1 तीमुथियुस 4:1 - लाहौली बाइबिल

¹ पवित्र आत्मा साफ तरीका रंङ साते कुट्रा कि अंतिम ध्याड़ारिंङ रें मीहरे मसीहू शिक्षा ओ टोहकठे विशवास लहज़ी छोड़ेके दोरे मांजी आत्मा तु शिक्षा स्वीकार लोहर, अंऊ दोतिंङ भटकाएच़ा दंङ दुह हप्सी शिक्षाओ टोईच़ी विशवास लोहर अंऊ मांजी आत्माओ दोरच़ी अपा।

1 तीमुथियुस 4:1 Iomraidhean Croise

मत्ती 18:7

ठोकरातु थल्जी संसाराबि धिक्कार! ठोकर ज़रुर लेह्फी; पर दुह मीहबी धिक्कार! अतु बजाहज़ि ठोकर लेहपा।

लूको 17:1

दंङ यीशुज़ि एनोह चेला तिंङ कुहतो, “पाप लहज़िमी परीक्षा मीहतु तुईज़ी ज़रुर अपतो, पर धिक्कार दुह मीहू टोईच़ी अतु बजहच़ि परीक्षा अपा!

यहून्नो 16:13

पर अपेहल दुह पवित्र आत्मा अपतो, अच़ि परमेश्वरो पाहठी सच्चाई कंबतो, दोई एनोह अधिकारंङ माह कोहतो पर दोई छि रेड्रोतो दंङ दुह ए कोहतो, दंङ अंजा गप्पातु पाहठी केतिंङ कंबतो।

प्रेरित 13:2

अंऊ मुक्का दोरे ब्रत लहज़ा प्रभु ऊ अराधना लहज़ी लेहकी तोईरे, ता पवित्र आत्माज़ि कुई, “बरनबास ए शाऊल बि दुह खास सेवा लहज़िमी थल्जी समर्पण लांही अंऊ कमो थल्जी गेह दोतिंङ बुलाएसी तातग।”

प्रेरित 17:18

दोहपल रै विद्वाना अंऊ इपिकुरी विशवासो भाषे लहज़ातेर दंङ ऊई सतोईकी विशवासो भाषे लहज़ातेर दोतंङ साते बहस लहज़ी लेहतिर दंङ रैह ज़ि रूहक्तिर, “दिह बकवास लहज़ा ए छि कुट्री लेह्की तोह?” पर ऊई ज़ि कुट्री लेहतिर, “दुह ऊई भगवाना तु प्रचारक शोतो,” छना कुचे दोई यीशु श्रींङमी पाहठी रूठे खबर सुनाएची लेह्की तोह।

प्रेरित 20:23

पर दिह कि पवित्र आत्मा च़ि भत्ते इलाका रिंङ गवाही रंड्रा-रंड्रा गेरंङ साते दिह कुट्रा कि बंधन ए कलेश कांह थल्जी त्यार तोह।

प्रेरित 21:11

दोई ञेंहतु कछंङ अंज़े पोलुस छ़िर रेंज़ा शिली, दंङ एनोह गुहड़ ए कोन्ज़ा छ़ुहचे कुई, “पवित्र आत्मा दिह कुट्रा, कि अंऊ मीहू दिह छ़िर शुह, दोबि यरूशलेमंङ यहुदी ज़ि झांह ठ्रोह छ़ुह्च़ी च़रपोर, दंङ ऊईजातितु गुह्ट्र रिंङ रेह च़रपोर।”

प्रेरित 28:25

अपेहल दोरे पोलुसो शिक्षा ओ पाहठी सहमत शुचि माहतरिर। दोतु इबिमी बे तुहई पोलुसे इच्च़ा आखरी गप्पा कुहते कि, “पवित्र आत्माज़ि यशायाह भविष्यवक्तातु दोरच़ी कनु बाह-मेमेतु हखा हेले कुहषी तते,

1 कुरिन्थियों 10:20

पर गेह दि कुट्रातग कि अंऊ चीज़ा बि मीहरे बलिदान लहज़ातोरे; दोरे परमेश्वरो थल्जी मशत, पर शेतान बि बलि चढ़ाएच़ा तोर, दंङ गेह माह जुंज़ातग, कि केरे मांजी आत्मा रंङ साते शामिल शुहचे इलांई।

1 कुरिन्थियों 11:19

वोई, दि हेले तोह कि केहतु बिचंङ बंटवारा शुहबी ज़रूरी तोह। कि दोरे, अंऊ परमेश्वरो दोरच़ी अंङषी तोतोर, छंङीरिंङ अच़ा अपोर।

