1 तीमुथियुस 4:13 - लाहौली बाइबिल

¹³ गिऊ दोर पिचा तचेक विशवासी तु थल्जी पवित्रशास्त्र जोरे पढेक्पी ए याहब रंड्री ए पवित्रशास्त्रा बि सिखासी ए समझासी लेहकी बंङज़ु।

1 तीमुथियुस 4:13 Iomraidhean Croise

यहून्नो 5:39

केहरे पवित्रशास्त्रारिंङ पड़ेक्च़ातंई, छना कुचे समझेक्च़ातंई कि दोर्तिंङ अनंत जीवन केतिंङ खोकसा; दंङ दीह दुह ए शुह अच़ि गिऊ गवाही रंड्रा;

प्रेरित 17:11

बिरिया ओ दि मीहतिंङ थिस्लुनीके शहरो यहुदी मीहतु तुलना रिंङ सिखेसिमी महस दिलचस्पी तोहई, दंङ दोह्ची महस खुशी रंङ साते दि बचन ग्रहण लहरिर, दंङ रोज पवित्रशास्त्रो अन्द्रेग दिह पेट्री लेहतिर कि दिह गप्पा अंऊर च़ेहसी तोह।

प्रेरित 6:4

पर हेनर ता प्रार्थना, बचनो प्रचार दंङ शिक्षा रंड्रा लोहनी।

रोमियो 12:8

अतिंङ उत्साहित लहज़िमी वरदान खोकसा तोह ता, दू उत्साहित लोहवा लोह अगर ऊईतु ज़रूरत पूरा लहज़िमी वरदान खोकसा तोह ता दू दान बि ऊईतु मदतो थल्जी महस बे महस रम्मा लोह। अगर अगुवाई लहज़िमी वरदान तोह ता दोबि भत्ते खुशी रंङ साते लोह अंऊ दया लोहतो दू खुशी रंङ साते लोह।

1 कुरिन्थियों 14:26

हे गिऊ प्यारे साथी विशवासी रे, रेड्रुंई, छि लहच़ी जूंस? अपेहल केरे अराधना ओ थल्जी ठ्रोका शवातंई, दंङ केहतु बिचंङ अरिया ता गीत कुट्रा, शवातोंई, दंङ रैहच़ी उपदेश रंड्रातंई, अरिया एनोह टोहकठे प्रगट लहसी हेले कंड्रा, अरिया शत्‌ह भाषारिंङ गप्पा लहज़ा दंङ रैहच़ी दोऊ अनुवाद लहज़ातोर; दि भत्ते गप्पो मकसद दि शुहबी जूंस कि कलीसिया बि विशवासरिंङ पक्‍का शुहबिमी थल्जी मदत लेह तरपोर।

1 कुरिन्थियों 14:3

पर अंऊ भविष्यवाणी लहज़ा, दोई विशवासी तिंङ विशवासरिंङ पक्‍का लहज़ी ए, उत्साहित लहज़ी ए तसल्ली रंड्रीमी थल्जी मदत लहज़ा।

1 कुरिन्थियों 14:6

झांह लेह हे गिऊ प्यारे साथी विशवासी रे, अगर गेह केहतु कछंङ अंज़े शत्‌ह भाषारिंङ गप्पा लोहग, पर अगर गेह केहतु थल्जी दू शिक्षा रमोग अंऊ परमेश्वरे गिह्बी रांहषी ततो, दि सच्चाई ओ ज्ञान, भविष्यवाणी ए शिक्षा रमोग, दंङ गिऊ कुट्रीमी रंङ साते केतिंङ फायदा शोतो।

1 तीमुथियुस 4:16

दि पाहठी खबरदार बंङज़ु कि कांह छना बंङज़ातन दंङ छि सिखाएक्च़ातन, दि गप्पारिंङ पक्‍का बंङज़ु, छना कुचे अगर झांह लोहवा लोहन, दंङ दिऊ नतीज़ा दि शोतो कि कांह दोरच़ी परमेश्वर एनेह कनिंङ ए कनिंङ रेड्रा दोतिंङ न्यायो दोरच़ी बचाएपोतो।

1 तीमुथियुस 4:6

अगर कांह भत्ते विशवासीतिंङ लगातार दि हिद गप्पा सिखाएपोंई कि अतु गेह कनिंङ सिखाएकातग, दंङ कांह विशवासो खबरो दोरच़ी ए रूठे शिक्षाओ दोरच़ी पक्‍का लेह केहनि, अतिंङ केई मनेक्च़ातंई, दंङ कांह यीशु मसीहू इच्च़ा रूठे सेवक शुनाह।

2 तीमुथियुस 3:15

बाड़े बेहच़ी केई ए पवित्रशास्त्र बि ञेंहच़ातन, अंऊ कनिंङ दि समझेक्सिमी थल्जी मदत लहज़ा कि अपेहल काह यीशु मसीहू टोहकठे विशवास लहज़ातन दंङ परमेश्वर कनिंङ बचाएपोतो।

2 तीमुथियुस 4:2

कि काह परमेश्वरो बचन प्रचार लहज़िमी थल्जी हमेशा तेयार बंङज़ु, मीहच़ी चाहे दि रेड्रोर या माह रेड्रोर। कनिंङ दोतिंङ दि कंड्री ज़रूरी तोह कि दोच़ी छि गलती लहतोर दंङ कांह दोतु पापो थल्जी दोतिंङ रैहचु। पर कनिंङ मीहतिंङ हिम्मत रंड्री जूंशी तोह दंङ कनिंङ धीरज़ा रंङ साते दोतिंङ शिक्षा रंड्री जुंशी तोह।

तीतुस 2:15

झांह लेह तीतुस गेह जुंज़ातग कि कांह क्रेते टापू अविशवासी तिंङ दि गप्पा सिखातु अंऊ गेह कनिंङ कांहषी तातग। केनोह मीहतिंङ दि लहज़िमी थल्जी उत्साहित लोह, अंऊर ज़रूरत शोतो, दोर्तिंङ दोतिंङ सुधार लोह। कनिंङ झांह लहच़िमी भत्ते अधिकार तोह, अच़िया कांह अपमान लेह माह जूंस।