी, दंङ रोटी खन्नी-खन्नी लेह चेला तिंङ रमा लहरी।

मत्ती 15:11

छि आहऊ अंद्रेग यवा, दोई मीह अशुद्ध मलेहई पर छि आहरिंङज़ि हुंज़ा दोई अशुद्ध लेहई।”

मत्ती 15:36

दंङ निज़ी रोटी ए मह्छ़ लेहपच़े धन्यवाद लेह खन्नी लोहआ एनोह चेला तु हखा रमाह लहरी दंङ चेलाज़ि मीहतु हखा।

लूको 24:30

अपेहल दुह दोतंङ साते बगत ज़ेई बंङज़िरी, दंङ दोई रोटी लेहपच़े परमेश्वरो धन्यवाद लहरी, दंङ थकशे दोतिंङ रंड्री लेहती।

यहून्नो 6:23

दोथर तिबेरियास शहरो दोरच़ी ऊई किशतीर अतिर, अंऊर प्रभु ज़ि मीहतु मोह्ड़े भीड़ बि बगत रंदे।

प्रेरित 27:35

दंङ दि कुचे दोई रोटी लेह्पचे भत्तेतु तुईज़ी परमेश्वरो धन्यवाद लहरी दंङ थक्शे ज़े लेहती।

रोमियो 14:17

परमेश्वरो राजारिंङ ज़े तुंङमी ज़रूरी माह, पर ज़रूरी गप्पा दि तोह कि परमेश्वरा रंङ साते सही जीवन श्रींङमातंई, पवित्र आत्मारिंङ शांति ए दू खुशी शुहबी तोह।

रोमियो 14:3

अच़ि षाह ज़ोवा, दोई षाह माह ज़जाड़ बि कवचि था चेहतु, दंङ षाह माह ज़जाड़ ला षाह ज़ेज़ाडो टोहकठे दोष था लागातु; छना कुचे परमेश्वरे दू झुल्लाकुतिंङ ग्रहण लहज़ा।

रोमियो 14:6

रेहच़ी अंऊ ध्याड़ा मनेक्च़ातेर, दू प्रभु बि आदर रंड्रीमी थल्जी मनेक्च़ातेर। अंऊ धिर ज़ोवा, दू ला प्रभु थल्जी ज़ोवा, छना कुचे दू परमेश्वरो धन्यवाद लहज़ा, दंङ अंऊ षाह माह ज़ोवा, दू प्रभु थल्जी माह ज़ोवा दंङ परमेश्वरो धन्यवाद लहज़ा।

1 कुरिन्थियों 6:13

“रे मीहरे ता झांह ला कुट्री तरपोर कि, बगत खोकटुंङ ओ थल्जी शुह।” दि हेले शुह कि, पर परमेश्वर झुल्लो अंत लेह च़रपोतो। फुक कुकमो थल्जी माशुह, बल्कि हेंदिंङ हेंदु फुको इस्तेमाल लेह जूंशी तोह अंऊ प्रभु ज़ि जुंज़ा दंङ हेंदु फुक प्रभु थल्जी शुह।

1 कुरिन्थियों 7:28

तांला अगर केरे ब्याह लहज़ातंई, दंङ दिरिंङ छल्ले पाप माह दंङ अगर कुंवारा दोई ब्याह लहज़ा ता छल्ले पाप माह लहज़ा, पर झांह ठ्रोह मीहतिंङ दि जीवना रिंङ पक्‍का ए दुख सहन लहज़ी पढ़ेक्पोतो। दिऊ दोरच़ी गेह केतिंङ बचाएच़ातग।

1 कुरिन्थियों 8:8

पर बगत हेंदिंङ परमेश्वरो कछंङ माह पिट्रा। अगर हेनर दोबि माह जोओनी दंङ हेंदिंङ छल्ले नुकसान माह दंङ अगर हेंज़ी ज़ोवातंई ता दिरिंङ छल्ले फायदा माह।

कुलुस्सियों 2:16

झांह लेह अच़ि लाह केतिंङ दि कुह्चे धोखा रंड्री माह जूंस, कि केतिंङ छि जें ए तुंङमी तोह या त्याहरो मनेक्च़िमी थल्जी ए लचंङों त्याहरो, या अरामो ध्याड़ो थल्जी केहतु फेंसला माह लोहर।

कुलुस्सियों 3:17

दंङ अंऊ बचन ला केहच़ी कुट्रातंई या छिल्ल ला लहज़ा तंई भत्ते धिर प्रभु यीशु मिंदंङ साते लंहि, दंङ प्रभु यीशु दोरच़ी परमेश्वरो बाहऊ धन्यवाद लंहि।

1 तीमुथियुस 2:4

दोई जुंज़ा कि, कि भत्ते मीहतु उद्धार शुहबी जूंस; दंङ दोरे सच्चाई बि रूठे रंङ सेहषी तरपोर।

1 तीमुथियुस 4:4

छना कुचे परमेश्वरो बणाएषी भत्ते चीज़ रूठे तोह, ञेंरे भत्ते पाहठी ओ बगत ज़ै तरपोंई पर परमेश्वरो धन्यवाद लहज़ा ते ज़ै तरपोंई;

1 तीमुथियुस 5:14

झांह लेह गेह दि सलाह रंड्री जुंज़ातोग कि जवान रंणी ब्याह लेह च़रतु, दंङ कटुरे पैदा लेह घरबार सोटेक्तु, दंङ ऊई अरिया विरोधी बि बदनाम लहच़िमी मोका थारांई।

इब्रानियों 13:4

ब्याह भत्ते मीहच़ी आदरो गप्पा समझेक्सी जूंस, दंङ दि नातारिंङ मेच़ा-गगसा इदि-अई दिऊ थल्जी वफादार शुहबी जूंस। छना कुचे परमेश्वर, कुकम लहज़ा, ए ऊई मेच़िमी तंङ नाज़ायज़ नाता तहज़ा दोतु न्याय लोहतो।

इब्रानियों 13:9

छना कुचे यीशु मसीह अपेहल ला माह लेहक्सा, झांह लेह केतिंङ दि भत्ते खरकोई ए शत्‌ह-शत्‌ह शिक्षाओ भाषे लहज़ी जूंशी तोह अंऊ केतिंङ गलत अमरिंङ रैंज़ा शिलज़ा। छना कुचे केहतु सेहमो थल्जी दि रूठे तोह कि परमेश्वरो मोह्ड़े दाह ओ दोरच़ी पक्‍का शुहचे इलेंई, माह कि दू कानून मनेक्च़िमी रंङ साते अंऊ ज़ेइमी पाहठी तोह, ज़ेइमी-तुंङमिमी रिति रिवाज़ो अतु ला भला माह शुई।