1 तीमुथियुस 2:6 - लाहौली बाइबिल

⁶ अच़ि पाप ए सिमी शाक्ति ओ दोरच़ी भत्ते मीह तिंङ आज़ाद लेह च़रच़िमी थल्जी एनाबि बलिदान लेह केहई दोऊ मौतो दोरच़ी, परमेश्वरे ठीक टेमारिंङ दि सबूत रें च़रति कि दुह भत्ते मीहतिंङ बचाएच़ी जुंज़ा।

1 तीमुथियुस 2:6 Iomraidhean Croise

मत्ती 20:28

छना कि गेह मीहू योह; दिऊ थल्जी अंज़े मशुह कि गिऊ सेवा टहल शुहबी जूंस, पर दिऊ थल्जी अंज़े शुह कि सेवा टहल लोहग, दंङ महसतिङ बचाएच़िमी थल्जी घेंङौ जान रमोग।”

मरकुसो 1:15

दंङ कुतोह, “ध्याड़ा पूरा शुहचे इलि, परमेश्वरो राज पिचे अन्ज़े तोत; मदम कमो दोरच़ी सेहम किर्ज़ुंई दंङ दि रूठे खबरो टोईच़ी विशवास लांही।”

मरकुसो 10:45

छना कुचे गेह मीहू योह शुगाह, ऊईतु दोरच़ी घेंङौ सेवा लहज़ी अंज़े माह शुगाह, दंङ ऊईतु सेवा लहज़ी अंज़े शुगाह। देर तचेक कि गिह्बी सच़ी च़रपोर। गिऊ सिमी रंङ साते महसे मीहरे एनोह पापो दोरच़ी छुटकारा खोकसा योतो।”

यहून्नो 10:15

छना पिता परमेश्वरे ए गिह्बी सेहच़ा दंङ गेह पिता परमेश्वर बि सेहचातग। दंङ गेह दोतु थल्जी सीमी ला तेयार तोतग।

यहून्नो 6:51

जीवनो रोटी अंऊ स्वर्गंङच़ि तक्सा, दुह गेह शुगाह। अगर अच़िया दिह रोटीऊ दोरच़ी ज़ोतो ता हमेशा श्रींङे बंङज़ोतो; दंङ अंऊ रोटी गेह रमोग, दुह गिऊ फुक शुह अंऊ गेह संसारो मीहतु जीवनो थल्जी बलिदान लोहग।”

रोमियो 16:26

पर हेंतेग परमेश्वरो हुकुमो हिसाबे परमेश्वरो रूठे खबर भविष्यवक्ता तु कताबो दोरच़ी भत्ते जातिऊ मीहतिंङ कांहषी तोह, कि विशवासा रंङ साते हुकुमो भाषे लहज़ा बणेंके इलांई।

रोमियो 5:6

छना कुचे अपेहल हेनर कमज़ोर ए तोहनी, दंङ परमेश्वरो ठहरासी टेमा रिंङ मसीह हेनर मदम मीहतु थल्जी सिए इलि।

1 कुरिन्थियों 1:6

दू खास वरदान अंऊ दोई केतिंङ रांहषी ततो दि साबित लहज़ातोर कि यीशु मसीहू पाहठी रूठे खबर हेले शुह।

2 कुरिन्थियों 5:21

मसीह, अंऊ पापो दोरच़ी अंजान तोहई, परमेश्वरे हेंदु पापो थल्जी मसीह बि पापो दोष लगाएती ठहराति, ताकि हेनर परमेश्वरो नज़रा रिंङ धर्मी शुहचे योंई छना कुचे मसीह ज़ि हेंदु पापो सज़ा एनोह टोहकठे लेहपच़े च़रति।

गलातियों 1:4

हेंदु परमेश्वर ए बाह ओ हिटीऊ हिसाबे यीशु मसीह ज़ि एनाबि हेंदु पापो वहज़ा ज़ि बलिदान लेह च़रति ताकि दोई हेंदिंङ दू मदम शाक्ति ओ दोरच़ी बचाके च़रपोतो अंऊ तोग दि संसारारंङ कम लहच़ी लेहकी तोह।