1 कुरिन्थियों 12:11

पर भत्ते वरदान इच्च़ा आत्माओ कम तोह। दोई हर इच्च़ा विशवासी बि वरदान रंड्रा छना दोई जुंज़ा।

1 कुरिन्थियों 2:10

पर परमेश्वरे दि गप्पा हेंदु टोईच़ी मतलब प्रेरिता तु टोईच़ी एनोह पवित्र आत्माऊ दोरच़ी प्रगट लहरी, छना कुचे झांह ठ्रोह छिल्ला माह अंऊ परमेश्वरो आत्माबि पता माह शोतो। देर तचेक कि परमेश्वरो डुह्गे विचार ला दू रूठे रंङ ञेंहच़ा।

2 कुरिन्थियों 11:3

पर गिह्बी हमेशा दि बेह्द लेहकी बंङज़ा कि शेतान केहतु सेहम मसीहू थल्जी केहतु निष्कपट, पवित्रता रंङ साते शत्‌ह लहज़ी माह जूंस, छना शेताने ओमड्रो रूपारिंङ हव्वा बि एनोह चालाकी रंङ साते बहकाएकि च़रते।

कुलुस्सियों 2:18

अरिला मीह हप्सी दीनता ए स्वर्गदूता तु पूजा लहज़ा केतिंङ ज़रको ईनामो दोरच़ी वंचित लेह माह जूंस, झांह ठ्रोह मीह दर्शनो गप्पारिंङ लेहकी बंङज़ा पर दिह भत्ते बकवास तोह छना कुचे दोतु सेहम मतलबी हिटी रंङ साते पिंङषा तोह।

2 तीमुथियुस 3:13

पर मदम मीहरे ए धोखेबाज़ मीहरे ऊई ला मदम कम लोहर दोरे मीहतिंङ धोखा रमोर दंङ दोतिंङ ला ऊईज़ि धोखा रमोर।

2 तीमुथियुस 4:4

दोरे परमेश्वरो हेले बचन माह रेड्रोर पर बनावटी कथा रे रेड्रोर।

याकूब 3:15

दि ज्ञान दुह माशुह अंऊ परमेश्वरो दोरच़ी अपि, पर संसारिक, ए शेतानी शुह।

1 पतरस 1:20

दि संसारो रचना बे तुहई, परमेश्वरे दि सोचेके चरच़ाते कि यीशु मसीह छुड़ाएसा शोतो। पर दू केहतु मदत लहज़िमी थल्जी दि अंतिम ध्याड़ा रिंङ दि संसारारंङ प्रगट शुई।

2 पतरस 2:1

महस टेम तुहई, छना इस्राएली मीहतु बिचंङ हप्सी भविष्यवक्ता तोईरे, ध्वांए ठ्रोह केहतु बिचंङ हप्सी शिक्षा रंड्रा ला शोरे। दोरे सूले-सूले केहतु कलीसिया रिंङ अपि शुरू लोहर दंङ परमेश्वरो पाहठी केतंङ साते नुकसान लहज़ा ठ्रोह हप्सी शिक्षा बि कोहर। देर तचेक कि दोरे मसीह बि एनोह प्रभु रूपा रिंङ मनेकच़िमी रंङ साते इन्कार लेह च़रपोर अच़ि दोतिंङ पापो दोरच़ी आज़ाद लहरी। छना कुचे दोच़ी झांह लहज़ातोर, झांह लेह दोरे एनोह टोईच़ी अचानक विनाश हपातेर।

2 पतरस 3:3

भत्ते बे तुहई खास गप्पा दिह तोह कि दंङ अन्तिम ध्याड़ा बे ठीक तुहई, रेह झांह ठ्रोह मीह तंङफोर अतु जीवन दोतु मदम हिटी ऊ वशारिंङ तोह। दोरे दोऊ कछंङ अपिमी विचारो मज़ाक लोहर।

1 यूहन्ना 2:18

हे कटुरे, दिह अन्तिम टेम शुह; अपेहल मसीह यह्च़ा वापिस अपतो, दंङ छना केहच़ी रैहशी तातंई कि मसीहू विरोधी अच़ा अंज़े तोतोर, दोऊ हिसाबे हेंतेग ला महसे मसीहू विरोधी अंज़े तोतोर; झांह लेह ञेंहच़ी ञेंहनि कि दि अन्तिम टेम दिए शुह।

1 यूहन्ना 4:6

हेनर परमेश्वरो शुई, अच़ि परमेश्वर बि ञेंहच़ा, दोई ञेंहतु रेड्रा; दंङ अच़ि परमेश्वरा बि माह ञेंहच़ा दोई ञेंहतु माह रेड्रा; झांह लेह हेंज़ी सच्चाई ऊ आत्मा ए धोखा ओ आत्मा सेहच़ी केट्रातंई।

