1 तीमुथियुस 3:16 - लाहौली बाइबिल

¹⁶ दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

1 तीमुथियुस 3:16 Iomraidhean Croise

मत्ती 1:23

“खंणुई, इच्च़ा ब्याह माह लहसी खोकटुंङ शोतो दंङ इच्च़ा गंङकटु जेह्पोतो, दंङ दोऊ मिन ‘इम्मानुएल’ शोतो अतु मतलब शुह, परमेश्वर हेन्दंङ साते तोह।”

मत्ती 13:11

दोई जुबाब रेंई, “केतिंङ परमेश्वरो स्वर्गो राजओ पाहठी समझ रांहषी तोह, पर दोतिंङ माहतोर।

मत्ती 28:2

दंङ खांई, इच्च़ा मोह्ड़े भुयंल शुई छना कुचे प्रभु इच्च़ा दूत सर्गंङज़ि तकसिरी दंङ कछंङ अंज़े दोई कब्रो रघ ऐखा केहतो, दंङ दोऊ टोईच़ी बंङज़ा इलि।

मत्ती 3:16

दंङ यीशु बपतिस्मा लेहपच़ा दोहथरे तिरिंङ ज़ि हुंज़ा धक्तेक्का अति, दंङ दोऊ थल्जी सर्ग अल्सा इलि, दंङ दोई परमेश्वरो आत्मा कबूतरो ठ्रोह तहकसी एनोह टोईच़ी अपि तंङतो।

मत्ती 4:11

दंङ शेतान यीशु कछंङ ज़ि अच्च़ा इलि, दंङ स्वर्गदूतारे अंज़े दोऊ सेवा टहल लहज़ी लेहतिरे।

मरकुसो 1:13

दुह सुनसान ठाहरीरिंङ निह्नजा ध्याड़ा शेताने यीशु परीक्षा लेहतिर। दंङ दुह दोहर बंणो कवचि-कवचि जीवा रंङ साते बंङज़ाते, दंङ स्वर्गदूतारे दोऊ सेवा टहल लज़ी तोईरे।

मरकुसो 16:19

प्रभु यीशुज़ि एनोह चेला तु हखा दि गप्पारे कुट्रिमी थल, दंङ परमेश्वरे प्रभु यीशुबि सर्गो हखा रेंज़ा शीलिरे। दंङ दुरेह इलजे दुह परमेश्वरो सुचंङ हासी इज्ज़त रंङ बंङज़ा इलि।

मरकुसो 16:5

कब्रों अंद्रेग इलजे दोरच़ी इच्च़ा जवान बि छंङसे खमज़े लेहच़ा सुचंङ हासी बंङज़े खंणी, दंङ महस ए हेरान शुहचे इलि।

लूको 2:32

कि दुह ऊईजाति तिंङ सच्चाई कंड्रिमी थल्जी परमेश्वरा बि प्रगट लहज़ा छंङी शुह, दंङ कनु एनोह प्रजा इस्राएलो थल्जी महिमा शोतो।”

लूको 20:44

रज्ज़ा दाऊदे ताह दोबि प्रभु कुट्रा; दंङ दुह दोऊ योह छना शुई?”

लूको 22:43

दंङ सर्गंङज़ि इच्च़ा दूत अति अच़ि दोबि सामर्थ रंड्राते।

लूको 24:4

दंङ दोरे दिह गप्पा ज़ि ठट् शुहचे इलिर, दंङ खांई, झुह्ट गंङमीहरे छंङी खमज़े लहज़ा दोतु तुईज़ी अंज़े खड़े शुईरे।

लूको 24:51

दंङ दोतिंङ आशीष रेंऐ यीशु दोतंङ शत्‌ह शुहचे इलि दंङ स्वर्गो हखा रेंज़ा शीलिरे।

यहून्नो 1:14

दंङ बचन इच्च़ा मीहू रुपंङ अति; दंङ मोह्ड़े दाह ए सच्चाईरङ परिपूर्ण शुहचे हेंदु बिचंङ डेरा लहरी, दंङ हेंज़ी दोऊ धिंङघा महिमा खंणी छना पिता (परमेश्वरो) इच्च़ा योह।