गलातियों 4:4

पर अपेहल दू टेम अति अतु योजना परमेश्वरे बणाक्ते, दंङ परमेश्वरे एनोह योह दि संसारारिंङ च़रति, दंङ दू इच्च़ा मीहू रूपा रिंङ जेह्कते। दुह यहुदी जेह्के, मूसा ओ कानूनो अधीन दिऊ थल्जी बंङज़िरी,

इफिसियों 1:17

गेह प्रार्थना लहज़ातग कि परमेश्वर हेंदु प्रभु यीशु मसीहू महिमामय बाह, केतिंङ पवित्र आत्मा रमतो, अंऊ केतिंङ बुद्धिमान बणाके च़रपोतो दंङ परमेश्वरा बि केहतु टोहकठे प्रगट लोहतो, ताकि केहच़ी दू ञेंई तरपोंई।

इफिसियों 1:7

मसीहू शुहई बहाएक्च़िमी दोरच़ी हेंदिंङ छुटकारा खोकसिरी, मतलब, हेंदु पाप माफ शुहचे इलि, परमेश्वरो मोह्ड़े दाह महसे महान तोह अंऊ दोई हेंदिंङ महस रांहषी ततो।

इफिसियों 3:5

दि गुप्त भेद तुहई कि पीढ़ी तु मीहतिंङ कांहषी माह, हेंतेग पवित्र आत्माज़ि एनोह पवित्र प्रेरित ए परमेश्वरो खबर रंड्रा मीहतु टोहकठे प्रगट लहसी ततो।

इफिसियों 5:2

मसीहू उदाहरणो हिद लहज़ा, ऊईतु थल्जी दाह रंङ साते जीवन श्रींङमा तंई, अच़ि केतंङ साते दाह लहज़ा दंङ केहतु पाप उठाएच़िमी थल्जी एनाबि बलिदान लेह च़रति। दंङ दिरंङ खुश तोहई छना कुचे दू बलिदान दोऊ थल्जी इत्रो ठ्रोह तोह।

2 थिस्सलुनीकियों 1:10

दि दुह ध्याड़ा शोतो, अपेहल प्रभु यीशु मसीह एनोह मीहतु बिचंङ महिमा खोकसिमी ए दुह भत्ते विशवासी तु बिचंङ हेरान लहज़िमी थल्जी अपतो; केरे ला दि मंडली रि ठ्रोहका शोंई छना कुचे केहच़ी दुह खबरो टोहकठे विशवास लहज़ातंई अंऊ दुह ञेंहच़ी केतिंङ दोऊ पाहठी कंङाते।

1 तीमुथियुस 6:15

परमेश्वर, अंऊ इच्च़ा ए झांह ठ्रोह रज्ज़ा तोह अंऊ तरीफो जोगे तोह, रज्ज़ा तु रज्ज़ा ए प्रभु तु प्रभु तोह। दोई ए ठीक टेमारिंङ मसीह बि प्रगट लोहतो।

2 तीमुथियुस 1:8

झांह लेह ऊई मीहतिंङ हेंदु प्रभु यीशु मसीहू पाहठी कंड्रिमी शर्मिन्दा था शुई, दंङ माह ए कनिंङ दि गप्पो दोरच़ी षेहपि जूंस कि गेह परमेश्वरो सेवा लहच़िमी रंङ साते कैदारिंङ तोतोग। पर कनिंङ दुह सामर्थो इस्तेमाल लेह जूंशी तोह अंऊ परमेश्वर कनिंङ रंड्रा, दंङ रूठे खबरो थल्जी गेरंङ साते दुखा रिंङ साथी शुई।

तीतुस 1:3

दंङ हेंतेग ठीक टेमारिंङ, परमेश्वरे दि रूठे खबर हेंदु तुईज़ी प्रगट लहरी, दंङ हेनर दिऊ प्रचार भत्ते तु बिचंङ लहज़ातंई हेंदु उद्धारकर्ता परमेश्वरे दि हुकुम रंड्रा गिह्बी ज़िम्मेवारी रंदे कि दोऊ थल्जी दि कम लोहग।

