1 तीमुथियुस 2:8 - लाहौली बाइबिल

⁸ गेह जुंज़ातग कि हर सभारिंङ गंङमी अंऊ रूठे जीवन श्रींङमातोर, रोहष मेह ए झगड़ा मेह केनातु गुह्ट्र खेका लहच़ी प्रार्थना लोहवा लंहि।

1 तीमुथियुस 2:8 Iomraidhean Croise

मत्ती 21:21

यीशुज़ि दोतिंङ जवाब रेह, “गेह केतंङ साते हेले कुट्रातग अगर केहच़ी विशवास लोह शक मलाहरिता, दिह ए मलेहई अंऊ दिह अंजीरो बुह्टरंङ शुहचा, पर दिह गोह बि लाह कुंई कि, पोंङषा ईला दंङ समुन्द्रङ अच़ा इला, दंङ दिह शुहचे योतो।

मत्ती 5:44

पर गेह केतंङ साते दिह कुट्रातग कि केन्दु बेरीतंङ साते ला दाह लंहि दंङ केदंङ मांजी लहज़ातु थल्जी प्रार्थना लांई।

मत्ती 6:12

छना ञेंहच़ी हेंदु गुहनेगारतिंङ माफ लहज़ातन, ध्वांए केई ञेंहतु गुनाह माफ लोह।

लूको 23:34

दंङ यीशु ज़ि कुहतो, “हे बाह, दितिंङ माफ लेह च़रतु, छना कुचे दोच़ी माह ञेंहच़ातोर छि लाहतोर।” दंङ दोच़ी चिट्ठी केट्रे दोऊ खमज़ेर एनातु बिचंङ फाए च़रतिर।

लूको 24:50

दंङ यीशु दोतिंङ शहरंङच़ि धह्कते बैतनिय्याह नगरो कछंङ रेंज़ा शिली, दंङ एनोह गुहड़ खेका लेह दोतिंङ आशीष रेंई।

यहून्नो 4:21

यीशु ज़ि दोबि कुंई, “हे न्वाशा, गिऊ गप्पो टोहकठे विशवास लोहू कि दुह टेम अपि लेहकी तोह कि केहरे माह दी गोऊ टोहकठे बाहो अराधना लोहन, माह यरूशलेम शहरा रिंङ।

प्रेरित 10:2

दुह परमेश्वरो अराधक तोहई, दंङ गरीब यहुदी मीहतिंङ महसे दान रंड्राते, दंङ हर टेम परमेश्वरारंङ साते प्रार्थना लहज़ाते।

प्रेरित 10:31

दंङ कुट्री लेहती, “हे कुरनेलियुस, परमेश्वरे कांह प्रार्थना रेड्री केहतो। दंङ दि ला खांई केहतो कि अंयों फेरा केई गरीब यहुदी मीहतिंङ दान रदेन।

प्रेरित 10:4

कुरनेलियुस ए स्वर्गदूतो हखा ध्याना रंङ साते खांई दंङ बेवा ते कुई, “हे मालिका छि शुह?” स्वर्गदूते जुबाब रेंई, कांह प्रार्थना ए कांह गरीबा तु थल्जी दान परमेश्वरो तुईज़ी पिचे इल्दोर।

प्रेरित 21:5

अपेहल निह्ज ध्याड़ो थल ञेंहतु दोरच़ी इबिमी ध्याड़ा अति, दंङ ञेंहरे दोरच़ी अचा इलांई; दंङ भत्ते विशवासी साते ञेंहतिंङ दुह इलाको धह्कते पिचे च़रतिर; दंङ ञेंहच़ी मुखारिंङ पुष्टू भारे बंङज़ा प्रार्थना लहरिन,

प्रेरित 7:60

दंङ पुष्टू भारे बंङज़ा ते जोरे हाऊष रेह कुई, “हे प्रभु, दिह पापो थल्जी दितिंङ माफ लेह च़रतु।” दंङ दिह कुचे थल दुह सिए इलि।

1 कुरिन्थियों 1:2

गेह दि डाक कुरिन्थुस शहरो विशवासी तु थल्जी च़ेहसी लेहकी तोतोग। अतिंङ परमेश्वरे एनोह पवित्र मीहरे शुहबिमी थल्जी अंङे चरच़ाते, ध्वांए ए छना दोई दू भत्ते मीहतिंङ अंङे चरच़ाते अंऊ भत्ते ठहरिंङ हेंदु प्रभु यीशु मसीहू अराधना लहज़ातोर, छना कुचे दू हेंदु भत्ते तु प्रभु शुह।

