1 तीमुथियुस 3:6 - लाहौली बाइबिल

⁶ दुह इच्च़ा पक्‍का विशवासी शुहबी जूंस, माह ता शुहबी तरपोतो कि दुह घमण्डी शुहचे योतो, दंङ दोबि दुह सज़ा खोकसोतो अंऊ शेतान बि खोकसते।

1 तीमुथियुस 3:6 Iomraidhean Croise

लूको 10:18

यीशुज़ि दोतंङ साते कुंई, “अपेहल मांजी आत्माज़ि केहतु गप्पा मनेक्ती, ता गेह अचानक शेतानाबि यरच़ा बिजलिऊ ठ्रोह सर्गंङच़ि दह्च़ी तंङातग।

1 कुरिन्थियों 3:1

हे गिऊ प्यारे साथी विशवासी रे, अपेहल गेह केतंङ साते तोईगा केहतु डुह्गे शिक्षा कंज़े माहरतिगा छना गिह्बी आत्मिक मीहतंङ साते लेह जूंस। गेह झांह ठ्रोह गप्पा लहज़ी लेहती छना केरे दि संसारो शुई या छना कि केरे मसीह जीवनारिंङ कटुतु ठ्रोह शुई।

1 कुरिन्थियों 8:1

केनातु डाकरिंङ केहच़ी गिऊ दोरच़ी मुर्ति तु तुईज़ी चढ़ाएसी बलि ओ थल्जी रूहकतेर। हेनर भत्तेर दि पाहठी रेह गप्पा ञेंच़ातंई। पर ज्ञान हेंदिंङ घमण्ड पैदा लहज़ा, पर दाह हेंदिंङ ऊईतु मदत लहज़िमी जोगे बणाएक्च़ा।

2 कुरिन्थियों 12:7

पर गिह्बी दू अद्धभुत चीज़ा तु पाहठी घमण्ड लहज़ी माह जूंस अंऊ परमेश्वरे गिह्बी कांहषी ततो। झांह लेह दिरंङ मुकाबला लहज़िमी थल्जी गिऊ फुकारिंङ छ़वाक्तु ठ्रोह इच्च़ा खरे समस्या रांहषी ततो। शेतानो तरफे गिह्बी इच्च़ा दूत सच़िमी थल्जी रांहषी तोह, ताकि गेह घमण्डी शुहबी मेस।

1 तीमुथियुस 3:7

दि ला ज़रूरी तोह कि अविशवासी मीहतु बिचंङ ला दोऊ आदर शोतो, झांह शुहबी मेस कि दोऊ बदनामी शोतो दंङ दुह शेतानो फंदारिंङ फसेगी योतो।

1 तीमुथियुस 6:4

दंङ दुह घमण्डी शुह, दंङ छल्ले माह ञेंहच़ा; झांह ठ्रोह मीह बहसबाज़ी ए बेकारो गप्पारिंङ झगड़ा लहज़ी जुंज़ा, अतु नतीज़ा जलन, ए झगड़ा, निन्दा ओ गप्पा ए मदम शक लहज़ी,

2 तीमुथियुस 3:4

विशवासघाती, ढीठ, घमण्डी, या परमेश्वरा रंङ साते दाह माह लहज़ार पर भोगविलास जुंज़ा शोरे।

1 पतरस 2:2

छना ठ्रोह कवचि कटु एनोह याह ओ शुद्ध पानु लालच लहज़ा, ध्वांए ठ्रोह केतिंङ परमेश्वरो बचन सिखेच़िमी हिटी तहच़ि जूंशी तोह ताकि केरे आत्मिक रूपारिंङ सेंहणा शुहचे योंई। दोहथल थल मुखंङ, परमेश्वर केतिंङ दि संसारो मदम चीज़ो दोरच़ी बचाएके च़रपोतो।

1 पतरस 5:5

झांह लेह केरे जवान तिंङ सेंहणा मीहतु हुकुमो भाषे लहज़ी जूंशी तोह। केरे भत्ते तिंङ नम्रता रंङ साते इदि-अई दिऊ मदत लहज़ी जूंशी तोह। छना कुचे पवित्र शास्त्रा रिंङ च़ेहसी तोह, “परमेश्वरे घमण्डी तु विरोध लहज़ी, पर दीन दोतु टोईच़ी मोह्ड़े दाह लहज़ा।”

2 पतरस 2:4

केहच़ी ञेंहच़ातंई कि महस टेम तुहई अपेहल रे स्वर्गदूता ज़ि परमेश्वरो हुकुमो भाषे माह लहरिर, दंङ परमेश्वरे दोतिंङ दोतु लहसी कमो सज़ा रांई, दोई दोतिंङ नरकारिंङ छङें च़रति दंङ दोतिंङ हंयार कैदारिंङ दुह ध्याड़ा तचेक तहरि अपेहल कि दोई दोतु फेंसला लोहतो दंङ दोतिंङ सज़ा रमतो।

यहूदा 1:6

हिद लंहि कि प्रभु ज़ि स्वर्गदूता तिंङ छना ठ्रोह सज़ा रांई, अंऊ दोच़ी एनोह ज़िम्मेवारी रूठे रंङ निभाएतिर माह, बल्कि दोच़ी एनोह ठहरि छोड़ेकी केहरी। प्रभु ज़ि दि स्वर्गदूता तिंङ हंयार ठहरि केहषी ततो, झांह ठ्रोह षंङणी रें छ़ुह्च़ी ततो अपि अच़िला थाक्शे मरपोतो, ताकि मोह्ड़े ध्याड़ा रिंङ दोतु अनंत जीवनो न्याय शुहबी तरपोतो।