यहून्नो 13:3

यीशु दिह ञेंहच़ाते कि दोबि भत्ते चीज़ो टोहकठे अधिकार रांहषी ततो दंङ दिह ला कि दुह परमेश्वरो दोरच़ी अंज़े शुह दंङ परमेश्वरो कछंङ वापिस इबिमी तोह।

यहून्नो 15:26

गेह पिता परमेश्वरो दोरच़ी केहतु थल्जी इच्च़ा मदतगार च़रपोग। दुह अरी पवित्र आत्मा तोह दंङ अंऊ सच्चाई तोह दोबि प्रगट लाह। अपेहल दुह अपतो ता दोई केतिंङ गिऊ पाहठी कंबोतो।

यहून्नो 16:28

गेह पिता परमेश्वरो दोरच़ी संसारा रिंङ अंज़े शुगाह, यच़ाह संसार केट्रा पिता परमेश्वरो कछंङ वापिस अच़ा योग।”

यहून्नो 17:5

दंङ हेंतेग, हे पिता परमेश्वर, केई केनोह तुईज़ी गिऊ महिमा लोहू, दुए महिमा अंऊ करंङ साते बंङज़ा दोहपल संसारो शुरुवात बे तुई गिऊ कछंङ तोहई।”

यहून्नो 20:12

झुह्ट स्वर्गदूता तिंङ छंङी खमज़े रंङ साते इच्च़ा बि कुमो हखा दंङ अईसंङ दोबि कोंज़ो बक्शे बंङज़ी तंङातो, खंणी अंऊर यीशु ऊ फुक पथेक्च़ी तरेर।

यहून्नो 6:62

केहरे दोहपल छि लोहनी अपेहल केहच़ी गेह मीहू योह बि स्वर्गंङ इपि तंङमोन, अंऊर गेह तुई तोईग?

प्रेरित 1:19

दंङ यरूशलेम शहरो मीहतिंङ दिह गप्पो पाहठी पता लेहकी इलि, दंङ दिऊ थल्जी दोरे कि मीहरे दू ठहरि बि एनोह भाषा रिंङ, हकलदमा मतलब शुहई ऊ रीह कुट्री लेहतिर।

प्रेरित 10:34

पतरस ए दोतंङ साते कुई, “दा गेह रुठे रंङ साते ञेंह केहतग कि परमेश्वर ए अतिंङ ला साते पक्षपात माह लहज़ा,

प्रेरित 14:27

अन्ताकिया शहरंङ पिचे, दोच़ी कलीसिया ओ मीहरे ठ्रोहका लहरिर दंङ कुईर, कि परमेश्वरे ञेंतंङ साते शुहचे छना मोह्ड़े-मोह्ड़े कम लहरी! दंङ छना परमेश्वरे ऊईजाति ऊ मीहतिंङ यीशु मसीहू टोहकठे बिशवास लहज़िमी जोगे लहरी।

प्रेरित 20:28

झांह लेह केरे केनातु ध्यान तंही दंङ दुह झुण्ड़ो ला, अतु पोहाल केतिंङ पवित्र आत्मा ज़ि अंङषी ततो कि केरे परमेश्वरो मीहतु देखभाल लंहि, अपि दोई एनोह शुई रें च़ुमसी शुह।

रोमियो 10:12

यहुदी मीहतु बिचंङ ए ऊईजाति तु मीहतु बिचंङ छल्ले भेद माह, झांह लेह कि परमेश्वर भत्ते तु प्रभु शुह; दंङ दू भत्ते तिंङ बचाएपोतो, अंऊ दोबि मदतो थल्जी हाऊष रंड्रातोर।

