1 तीमुथियुस 2:7 - लाहौली बाइबिल

⁷ दिए वहज़ा ज़ि रूठे खबरो प्रचार ए प्रेरितो रूपारिंङ ऊईजाति तिंङ विशवास ए सच्चाई ऊ शिक्षा रंड्रीमी थल्जी गेह अंङषी शुगाह, गेह हप्सी माह कुट्रातग, पर हेले कुट्रातग।

1 तीमुथियुस 2:7 Iomraidhean Croise

यहून्नो 7:35

यहुदी सेंहणार एनातु बिचंङ कुट्री लेहतिर, “दिह अंऊखा योतो कि ञेंहच़ी दिबी माह खोक्पोन? शायद दिह दुह यहुदी मीहतु कछंङ योतो अरी यूनानी शहरंङ शताह-शताह शुहचे बंङज़ातोर। दंङ दोतिंङ ला मीहतिंङ ला शिक्षा रमतो।

प्रेरित 14:27

अन्ताकिया शहरंङ पिचे, दोच़ी कलीसिया ओ मीहरे ठ्रोहका लहरिर दंङ कुईर, कि परमेश्वरे ञेंतंङ साते शुहचे छना मोह्ड़े-मोह्ड़े कम लहरी! दंङ छना परमेश्वरे ऊईजाति ऊ मीहतिंङ यीशु मसीहू टोहकठे बिशवास लहज़िमी जोगे लहरी।

प्रेरित 22:21

दंङ प्रभु ज़ि गिऊ हखा कुई, अच़ा इला, छना कुचे गेह कनिंङ ऊईजाति मीहतु कछंङ ओईतार-ओईतार च़रपोग।”

प्रेरित 26:20

पर गेह तुहई दमिश्क शहरा रिंङ यहुदी तिंङ प्रचार लहरिगा, दोहथल यरूशलेम शहरो बंङज़ा तिंङ, दंङ भत्ते यहूदिया प्रदेशारिंङ रिंङ दंङ ऊईजाति मीहतु बिचंङ गेह प्रचार लहरिगा, कि केनातु पापो दोरच़ी सेहम किर्ज़ुंई दंङ परमेश्वरो हखा किरज़ा केनातु व्यवहारो दोरच़ी दि साबित लंहि कि केहच़ी पापो दोरच़ी केनातु सेहम किरज़े चरच़ातंई।

प्रेरित 9:15

पर प्रभु यीशु ज़ि हनन्याह रंङ साते कुई, “काह अच्च़ा ईला; छना कुचे दुह ता ऊईजाति तु दंङ रज्ज़ातु ए इस्राएली मीहतु तुईज़ी गिऊ पाहठी प्रचार लहज़िमी थल्जी अंङषी मीह शुह।

रोमियो 1:9

परमेश्वर अतु सेवा गेह घेंङौ सेहमे दोऊ योह ओ पाहठी रूठे खबर मीहतिंङ सुनाके लहज़ातग, दुह ए गिऊ गवाह शोतो, कि गेह केतिंङ लगातार घेंङौ प्रार्थना रिंङ हिद लोहवा लहज़ातग,

रोमियो 10:14

पर दिऊ तुहई कि मीहरे परमेश्वरो दोरच़ी मदत पेट्रोर, दोतिंङ मसीहू टोहकठे विशवास लहज़ी जूंस; दंङ दिऊ तुहई कि दोरे दोऊ टोईच़ी विशवास लेह तरपोर, दोतिंङ दोऊ पाहठी रेड्री जूंस; दंङ मीहतिंङ प्रभु पाहठी रेड्रीमी थल्जी, अतिंङ अई दोतिंङ कंड्री जूंस।

रोमियो 11:13

गेह केतंङ ऊईजातिंङ साते दि गप्पा कुट्रातग। अपेहल कि गेह ऊईजाति तु थल्जी प्रेरित शुगाह, दंङ गेह घेंङौ सेवकाई ओ टोहकठे घमण्ड लहज़ातग।

रोमियो 15:16

कि गेह ऊईजातितु मीहतु थल्जी इच्च़ा यहुदी पुरोहितो ठ्रोह परमेश्वरो दोरच़ी खोकसी रूठे खबरो सेवा लहज़ातग; अतिंङ ऊईजाति मीहरे पवित्र आत्माओ दोरच़ी शत्‌ह लहसी परमेश्वरो थल्जी ग्रहणो जोगे तग बणेंके योतो।

