1 तीमुथियुस 4:12 - लाहौली बाइबिल

¹² अच़िया काह तुच्छ (बेकार) समझेक्सी माह जूंस छना कुचे काह जवान तोतोन पर कांह बोल-चाल ए चाल-चलनारिंङ, ऊईतु थल्जी दाह रिंङ मसीहू टोहकठे कनु विशवासरिंङ दंङ कनु निर्दोष जीवनारिंङ, विशवासी मीहतु थल्जी इच्च़ा उदाहरण बणेंक्तु।

1 तीमुथियुस 4:12 Iomraidhean Croise

मत्ती 18:10

खांई, केहच़ी दिहरे क्वाच़ी तु बिचंङ अतिंङ ला क्वाच़ी थचेहतुंई; छना कुचे गेह केतंङ कुट्रातग कि सर्गंङ दोतु दूतारे हमेशा गिऊ सर्गो बाहरंङ साते बंङज़ातोर।

1 कुरिन्थियों 11:1

छना ठ्रोह गेह मसीहू ठ्रोह चाल ज़ोआतग, ध्वांए केरे ला गिऊ ठ्रोह चाल जोंई।

फिलिपियों 4:8

झांह लेह, हे गिऊ प्यारे साथी विशवासी रे, अंऊ-अंऊ गप्पारे हेले तोह, दंङ अंऊ-अंऊ गप्पारे आदरो जोगे तोह, अंऊ-अंऊ गप्पारे ठीक तोरे, अंऊ-अंऊ गप्पारे पवित्र तोह, अंऊ-अंऊ गप्पारे सलटे तोतोर, दंङ अंऊ-अंऊ गप्पारे सेहमा गमेकी तोह मतलब अंऊ गप्पा रूठे ए षटणो जोगे तोह दोतु टोईच़ी ए केहतु सेहम लेहकी बंङज़ी जूंस।

1 थिस्सलुनीकियों 1:6

केहच़ी ञेंहतु ए प्रभु उदाहरण हिद लहरिन, अंऊ पवित्र आत्माओ दोरच़ी केतिंङ रांहषी तोहई, केहच़ी खुशी रंङ साते दू ग्रहण लहज़ातंई, दि तरीका रंङ केरे ला हेंदु ए प्रभु यीशु मसीहू शिष्य बणेंके इलांई।

1 थिस्सलुनीकियों 2:10

केरे केनर ए गवाह शुई, दंङ परमेश्वर ला गवाह तोह, कि केरे भत्ते विशवासी तंङ साते ञेंहतु व्यवहार छना ठ्रोह सच्चा, धर्मी ए निर्दोष तोहई।

1 तीमुथियुस 1:14

दंङ हेंदु प्रभु मोह्ड़े दाह दुह विशवास ए दाह रंङ साते अंऊ मसीह यीशु रिंङ तोह, महसरंङ साते शुई।

2 तीमुथियुस 2:15

केई सच्चा खबरा बि सिखाच़िमी थल्जी महस मेहनत लोह ताकि परमेश्वरे कनिंङ इच्च़ा झांह ठ्रोह सेवको रूपा रिंङ ग्रहण लोहतो, अंऊ एनोह कमो दोरच़ी शर्मिन्दा माह शवाह।

2 तीमुथियुस 2:22

दुह मांजी चीज़ा तु दोरच़ी शत्‌ह बंङज़ु अंऊ जवान मीहच़ी लेह जुंज़ातोर अंऊ मीहच़ी शुद्ध सेहमे प्रभु मिन लेहपच़ातोर, दोतंङ साते धर्मिकता, विशवास ए दाह, मेल मिलाप ओ पीछा लोह।

2 तीमुथियुस 2:7

दि उदाहरणो पाहठी सोचेक्तुंई कि दोरे छि सिखाएच़ातोर, दंङ प्रभु केतिंङ दि भत्ते गप्पा समझेक्सिमी थल्जी मदत लोहतो।

तीतुस 2:15

झांह लेह तीतुस गेह जुंज़ातग कि कांह क्रेते टापू अविशवासी तिंङ दि गप्पा सिखातु अंऊ गेह कनिंङ कांहषी तातग। केनोह मीहतिंङ दि लहज़िमी थल्जी उत्साहित लोह, अंऊर ज़रूरत शोतो, दोर्तिंङ दोतिंङ सुधार लोह। कनिंङ झांह लहच़िमी भत्ते अधिकार तोह, अच़िया कांह अपमान लेह माह जूंस।

तीतुस 2:7

केतिंङ भत्ते धिरा रिंङ हमेशा रूठे कम लहज़ी जूंशी तोह, अंऊ ऊईतु थल्जी इच्च़ा उदाहरण बणेक्पोतो अतु ऊईज़ि हमेशा पालन लोहर। अपेहल काह विशवासी तिंङ परमेश्वरो पाहठी सिखाएच़ातंई, दंङ दोबि रूठे मकसद रंङ साते सिखातु, झांह लेह मीहच़ी कांह आदर लोहर।

याकूब 3:13

केहतु बिचंङ ज्ञानवान ए समझदार अरि तोह? अगर केरे तोतोंई ता, केतिंङ दि रूठे जीवन श्रींङमी रंङ साबित लेह जूंशी तोह दंङ भत्ते नम्रता रंङ साते अंऊ केहतु ज्ञान बुद्धि रंङ साते अपा रूठे कमो दोरच़ी साबित लेह जूंशी तोह।

याकूब 3:17

पर अंऊ ज्ञान परमेश्वरो दोरच़ी अपा दुह मुण्डारिंङ ता पवित्र शवाह, दंङ मिलनसार, नेकी ए रूठे स्वभाव, दया, दंङ रूठे कमरंङ साते पिंङषा दंङ ईमानदार ए कपट मेह शवाह।

1 पतरस 5:3

अंऊ मीहरे केतिंङ सोंपेगी तोतोर, दोतु टोईच़ी इच्च़ा अधिकारी ठ्रोह था बणेक्तुंई, बल्कि दोतु थल्जी इच्च़ा रूठे उदाहरण बणेक्तुंई।