रोमियो 10:18

पर गेह रूहक्च़ातग, “छि यहुदी मीहच़ी पक्‍का रूपारिंङ मसीहू पाहठी खबर माह रैंईर?” दोच़ी रेड्रतोर ता पक्‍का। छना कुचे पवित्र शास्त्रारिंङ च़ेहसी तोह, “रूठे खबर सुनाएच़ा दोतु सग भत्ते धरतीऊ टोईच़ी, दंङ दोतु बचन धरतीऊ भत्ते ठाहरीरिंङ, पिचे इलि।

रोमियो 16:25

हेंतेग केतिंङ गिऊ रूठे खबर यीशु मसीहू पाहठी तोह, केतिंङ प्रचार लहज़ा विशवास रिंङ पक्‍का लहज़ा। छना कुचे दि रूठे खबर महस जुग बेहच़ी प्याक्सी तहरेर।

रोमियो 16:26

पर हेंतेग परमेश्वरो हुकुमो हिसाबे परमेश्वरो रूठे खबर भविष्यवक्ता तु कताबो दोरच़ी भत्ते जातिऊ मीहतिंङ कांहषी तोह, कि विशवासा रंङ साते हुकुमो भाषे लहज़ा बणेंके इलांई।

रोमियो 3:4

मह! बिल्कुल ला माह! भले हर इच्च़ा मीह हप्सी शोतो तांला परमेश्वर सच्चा साबित शोतो। छना कि पवित्रशास्त्र परमेश्वरो पाहठी कुट्रा, “झांह लेह कांह केनोह गप्पारिंङ धर्मी ठहरेसोन, दंङ फेंसला लहज़ा केई जय खोकपोन।

रोमियो 8:3

छना कुचे अंऊ कम, मुसाओ कानून पापो स्वाभावो दोरच़ी कमज़ोर शुहचे लेह मरति, दोबि परमेश्वरे लहरी। दोई पापो प्रायश्चितो थल्जी एनोह योह बि ए पापी मीहू ठ्रोह पापो बलि ऊ थल्जी च़चे च़रति, झांह ठ्रोह परमेश्वरे पाप मय फुकारिंङ ए पापो सामर्थ थाक्शे च़रति।

रोमियो 9:5

अब्राहम, इसहाक ए याकूब दोतु पूर्वज शुरे, दंङ फुको हिसाबे मसीह दोतु ए खानदानो तोह। परमेश्वर, अंऊ भत्ते तु टोहकठे राज लहज़ा, दोऊ हमेशा ओ थल्जी षटणा शुहबी जूंस। आमीन।

1 कुरिन्थियों 15:47

मुण्डो मीह अंऊ आदम तोहई धरतीऊ दोरच़ी मतलब श्रोह रें बणाषी तोहई मसीह अंऊ कि दूसरा मीह शुह, स्वर्गंङ ज़ि अंज़े शुह।

1 कुरिन्थियों 2:7

पर अंऊ ज्ञानो हेंज़ी गप्पा लहज़ातंई दू ज्ञान परमेश्वरो ज्ञान शुह अंऊ ब्याके तोहई। हेंतेग तचेक अरिला दिबी माह ञेंहच़ाते। परमेश्वरे धरती बणाषी बे तुहई ए फेंसला लहज़ी चरच़ाते कि दोऊ ज्ञान हेंदिंङ महिमा रमतो।

2 कुरिन्थियों 1:19

छना कुचे परमेश्वरो योह यीशु मसीह अतु हेंदु दोरच़ी मतलब गिऊ ए सिलवानुस, ए तीमुथियुसो दोरच़ी केहतु बिचंङ प्रचार शुई, दोर्तिंङ, “वोई” ए “माह” झुल्ला माह तोहई; पर देहर तिंङ “वोई” ओ “वोई” शुहचे तोह।

गलातियों 2:8

छना कुचे अंऊ परमेश्वरे पतरसा बि यहुदी तु प्रेरित बणाके दोऊ दोरच़ी सेवा कम लहरी, दोई ए गिह्बी ऊईजाति तु प्रेरित बणाके गिऊ दोरच़ी सेवा ओ कम लहरी।

