1 तीमुथियुस 3:1 - लाहौली बाइबिल

¹ दि गप्पा हेले तोह कि अगर अरिया कलीसिया ओ सेंहणा शुहबी जुंज़ा ता दोई रूठे कम लहच़िमी हिटी तहज़ा।

1 तीमुथियुस 3:1 Iomraidhean Croise

लूको 15:10

गेह केतंङ साते कुट्रातग पापो दोरच़ी सेहम यह्च़ा इच्च़ा पापीऊ थल्जी परमेश्वरो स्वर्गदूतातु तुईज़ी खुशी शुहबी।”

प्रेरित 1:20

दोहथल पतरस एनोह गप्पा तुंखा कुट्री लेहती, भजन संहिता ओ कताबंङ महसे तुहई रज्ज़ा दाऊदे यहूदा ओ पाहठी दि च़ेहसी तते, दोऊ घरबारो उजाड़ शुहबी जूंस दंङ दोर्तिंङ अरिला बसेफी मेस दाऊद ऊई ठहरि दिह ला कुट्रा, “ऊई मीहच़ी दोऊ ठहरि लेहपच़ी जूंस।”

प्रेरित 20:28

झांह लेह केरे केनातु ध्यान तंही दंङ दुह झुण्ड़ो ला, अतु पोहाल केतिंङ पवित्र आत्मा ज़ि अंङषी ततो कि केरे परमेश्वरो मीहतु देखभाल लंहि, अपि दोई एनोह शुई रें च़ुमसी शुह।

रोमियो 11:13

गेह केतंङ ऊईजातिंङ साते दि गप्पा कुट्रातग। अपेहल कि गेह ऊईजाति तु थल्जी प्रेरित शुगाह, दंङ गेह घेंङौ सेवकाई ओ टोहकठे घमण्ड लहज़ातग।

इफिसियों 4:12

अंऊ दिरंङ साते पवित्र मीहरे सिद्ध शुहचे योरे दंङ सेवाऊ कम लोहवा लोहरे मसीहू फुकरिङ तरक्की खोकसोतो।

फिलिपियों 1:1

गेह पोलुस ए तीमुथियुस अंऊ यीशु मसीहू सेवक शुई, ञेंहतु तरफे केरे परमेश्वरो मीहतिंङ दंङ मुख्या तिंङ ए सेवका तिंङ दि डाक चेहच़ातग। अंऊ यीशु मसीह रिंङ शुहचे फिलिप्पी शहरारिंङ बंङज़ातोर।

1 थिस्सलुनीकियों 5:14

दंङ हे गिऊ प्यारे विशवासी साथी रे, ञेंहच़ी केतंङ साते बिनती लहज़ातंई, कि केहच़ी दुह मीहतिंङ खबरदार लंहि अंऊ सुस्त शुहचे इलजी तोतोर, दंङ दुह मीहतिंङ उत्साहित लंहि अंऊ डरपोक तोतोर, दंङ अंऊ विशवासरिंङ कमज़ोर तोतोर दोतु मदत लंहि, दंङ भत्ते तंङ साते सहनशीलता रंङ साते बंङज़ु।

1 तीमुथियुस 1:15

दि गप्पा हेले ए दंङ भत्ते पाहठी मनेक्च़िमी जोगे तोह, कि मसीह यीशु हेनर पापी तु उद्धार लहज़िमी थल्जी संसारारंङ अंज़े शुह, अंऊ दोतु बिचंङ भत्ते वे मोह्ड़े पापी गेह शुगाह।

1 तीमुथियुस 4:9

दंङ दि गप्पा हेले ए हर पाहठी रंङ मनेकच़िमी जोगे तोह।

2 तीमुथियुस 2:11

दि गप्पा कि अगर ञेंरे मसीह रंङ साते सिए इलजी तोतोंई दंङ दोरंङ साते श्रींङमोंई ला।

तीतुस 1:7

छना कुचे कलीसिया ओ मुख्या बि परमेश्वरो खज़ान्च़ीज़ि शुहबीरंङ साते बेकसूर शुहबी जूंस; माह ज़िद्दी, माह रोहष, माह पियक्कड़, माह मारपीठ लहज़ा, माह ढबाहो लालची शुहबी जूंस।

तीतुस 3:8

दि गप्पा हेले तोह, अंऊ गेह हेंतेग-हेंतेग कंङातेग दंङ गेह जुंज़ातग कि कांह विशवासी तिंङ दि गप्पातु पाहठी पक्‍का रंङ साते सिखातु। झांह लेह कि अच़ि परमेश्वरो टोहकठे विशवास लहरिर, दोरे रूठे कमो थल्जी एनोह टेम रंड्रीमी थल्जी ध्यान रांई दि भत्ते तु थल्जी दि गप्पा रूठे ए फायदेमंद तोह।

इब्रानियों 12:15

खबरदार बंङज़ुंई, झांह शुहबी मेस कि अरिला मीह परमेश्वरो मोह्ड़े दाह मेह केहषा योतो। दंङ ध्यान रांई कि अंऊला मीहबी अविशवासारिंङ कडगी ब्रन्ज़ ठ्रोह बणेक्पी थारांई अंऊ दोऊ ज़हर रंङ साते महस परेशानी वहज़ा बणेंके यवाह, अंऊ दोरच़ी दू मीह परमेश्वरो दोरच़ी शत्‌ह शुहचे योतो।

1 पतरस 2:25

तुहई केरे त्रैंईतु ठ्रोह तोईनी अच़ि एनोह अम योंहषी चरच़ातेर। पर हेंतेग केरे मसीहू कछंङ अच़ा अंज़े तोतोंई अंऊ केहतु आत्माओ चरवाहा ए रखवाला तोह।

1 पतरस 4:15

केहतु बिचंङ अरिला मीह हत्यारा या चोर, या कुकर्मी शुहबिमी, या पराया कमरिंङ गुह्ट्र केट्रिमी थल्जी दुख माह खोकपोतो।

1 पतरस 5:2

कि विशवासी तु दू झुंडो रखवाली लंहि अंऊ परमेश्वरो तोह, दंङ अपि केतिंङ देखभाल लहज़िमी थल्जी रांहषी तोह। खुशी रंङ साते दोतु देखभाल लंहि, दिऊ थल्जी मशत कि केरे मज़बूर तोतोंई। दिए परमेश्वरे जुंज़ा कि केहच़ी लंहि। सिर्फ ढबाहो थल्जी विशवासी तु देखभाल था लंहि, पर दिऊ थल्जी कि केरे हेले रिंङ दोतु मदत लहज़ी जुंज़ातंई।