यहूदा 1:18

दोच़ी केहतु हखा कुट्रातेर, कि “अन्तिम ध्याड़ारिंङ, झांह ठ्रोह मीहरे शोर अंऊ प्रभु ए दोऊ मीहतु मज़ाक उड़ाएपोर। दिरे दुह मीहरे शुरे अंऊ दोतु ज़िंदगी रिंङ दोतु मदम कमो हिटीऊ वशारिङ तोह।”

यहूदा 1:4

गेह केतिंङ चेहच़ातग, छना कुचे रें मीहरे अंऊ यीशु मसीहू टोईच़ी विशवास लहज़िमी दिखावा लहज़ातोर, दोरे केहतु बिचंङ शामिल शुहचे इलोर। दोच़ी परमेश्वरो आदर माह लहज़ातोर दंङ दोच़ी गलत शिक्षा रंड्रातोर कि परमेश्वर एनोह मोह्ड़े दाह ओ दोरच़ी हेंदु पाप माफ लेह च़रच़ा, झांह लेह हेनर मदम जीवन श्रींङमातंई। दोच़ी यीशु मसीह बि ग्रहण माह लहज़ातोर, अंऊ हेंदु इच्च़ा मालिक ए हेंदु प्रभु तोह। महस तुहई, पवित्रशास्त्रे कुट्रा, “कि परमेश्वर झांह ठ्रोह मीहतिंङ सज़ा रमतो।”

प्रकाशित वाक्य 13:14

महस मीहरे अई घ्वंणो दुह अद्धभुत कमो दोरच़ी महस खुश शुहचे धोखा खोकसिरी अंऊ दुह तुहई घ्वंणो शाक्ति ओ दोरच़ी तंङफाते। अई घ्वंणो दोरच़ी मीहतु हखा कुई कि दुह मुण्डो घ्वंणो पूजा लहज़िमी थल्जी इच्च़ा मुर्ति बणाएतुंई, अंऊ हथियार रें घायल शुहचे इलजी तोहई, दंङ यह्च़ा ठीक शुहचे इलजी तोह।

प्रकाशित वाक्य 16:14

दि मांजी आत्मा तु दोर्तिंङ चमत्कार लहज़िमी शाक्ति तोहई दंङ दोच़ी इलजे दि मीहतिंङ ठ्रोहका लहरिर अंऊ दि संसारो भत्ते देशारिंङ राज लहज़ातेर ताकि दोरे सर्वशक्तिमान प्रभु परमेश्वरो मोह्ड़े ध्याड़ा रिंङ दोऊ खिलाप लड़ाई लड़ेक्पिमी थल्जी इबि तरपोंई।

प्रकाशित वाक्य 18:2

दोई जोरे सग रंङ साते कुई, “बेबीलोनो दुह खास शहर एंतेग यहरच़ा इलज़ा।” छना कुचे दि बाबेल शहरो भत्ते राज्य तु मीहतिंङ दुह सरा तुंङमी रांहषी ततो अंऊ दोऊ मुर्ति ओ पूजा शुह। भत्ते धरतीऊ रज्ज़ा दोरंङ साते दोऊ मदम कमारिंङ शामिल शुहचे इलजी तोतोर। दुह मेच़िमी ओ किमती-किमती चीज़ा तु हिटी ओ वहज़ा ज़ि धरतीऊ व्यापारी साहुकार शुहचे इलजी तोतोर। पर परमेश्वर दि अशुद्ध ए कुकम लहज़ा मेच़िमी बि सच़ी च़रपोतो। तोग भत्ते पाहठी मांजी आत्मा दोर बंङज़िमी थल्जी अच़ा योर दंङ दि मदम ए झखंजी प्यारेतु घोंसला बणाएच़िमी ठहरि बणेंके योतो।

प्रकाशित वाक्य 18:23

दोऊ रात हंयार शोतो, देर तचेक कि इच्च़ा संजवो छंङी ला माह शोतो। दोर्तिंङ ब्याहू ए ब्याहुत्री खुशी ओ सग माह शोतो। दि झांह शोतो छना कुचे दोऊ व्यापारी ज़ि, अंऊ धरतीऊ टोईच़ी भत्ते बे मोह्ड़े तोईरे, एनोह जादू रें भत्ते देशा बि धोखा रेंईर।

प्रकाशित वाक्य 19:20

दंङ दुह मुण्डो घ्वांण ए दोहरंङ साते दुह हप्सी भविष्यवक्ता च़ुमसा इलि, हप्सी भविष्यवक्ता ए मुण्डो घ्वांणो तरफे चमत्कारी चिन्ह कंङे च़रति दंङ दुह भत्ते मीहतिंङ भरमाके च़रति, अच़ि मुण्डो घ्वंणो छाप एनोह फ्याह रिंङ लेहपसी ताहरेर दंङ अंऊ दोऊ मुर्ति ओ पूजा लहज़ातेर। दोकु झुल्ला श्रींङे रिंङ ए दुह मेहू झीलारिंङ केहच़ी च़रतिर, अंऊ गन्धको दोरच़ी तेयार शवाह।