गलातियों 4:4

पर अपेहल दू टेम अति अतु योजना परमेश्वरे बणाक्ते, दंङ परमेश्वरे एनोह योह दि संसारारिंङ च़रति, दंङ दू इच्च़ा मीहू रूपा रिंङ जेह्कते। दुह यहुदी जेह्के, मूसा ओ कानूनो अधीन दिऊ थल्जी बंङज़िरी,

इफिसियों 1:9

परमेश्वरे एनोह हिटी ओ भेद हेंदु टोहकठे एनोह रूठे इरादो थल्जी प्रकट लहसी ततो, अंऊ दोई तुहई ए मसीहू दोरच़ी पूरा लहज़िमी ठानेगी च़रसी तहरे।

इफिसियों 6:19

दंङ केरे गिऊ थल्जी ला प्रार्थना लंहि अंऊ कुट्री मुक्का गिह्बी झांह बचन रंड्री जूंस कि, गेह याहब रंङ साते दू रूठे खबरो भेद कंज़े तरपोग।

कुलुस्सियों 1:23

पर केतिंङ विशवासा रिंङ इच्च़ा मुयांदो ठ्रोह पक्‍का शुहबी जूंस, दंङ दुह उम्मीदा बि अंऊ केहतु कछंङ तोह केतिंङ अपेहला छोड़ेक्च़ी माह जूंस अंऊ हेंतेग हेंदु कछंङ तोह छना कुचे हेंज़ी दुह ए रूठे खबरो टोहकठे विशवास लहज़ातंई, अतु प्रचार भत्ते धरतीऊ मीहतु बिचंङ लहसी तोह; दंङ अतु गेह पोलुस, सेवक बणेक्तिग।

कुलुस्सियों 1:27

छना कुचे परमेश्वरे जुंज़ाते कि दोऊ मीहच़ी दिह ञेंओर कि मसीहू टंगा ढबाह ए दोऊ महिमा केरे ऊईजाति तु थल्जी ला शुह। दंङ भेद दिह तोह कि: मसीह केहतु बिचंङ बंङज़ा। दि केतिंङ दोऊ महिमा रिंङ शामिल शुहबिमी उम्मीद रंड्रा।

कुलुस्सियों 1:6

दि रूठे खबर भत्ते संसारारिंङ फेलेक्पि लेहकी तोह दंङ महसे मीहरे विशवासी बणेक्पी लेहकी तोतोर। दि हर इच्च़ा ज़िंदगी बदलेक्पि लेहकी तोह, ठीक ध्वांए छना कि केहच़ी मुण्डा फेरा रूठे खबर रेड्रातेंई, दंङ दिह सच्चाई समझेकी चरच़ातंई कि परमेश्वर दुह मीहतु पाप माफ लेह च़रच़ा अच़ि मसीहू टोहकठे विशवास लहज़ातोर।

कुलुस्सियों 2:2

गेह मेहनत दिऊ थल्जी लहतेग ताकि दोतु विशवास बणेक्पोतो दंङ दोरे दाह रंङ साते ऐनातु बिचंङ बणेंके बंङज़ोर, गेह जुंज़ातग कि दोतिंङ पूरा भरोसा शुहबी जूंस छना कुचे दोतिंङ परमेश्वरो गुप्त योजना ओ पूरा समझ तोह अंऊ ऐनाह ए मसीह तोह।

2 थिस्सलुनीकियों 1:10

दि दुह ध्याड़ा शोतो, अपेहल प्रभु यीशु मसीह एनोह मीहतु बिचंङ महिमा खोकसिमी ए दुह भत्ते विशवासी तु बिचंङ हेरान लहज़िमी थल्जी अपतो; केरे ला दि मंडली रि ठ्रोहका शोंई छना कुचे केहच़ी दुह खबरो टोहकठे विशवास लहज़ातंई अंऊ दुह ञेंहच़ी केतिंङ दोऊ पाहठी कंङाते।