तीतुस 2:14

यीशु मसीह हेंदु थल्जी सिए इलि ताकि हेंदिंङ भत्ते पाहठी पापो दोरच़ी आज़ाद लोहतो दंङ हेंदिंङ शुद्ध लेह तरपोतो ताकि हेनर दोऊ खास मीहरे बणेंके योंई। अंऊ रूठे कम लहज़िमी थल्जी भत्ते तरफे समर्पित शोतो

इब्रानियों 9:12

यीशु मसीह परमपवित्र ठहरि छगढ़ो ए रेंज़ो शुहई रेंज़ा मेहलि, पर दू एनोह ए शुहई रेंज़ा इलि। दोई दि सिर्फ इच्च़ा ए फेरा लहरी, दंङ दिबी यह्च़ा लहज़िमी थल्जी अपेहल ला ज़रूरत माह शोतो। दोऊ दोरच़ी ए हेंदिंङ उद्धार खोकसी शुह।

1 पतरस 2:24

अपेहल मसीह सिए इलि, दंङ हेंदु पापो थल्जी क्रूसो टोईच़ी दोऊ फुका बि तकलीफ रेंईर ताकि हेनर पाप लेह बन्द लेह केओनि दंङ धर्मिकता रंङ साते श्रींङमी शुरू लोहनि। दंङ दू घाहो वहज़ा ज़ि अंऊ दोई सहन लहरी, हेनर ठीक शुहचे इलजे तोतोंई।

1 पतरस 3:18

गेह दि दिऊ थल्जी कुट्रातग, छना कुचे मसीह ज़ि हेंदु पापो थल्जी दुख सहन लहरी दंङ सिए इलि। दू सिर्फ इच्च़ा फेरा सिए इलज़ा दंङ दोबि दोहराएच़िमी ज़रूरत माह। दू इच्च़ा धर्मी मीह तोहई अंऊ पापी मीहतु थल्जी सिए इलि ताकि दू हेंदिंङ परमेश्वरो कछंङ रैंज़ा शोतो। दोच़ी दोऊ फुक सचे च़रतिर, पर परमेश्वरे दोबि पवित्र आत्माओ सामर्थ रें यह्च़ा श्रींङमी लेह च़रति।

1 यूहन्ना 4:10

हेंदु दाह परमेश्वरो थल्जी सच्चे माह, पर परमेश्वरो दाह हेंदु थल्जी सच्चा तोह। परमेश्वरे हेंदु पाप ऊई तार लहच़िमी थल्जी एनोह योह बलिदान लेह च़रति अतु वहज़ा ज़ि हेंदु पाप माफ शुहचे इलिर।

प्रकाशित वाक्य 1:5

दंङ यीशु मसीहू तरफे केतिंङ मोह्ड़े दाह ए शांति खोकसोतो, अतु बचनो टोईच़ी विशवास लेह तरपोंई दुह ए तोह सिमी थल यह्च़ा श्रींङे इलि दंङ दुह दि संसारो रज्ज़ा तु अधिकारी तोह। दोई हेंदंङ साते दाह लहज़ा दंङ हेंदिंङ बचाएच़ा, दोई एनोह शुहई दोरच़ी हेंदिंङ पापो दोरच़ी बचाएच़ा। दोई हेंदिंङ झांह ठ्रोह मीह बणाके चरच़तो, अतु परमेश्वर दोतु रज्ज़ा तोह दंङ दोई हेंदिंङ एनोह बाह परमेश्वरो थल्जी यहुदी पुरोहित बणाके च़रति। दोबि आदर ए अधिकार हमेशा खोकसा लोहतो। अमीन।

प्रकाशित वाक्य 5:9

दंङ दोरे दि खरकोई गीत कुट्री लेहतिर, “कांह दि कताब मुहर थक्च़िमी ए दिबी युप्च़िमी जोगे तोतोन; छना कुचे कनिंङ बलिदान लहसी शुह। कनु शुहई अंऊ बहाएक्सी तोहई, मीहतिंङ छुड़ाके च़रति ताकि दोरे परमेश्वरो मीहरे बणेंके योर। दिरे मीहरे भत्ते गोत्र, भत्ते भाषा, भत्ते ठहरि ए भत्ते राज्यो दोरच़ी तोतोर।”