1 कुरिन्थियों 7:7

गेह दि जुंज़ातग कि छना गेह ब्याह मेह तोतोग ध्वांए भत्ते मीहरे ला शोर; पर हर इच्च़ा बि परमेश्वरो दोरच़ी खास वरदान खोकसा तोतोर। परमेश्वरे रे तिंङ ब्याह लहज़िमी वरदान रंड्री दंङ रें तिंङ ब्याह माह लहज़िमी वरदान रंड्री।

2 कुरिन्थियों 2:14

दंङ परमेश्वरो धन्यवाद शोतो, अंऊ मसीह रंङ साते हेंदु संबधो वहज़ा ज़ि, हेंदिंङ हमेशा ऐनाहरंङ साते चलाच़ा। दिऊ मतलब दि तोह कि हेनर अंऊर ला य्वातंई, हेनर रूठे खबर सुनाच़ातंई ताकि भत्ते मीहरे परमेश्वरो बि ञेंओर ए रेड्रोर।

फिलिपियों 1:12

हे विशवासी न्वारे, गेह जुंज़ातग कि केहच़ी दिह ञेंई च़रतेंई कि गिऊ टोईच़ी छि बितेक्पि लेहकी तोह, दोऊ वहज़ाज़ि महस मीहच़ी रूठे खबरो टोहकठे विशवास लहरिर।

1 थिस्सलुनीकियों 1:8

छना कुचे केहतु दोरच़ी माह सिर्फ मकिदुनिया ए अखयारिंङ प्रभु वचन सुनाई केहरी पर केहतु विशवास अंऊ परमेश्वरो टोईच़ी तोह भत्ते ठाहरीरिंङ दोऊ गप्पा फेलेगी इलजी तोद कि ञेंतिंङ कुट्रीमी ज़रूरत माह।

1 तीमुथियुस 5:14

झांह लेह गेह दि सलाह रंड्री जुंज़ातोग कि जवान रंणी ब्याह लेह च़रतु, दंङ कटुरे पैदा लेह घरबार सोटेक्तु, दंङ ऊई अरिया विरोधी बि बदनाम लहच़िमी मोका थारांई।

तीतुस 3:8

दि गप्पा हेले तोह, अंऊ गेह हेंतेग-हेंतेग कंङातेग दंङ गेह जुंज़ातग कि कांह विशवासी तिंङ दि गप्पातु पाहठी पक्‍का रंङ साते सिखातु। झांह लेह कि अच़ि परमेश्वरो टोहकठे विशवास लहरिर, दोरे रूठे कमो थल्जी एनोह टेम रंड्रीमी थल्जी ध्यान रांई दि भत्ते तु थल्जी दि गप्पा रूठे ए फायदेमंद तोह।

इब्रानियों 10:22

दंङ अतंई हेनर, मसीहू शुई पुरच़ि ते हेंदु सेहम शुद्ध लहच़ी दंङ साफ ती रें हेंदु फुक शुहल्ज़े संङा सेहम ए पक्‍का विशवासा रंङ साते परमेश्वरो कछंङ योंई।

याकूब 4:8

परमेश्वरो कछंङ अतंई, दंङ दुह लाह केहतु कछंङ अपतो: हे पापीरे, केनातु ज़िन्दगीऊ दोरच़ी पाप शत्‌ह लंहि; दंङ हे झुह्ट सेहमा रंङ मीहरे केनातु सेहम पवित्र लंहि।

1 पतरस 3:7

ध्वांए हे गगसा रे, अपेहल कि केरे इच्च़ा साते बंङज़ातंई दंङ केनातु मेच़ातंङ साते समझदारी रंङ साते व्यवहार लंहि, केतिंङ हिद तहच़ि जूंस कि दू करंङ बे कमज़ोर तोह, झांह लेह केतिंङ दोऊ आदर लेह जूंशी तोह। छना कुचे केहतु झुह्ट दू वरदाना बि सांझा लहज़ातंई अंऊ परमेश्वरे एनोह मोह्ड़े दाह ओ दोरच़ी केतिंङ रांहषी तोह, मतलब अनंत ज़िंदगी ओ वरदान। अगर केरे झांह लोहनि, दंङ परमेश्वर केहतु प्रार्थना रेड्रोतो।