2 थिस्सलुनीकियों 2:7

छना कुचे दुह मदम मीह शाक्ति संसारारिंङ हेंतेग ला कम लहज़ा, पर अरिया तोह अच़ि दुह रोकेकी ततो, दंङ अपेहल तचेक दुह ऊईतार माह योतो, दोई लगातार दुह रोकेगी तोहतो।

1 तीमुथियुस 3:9

पर दोऊ समझ साफ शुहबी जूंस, छना दोरे लगातार दुह सच्चाई ऊ शिक्षा ओ टोहकठे विशवास लहज़ातोर, अंऊ परमेश्वरे प्रगट लहसी ततो।

इब्रानियों 1:3

दू योह ए परमेश्वरो महिमा ओ छंङी दंङ हर तरफे परमेश्वरो ठ्रोह तोह। दंङ भत्ते संसारा बि दंङ एनोह शाक्तिशाली बचनो दोरच़ी, भत्ते संसारा बि खड़े लहज़ी तहज़ा। दोई मीहतिंङ दोतु पापो दोरच़ी शुद्ध लेह च़रति, दंङ दोऊ थल स्वर्गारिंङ महिमामय परमेश्वरो सुचंङ हासी विराजमान शुहचे इलि।

इब्रानियों 12:2

हेंदिंङ यीशु तरफे खंड्री जूंशी तोह, अंऊ हेंदिंङ विशवासो दोरच़ी तुंखा बढ़ाएच़ा दंङ हेंदु विशवास पूरा लहज़ा। दोई षेह्पिमी छा चिंद माह लहच़ी ते क्रूसो दुख सहन लहरी दंङ सिए इलि; छना कुचे दोई ञेंहच़ाते कि दोई झांह लहरी। हेंतेग दू परमेश्वरो सिंहासनो सुचंङ हासी बंङज़ा तोह।

इब्रानियों 7:7

ञेंहच़ी रूठे रंङ ञेंहच़ातंई कि अच़ि आशीष रंड्रा दुह आशीष लेहपच़ा बे मोह्ड़े शुहबी।

इब्रानियों 8:1

हेंतेग अंऊ गप्पा ञेंहच़ी कुट्रातंई, दोतु बिचंङ भत्ते बे मोह्ड़े सच्चाई दि तोह, कि ञेंहतु कछंङ झांह ठ्रोह यहुदी महापुरोहित तोह, अंऊ हेंतेग ला स्वर्गंङ परमप्रधान परमेश्वरो सिहासन सुचंङ हासी बंङज़ा इलजी तोह,

1 पतरस 1:12

पर परमेश्वरे दि भविष्यवक्ता तिंङ कंड्रिरी कि दोतु खबर दोतु एनातु थल्जी मशत पर केहतु थल्जी तोहई। दू खबर यीशु मसीहू पाहठी रूठे खबर शुह अंऊ केहच़ी हेंतेग रेड्रातंई। परमेश्वरे स्वर्गंङ ज़ि एनोह पवित्र आत्मा चरच़तो कि केतिंङ रूठे खबर प्रचार लहज़िमी थल्जी मीहतु मदत लोहतो। दि भत्ते धोंण अद्धभुत तोह कि देर तचेक कि स्वर्ग दूत कि स्वर्गदूत ला खुशी रंङ दि चीज़ा बि खंड्रातोर।

1 पतरस 1:20

दि संसारो रचना बे तुहई, परमेश्वरे दि सोचेके चरच़ाते कि यीशु मसीह छुड़ाएसा शोतो। पर दू केहतु मदत लहज़िमी थल्जी दि अंतिम ध्याड़ा रिंङ दि संसारारंङ प्रगट शुई।

1 पतरस 1:21

यीशु मसीह ज़ि अंऊ हेंदु थल्जी लाहते दोऊ वहज़ा केरे हेंतेग परमेश्वरो टोईच़ी विशवास लहज़ा तंई। दू, दू ए शुह अच़ि यीशु मसीह बि दोऊ सिमी थल यहच़ा‍‍ श्रींङमी लहरी दंङ दोबि महिमा रें। झांह लेह केहच़ी विशवास लहज़ातंई दंङ परमेश्वरो टोईच़ी केहतु विशवास हेंतेग पक्‍का तोह।