प्रकाशित वाक्य 2:11

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ दोई जीत खोकपोतो दोबि अगर फुको हिसाबे सच़ी च़रपोंई। पर दोरे अपेहल ला माह सिओर।

प्रकाशित वाक्य 2:17

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ परमेश्वरो आत्मा कलीसिया रंङ साते कुट्रा। दोरे मीहरे अंऊ जीत हासिल लहज़ातोर, गेह दोतिंङ दुह मन्ना ओ दोरच़ी छा रमोग अंऊ ब्याके तोह, गेह दोतु बिचंङ भत्ते तिंङ इच्च़ा छंङसी रह्घ ला रमोग, अंऊ दोऊ टोईच़ी इच्च़ा खरकोई मिन च़ेहसी शोतो। अंऊ मीह दोबि खोकपोतो, दोबि छोड़ेके ऊई अरिला दुह मिन ञेंई मरपोतो।

प्रकाशित वाक्य 2:29

हर इच्च़ा अंऊ गिऊ खबर समझेक्सी जुंज़ा, दोबि दिह गप्पा ध्याना रंङ रेड्री जूंशी तोह अंऊ परमेश्वरो आत्मा कलीसिया रंङ साते कुट्रा।

प्रकाशित वाक्य 2:7

हर इच्च़ा अंऊ गिऊ खबर समझेक्सी ततो, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ मीहच़ी जीत खोक्शातोर, दोतिंङ गेह जीवनो बुटो दोरच़ी फल ज़ेइमी अधिकार रमोग, अंऊ परमेश्वरो बगीच़ा स्वर्गारिंङ तोह।

प्रकाशित वाक्य 20:10

दोऊ थल शेतान च़ुमसा योतो, अच़ि देश-देशो मीहतिंङ भरमाच़ा दंङ दोबि गन्धको मेहू बिचंङ छङें च़रपोतो, मतलब दुह मेह रिंङ अंऊ झीलो ठ्रोह मोह्ड़े तोह। घ्वंण ए हप्सी भविष्यवक्ता बि तुहई ए दोर्तिंङ छङें केहषी तोहई। दंङ दोर्तिंङ दुह मेहरिंङ दोतिंङ हमेशा ओ थल्जी रात-दिन तंड़पेफी शोतो।

प्रकाशित वाक्य 20:8

अपेहल हज़ार साल योह्सा योतो दंङ स्वर्गदूत शेतान बि दोरच़ी अंऊर दुह छ़ुह्च़ी तोहई, आज़ाद लेह च़रपोतो, दंङ दू, दुह देशा तिंङ धोखा रंड्रीमी थल्जी धकतेखा अच़ा अपतो अंऊ भत्ते संसारारिंङ पुरसा तोतोर। दि देशा तिंङ गोग ए मागोग ला कुट्री। शेतान दुह भत्ते तिंङ इच्च़ा ठहरि ठ्रोहका लोहतो। दोरे महसे शोर झांह ठ्रोह कि अरिया दोतिंङ समुंद्रो शिरतु ठ्रोह मिके मरपोर।

प्रकाशित वाक्य 3:13

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ परमेश्वरो आत्माज़ि कलीसिया ओ हखा कुट्रा।

प्रकाशित वाक्य 3:22

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ परमेश्वरो आत्मा कलीसिया रंङ साते कुट्रा।

प्रकाशित वाक्य 3:6

हर इच्च़ा अंऊ गिऊ खबर बि समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ परमेश्वरो आत्मा कलीसिया रंङ कुट्रा।

प्रकाशित वाक्य 9:20

पर ऊई मीहरे अंऊ दुह मुसीबत बे तुहई सच़ी माहतिर, दोच़ी हेंतेग ला एनोह मदम कमो दोरच़ी पश्चाताप माह लहरिर। दोच़ी हत्या लहज़ी, जादू टोना, कुकम ए चोरी लहज़िमी दोरच़ी पश्चाताप माह लहरिर। दोच़ी मांजी आत्माओ ए एनोह गुह्ट्र बणाएषी दोऊ पूजा लहज़ी माह छोड़ेक्तिर, छना कि ज़ंङ या मुल या रह्घ या सिङों बणाषी मुर्ति। दोरे मुर्ति, माह दोरे खंड्रातोर, माह रेड्रातोर, दंङ माह ए जोज़ातोर।