रोमियो 9:1

हेंतेग अगर छिल्ला हेंदिंङ परमेश्वरो दाह ओ दोरच़ी शत्‌ह लेह मरपोतो, गिऊ यहुदी मीहरे, परमेश्वरो दोरच़ी शत्‌ह छारिंङ तोतोर? गिह्बी दोतु थल्जी महस दुख तो, दंङ हमेशा गिऊ सेहमरिंङ दोतु थल्जी दुख महसूस शवाह। हेलेरिंङ, हेंदु ए मीहतु उद्धार लहज़िमी थल्जी, गेह घेंङौ टोहकठे दोष लगाच़िमी ए मसीहू दोरच़ी शत्‌ह शुबिमी थल्जी तेयार तोतोग, गेह दोऊ थल्जी तेयार तोतोग। गेह मसीह बि गवाह मानेकि हेले कुट्रातग पवित्र आत्मा ए गिऊ दिमाग ला गवाही रंड्रा कि दि हप्सी माह शुह।

1 कुरिन्थियों 9:1

छिल्ला धिर गेह लहज़ी जुंज़ातग, दुह लहज़िमी थल्जी गेह आज़ाद तोतोग, गेह प्रेरित शुगाह, गेह हेंदु प्रभु यीशु बि तंङातेग, केरे प्रभु रिंङ लहसी गिऊ सेवा ऊ नतीज़ा शुईं।

2 कुरिन्थियों 11:31

परमेश्वर, हेंदु प्रभु यीशु मसीहू बाह अंऊ हमेशा धन्य तोह, ञेंहच़ा, कि गेह हप्सी माह कुट्रातग।

गलातियों 1:20

दि गप्पो थल्जी परमेश्वर गिऊ गवाह तोह कि गेह छिल्ला धिर अंऊ केतिंङ चेहच़ातग, दोरिंङ छल्ले हप्सी माह।

गलातियों 2:16

तांला हेनर यहुदी विशवासी ञेंहच़ातंई कि मूसा ओ कानूनो भाषे लहज़ा अरिला मीह परमेश्वरो तुईज़ी धर्मी साबित माह शोतो, पर सिर्फ मसीहू टोहकठे विशवास लेह रंङ साते धर्मी ठहरेसोतो। झांह लेह ञेंहच़ी हेंज़ी ला यीशु मसीहू टोईच़ी विशवास लहरिन, कि हेनर कानूनो कमो दोरच़ी मशत, पर मसीहू टोईच़ी विशवास लहज़िमी रंङ साते धर्मी शोंई; छना कुचे कानूनो भाषे लहज़ा ते अरिला मीह धर्मी माह ठहरेसोतो।

गलातियों 2:9

अंऊ मीहरे कलीसिया ओ अगुवा समझेक्च़ातंई, मतलब याकूब, बरनबास, कैफा ए यूहन्ना, दोच़ी मोह्ड़े दाह ओ दू वाईदा सेहच़ी चरच़ातोर अंऊ गिह्बी खोकसा तोह। दोच़ी हेंदंङ साते गुह्ट्र मिलाके दि कंङातोर कि दोरे हेंदंङ साते राजी तोईरे। दोरे दि गप्पो थल्जी राजी शुईरे कि हेनर ऊईजाति तु कछंङ रूठे खबर सुनाएच़िमी थल्जी योंई दंङ दोरे यहुदी तु कछंङ।

गलातियों 3:9

परमेश्वरे अब्राहमा बि दोऊ विशवासो दोरच़ी आशीष रांई, ध्वांए ठ्रोह अंऊ ला यीशु मसीहू टोहकठे विशवास लोहतो दू पक्‍का अब्राहमो रंङ साते परमेश्वरो दोरच़ी आशीष खोकपोतो।

2 तीमुथियुस 1:11

परमेश्वर गिह्बी दि रूठे खबरो प्रचारो लहज़िमी थल्जी, प्रेरित बणेक्पिमी थल्जी दंङ गेह ऊई जातिऊ मीहतिंङ उपदेश रंड्रीमी थल्जी अंङे चरच़तो।

2 पतरस 2:5

केहच़ी दि ला ञेंहच़ातंई कि अपेहल महसे तुहई बंङज़ा मीहच़ी परमेश्वरो बेह्द माह चेहतिर दंङ दोई दुह मदम कम नज़र अंदाज माह लहरी अंऊ दोच़ी लहज़ातेर। बल्कि दोई भत्ते संसारा रिंङ ती चरच़े परमेश्वरे झांह ठ्रोह सज़ा रांई कि दोरे भत्तेर नाश शुहचे इलिर। पर दोई नूह ए दुह निह्ज़ी मीहतिंङ बचाके च़रति, अंऊ दोच़ी परमेश्वरो थल्जी सही शुहबिमी थल्जी प्रचार लाहतेर।