1 पतरस 3:18

गेह दि दिऊ थल्जी कुट्रातग, छना कुचे मसीह ज़ि हेंदु पापो थल्जी दुख सहन लहरी दंङ सिए इलि। दू सिर्फ इच्च़ा फेरा सिए इलज़ा दंङ दोबि दोहराएच़िमी ज़रूरत माह। दू इच्च़ा धर्मी मीह तोहई अंऊ पापी मीहतु थल्जी सिए इलि ताकि दू हेंदिंङ परमेश्वरो कछंङ रैंज़ा शोतो। दोच़ी दोऊ फुक सचे च़रतिर, पर परमेश्वरे दोबि पवित्र आत्माओ सामर्थ रें यह्च़ा श्रींङमी लेह च़रति।

1 पतरस 3:22

दंङ दुह स्वर्गो हखा अच़ा इलज़ा। हेंतेग दू दोर्तिंङ परमेश्वरो सुचंङ हासी भत्ते बे खास ठहरि बंङज़ा तोह, दंङ दू भत्ते स्वर्गदूत ए भत्ते अधिकारी दंङ शाक्ति तु टोईच़ी राज लहज़ा।

1 यूहन्ना 1:2

दि मीह अच़ि जीवन रंड्रा दुह दिह धरतीरिंङ अति, दंङ ञेंहच़ी दुह खंई, दंङ दोऊ गवाही रंड्रातंई, दंङ केतिंङ कंड्रातंई कि दि दुह ए शुह अंऊ अनंत जीवन शुह। दुह बाह परमेश्वरा रंङ साते तोहई, दंङ अपि परमेश्वरे हेंदिंङ कंङातो।

1 यूहन्ना 3:5

दंङ केहच़ी ञेंच़ातंई, कि यीशु मसीह दिऊ थल्जी अंज़े शुह, कि पाप बि योह्च़े च़रपोतो; कि दोरिंङ छिल्ला पाप माह।

1 यूहन्ना 3:8

अच़ि लाह लगातार पाप लहज़ी लेहकी शवात, दुह शेतानो दोरच़ी शुह, छना कुचे शेतान शुरूआत बे पाप लहज़ा अंज़े तोह, परमेश्वरो योह झांह लेह अंज़े शुह कि शेतानो कमो नाश लोहतो।

प्रकाशित वाक्य 17:5

दोऊ फ्याह ओ टोईच़ी इच्च़ा शीर्षक च़ेहसी तोहई अंऊ गुप्त तोहई। दोर्तिंङ दि च़ेहसी तोहई: मोह्ड़े शहर बेबीलोन, कुकम लहज़ाड़ो तु तरफे संसारो भत्ते मदम चीज़ा तु याह शुह।

प्रकाशित वाक्य 17:7

दुह स्वर्गदूते गिऊ हखा कुई, “कनिंङ हेरानी छारिंङ शुई? गेह दि मेच़िमी, दंङ दुह घ्वंण, अंऊ दोऊ टोईच़ी दुह सवार तोह, दंङ अतु निह्ज पुंज़ा ए सा डे तोतोर, कनिंङ भेद कंड्रातग।”

प्रकाशित वाक्य 7:9

दोऊ थल गेह खंईगा कि मीहतु इच्च़ा मोह्ड़े भीड़ तोहई कि अरिला दोबि मिक्च़ी मरच़ाते। दुह संसारो हर जाति, गोत्र, राष्ट्र दंङ भाषा ओ दोरच़ी तोईरे। दोरे सिंहासन ए कुरच़ो तुईज़ी खड़े तोईरे। दोच़ी छंङसी खमज़ेर लेहसी ताहरेर दंङ हर इच्च़ा मीह एनोह गुह्ट्र रिंङ खजूरो डाड़ी च़ुमसी तहरे अंऊ दोतु आदरो निशानी तोहई।