1 तीमुथियुस 4:14 - लाहौली बाइबिल

¹⁴ दुह वरदानो थल्जी अंऊ भविष्यवाणी ओ दोरच़ी कनिंङ कलीसिया ओ सेंहणा तु गुह्ट्र केट्रिमी मुक्का कनिंङ खोकसते, दोबि लगातार कनिंङ इस्तेमाल लेह जुंशी तोह।

1 तीमुथियुस 4:14 Iomraidhean Croise

प्रेरित 11:30

दंङ दोच़ी ध्यांए लहरिर; दंङ बरनबास ए शाऊल ओ गुहड़िंङ, सेंहणातु कछंङ ढबाह च़रतिर।

प्रेरित 13:3

दोथर दोच़ी ब्रत ए प्रार्थना लहज़ा दंङ दोतु टोईच़ी गुड़ केह्चे दोतिंङ परमेश्वरो कम लहज़िमी थल्जी च़रतिर।

प्रेरित 19:6

अपेहल पोलुसे दोतु टोईच़ी गुहड़ केहरी, दंङ दोतु टोहकठे पवित्र आत्मा अति, दंङ दुरे खरकोई, खरकोई भाषा कुट्री ए भविष्यबाणी लहज़ी लेहतिर।

प्रेरित 22:5

दि गप्पो गवाह यहुदी महापुरोहित ए महा सभा ओ भत्ते सेंहणा रे कि दोतु बिचंङ च़ि गेह यहुदी न्वा तु थल्जी डाक रेंज़ा गेह दमिश्क नगरो हखा इबि लेहकी तोईग, ताकि अंऊ दोर्तिंङ मसीह मीहरे तोतोर दोतिंङ सज़ा रंड्रीमी थल्जी छ़ुहचे यरूशलेम शहरो हखा हपोग।

प्रेरित 6:6

दंङ दोतिंङ प्रेरिता तु तुईज़ी हतिर दंङ प्रेरिता ज़ि दोतु थल्जी प्रार्थना लहरिर दंङ दोतु टोईच़ी गुहड़ केह्चे सेवा लहज़िमी थल्जी अधिकार रेंईर।

प्रेरित 8:17

दोहथल पतरस ए यूहन्ना ज़ि दोतु टोहकठे गुह्ट्र केहरिर दंङ दोच़ी पवित्र आत्मा खोकसिरी।

1 थिस्सलुनीकियों 5:19

पवित्र आत्माबि मीहतु ज़िन्दगीरिंङ कम लहज़िमी थल्जी रोक्केतुंई था।

1 तीमुथियुस 1:18

हे योह तीमुथियुस, दुह भविष्यवाणी तु हिसाबे अंऊ तुहई कनु पाहठी लहसी तोहई, गेह कनिंङ दि हुकुम रंड्रातग, ताकि काह रूठे खबरो सच्चाई ओ थल्जी रूठे रंङ लड़ाई लड़ेक्पिमी थल्जी दुह शब्दा तु इस्तेमाल इच्च़ा हथियारो ठ्रोह लोह।

1 तीमुथियुस 4:15

दि गप्पारे लोहवा लोह दंङ दिरिंङ खास ध्यान रम्मा लोह, ताकि हर इच्च़ा दि खमतो कि कांह केनोह विशवासी जीवनारिंङ बड़ेक्पी लेहकी तोतोन।

1 तीमुथियुस 5:17

अंऊ कलीसिया ओ सेंहणार एनोह कम रूठे रंङ लहज़ातोर, दोरे सही आदर ए सही मज़दूरी खोकच़िमी जोगे मनेक्तुंई, खासकर दोरे मीहरे अंऊ परमेश्वरो खबर ए बचनो प्रचार लहज़िमी थल्जी खास मेहनत लहज़ातोर,

1 तीमुथियुस 5:19

अगर अरिया कलीसिया ओ सेंहणा ऊ खिलाप पाप लहच़िमी दोष लगाएपोतो, दंङ धोंण तचेक दोबि था मनेक्तुंई, अपेहल तचेक झुह्ट या षुमु मीहरे इच्च़ा गप्पा ओ दोष लगाएपोर माह।

1 तीमुथियुस 5:22

अतुआ टोहकठे गुह्ट्र केट्रा दोबि सेंहणा ओ थल्जी अंङे था च़रतु। अगर केई झांह लहज़ातन ता कांह दोऊ पापो थल्जी ज़िमेवार शोन। मदम गप्पो दोरच़ी केनाबि शत्‌ह तोह।

1 तीमुथियुस 6:12

छना इच्च़ा रूठे सेनिक लड़ाई रि अपेहल ला हार माह मनेक्च़ा, ध्वांए कनिंङ ला, परमेश्वरो टोहकठे विशवास लहज़ी ए दोऊ हुकुम मनेक्च़ी अपेहल ला ब्याड़ा लहज़ी माह जूंस ताकि कांह ईनामो रूपारिंङ दुह अनंत जीवन खोकपोन, अतु थल्जी परमेश्वरे कांह बुलासी तोतोन, दंङ अपेहल केई महस मीहतु तुईज़ी साफ-साफ कुहतेन कि कांह मसीहू टोहकठे विशवास लहज़ातन।

2 तीमुथियुस 1:6

झांह लेह गेह कनिंङ हिद रंड्रातग कि परमेश्वरो दुह वरदाना तिंङ यह्च़ा इस्तेमाल लोह, अपि परमेश्वरे केतिंङ रांहषी तते अपेहल गेह कांह पुंज़ा रिंङ घेंङौ गुह्ट्र केहतेग।