1 तीमुथियुस 3:13 - लाहौली बाइबिल

¹³ छना कुचे अंऊ सेवको कम रूठे रंङ साते लहज़ातोर, दोरे मीहतु दोरच़ी आदर खोकपोरे, दंङ दोरे यीशु मसीहू टोहकठे एनोह विशवासो पाहठी मीहतंङ साते मोह्ड़े याहबरंङ साते कुट्रातोर।

1 तीमुथियुस 3:13 Iomraidhean Croise

मत्ती 20:28

छना कि गेह मीहू योह; दिऊ थल्जी अंज़े मशुह कि गिऊ सेवा टहल शुहबी जूंस, पर दिऊ थल्जी अंज़े शुह कि सेवा टहल लोहग, दंङ महसतिङ बचाएच़िमी थल्जी घेंङौ जान रमोग।”

मत्ती 25:21

दोऊ मालिका ज़ि दोबि कुहतो, धन्य शुनाह हे रूठे ए विशवासो जोगे परगरा कांह थोड़ेरिंङ टंगा ढबाह सोठेक्च़िमी थल्जी विशवास जोगे बंङज़िन; गेह कनिंङ महस धिरो अधिकारी लेह केओग। केनोह मालिको खुशीरिंङ शामिल शुह।

लूको 19:17

साहुकारे दोबि कुहतो, हे रूठे परगरा, कांह धन्य शुनाह, दिऊ थल्जी कि कांह कवचि अरे ज़िम्मेवारी रिंङ ला बिशवासो जोगे हुंच़िरी, दा केई सा इलाकाओ ज़िम्मेवारी सोटेक्तु।

प्रेरित 21:35

अपेहल दुह ऊईजाति ल्वाड़ी ज़ि बेड़ा तचेक इबिमी पौड़ी ऊ कछंङ पिचे इलि, दंङ झांह शुई कि भीड़ो बहज़ाज़ि सैनिका तिंङ दोबि कुरच़े शिलज़ी लेहती।

प्रेरित 6:15

दंङ भत्ते मीहज़ी अंऊ यहुदी सभो रिंङ बंङज़ा तोईरे, दोऊ हखा रूठे रंङ खंईर ता दोऊ मोह्द स्वर्गदूता तु मोह्दु ठ्रोह चमकेपी लेहकी तोहई।

प्रेरित 6:5

दिह गप्पा भत्ते मंडली बि रूठे अति, दंङ दोच़ी रेह मीहरे अंङे च़रतिर, दोतु मिन दिह शुह: स्तिफनुस अंऊ विशवास ए पवित्र आत्मा रंङ साते परिपूर्ण तोहई, दंङ फिलिप्पुस, प्रुखुरुस, निकानोर, तीमोन, परमिनास, ए अन्ताकिया शहरंङ बंङज़ा निकुलाउस अंऊ यहुदी धर्माबि मनेक्च़ा ऊई जातिओ मीहरे तोहई।

प्रेरित 6:8

स्तिफनुस परमेश्वरो मोह्ड़े दाह ए सामर्थ रंङ साते परिपूर्ण शुचे मीहतु बिचंङ मोह्ड़े-मोह्ड़े ए हेरानी ओ कम ए चिन्ह चमत्कार लहज़ाते।

1 कुरिन्थियों 16:15

हे गिऊ प्यारे साथी विशवासी रे, केहच़ी स्तिफनुसो टबरातिंङ ञेंईनि आ, कि दोरे अखाया प्रदेशो मुण्डो तोईरे अच़ि मसीहू टोईच़ी विशवास लहरिर, दंङ परमेश्वरो मीहतु मदत लहज़िमी थल्जी तेयार बंङज़ातोर।

फिलिपियों 1:14

दंङ प्रभुरिंङ अंऊ विशवासी न्वारे तोतोर, दोतु बिचंङ महस गिऊ कैदरिंङ शुहबी वहज़ा ज़ि, खुशी रंङ साते परमेश्वरो वचन बेधड़क शुचे सुनाएच़िमी थल्जी ऊई ला याहब लहज़ातोर।

1 थिस्सलुनीकियों 2:2

केहच़ी केनाच़ि ए ञेंच़ातंई, कि केहतु कछंङ अपिमी तुहई ञेंहच़ी फिलिप्पी शहरारिंङ अंयों दुख उठाकतेंई। तांला परमेश्वरे ञेंतिंङ धोंण हिम्मत रांहषी ततो, कि केहतु शहरो मीहतु दोरच़ी ञेंहतु महस विरोध शुहचे थल ञेंहच़ी परमेश्वरो रूठे खबर सुनाएक्तंई।

1 तीमुथियुस 3:14

गिह्बी उम्मीद तोह कि गेह युरनाह केहतु कछंङ अपोग, पर दि डाक दिऊ थल्जी च़ेहसी लेहकी तोतोग,

2 तीमुथियुस 2:1

झांह लेह हे गिऊ योह तीमुथियुस, कांह दुह मोह्ड़े दाह रंङ साते अंऊ यीशु मसीह रंड्रा, बलबंत शुहचे ईल,

इब्रानियों 6:10

छना कुचे केहच़ी रूठे कम लहज़ातंई दंङ हेंतेग ला केरे परमेश्वरो मिंदंङ परमेश्वरो मीहतु थल्जी दाह रंङ साते सेवा ओ कम लहज़ी लेहकी तोतोंई, झांह लेह परमेश्वर केतिंङ पेषतो माह छना कुचे दू धर्मी तोह।