1 तीमुथियुस 2:5 - लाहौली बाइबिल

⁵ छना कुचे परमेश्वर सिर्फ इच्च़ा ए तोह, दंङ इच्च़ा मीह अंऊ परमेश्वर ए मीहतु बिचंङ मेल-मिलाप लेह तरपोतो, दुह इच्च़ा ए तोह मतलब यीशु मसीह अंऊ मीह बणेंके दि संसारारिंङ अति,

1 तीमुथियुस 2:5 Iomraidhean Croise

मत्ती 1:1

दिह यीशु मसीहू बाह-मेमेतु मिन्दु पाहठी अंऊ रज्ज़ा दाऊदो खानदानो तोहई दंङ रज्ज़ा दाऊद अब्राहमो खानदानो तोहई।

मत्ती 1:23

“खंणुई, इच्च़ा ब्याह माह लहसी खोकटुंङ शोतो दंङ इच्च़ा गंङकटु जेह्पोतो, दंङ दोऊ मिन ‘इम्मानुएल’ शोतो अतु मतलब शुह, परमेश्वर हेन्दंङ साते तोह।”

लूको 14:22

परगरे यहचा कुहतो, हे मालिका, केई छना कुहतेन, ध्यांए लेह केहतेग; दंङ ऊई लाह ठहरि तोह;

यहून्नो 1:14

दंङ बचन इच्च़ा मीहू रुपंङ अति; दंङ मोह्ड़े दाह ए सच्चाईरङ परिपूर्ण शुहचे हेंदु बिचंङ डेरा लहरी, दंङ हेंज़ी दोऊ धिंङघा महिमा खंणी छना पिता (परमेश्वरो) इच्च़ा योह।

यहून्नो 17:3

दंङ अनंत जीवन दीह शुह कि मीहरे कनिंङ सेहपोर, मतलब सिर्फ इच्च़ा सच्चा परमेश्वरा बि, दंङ दोरे गिह्बी सेहपोर, मतलब यीशु मसीह बि, अरी केई च़रसी शुह।

प्रेरित 4:12

छना कुचे परमेश्वरे संसारो मीहतिंङ यीशु अलावा ऊई छल्ले मिन रांहषी माह अतु दोरच़ी हेनरि उद्धार खोकच़े तरपोंई।

रोमियो 1:3

दि रूठे खबर दोतु योह, हेंदु प्रभु यीशु मसीहू पाहठी तोह। दोऊ जन्म इच्च़ा मीहू रूपारिंङ रज्ज़ा दाऊदो खानदाना रिंङ शुई।

रोमियो 10:12

यहुदी मीहतु बिचंङ ए ऊईजाति तु मीहतु बिचंङ छल्ले भेद माह, झांह लेह कि परमेश्वर भत्ते तु प्रभु शुह; दंङ दू भत्ते तिंङ बचाएपोतो, अंऊ दोबि मदतो थल्जी हाऊष रंड्रातोर।

1 कुरिन्थियों 8:4

दंङ हेंतेग, गेह बलि ज़ेइमी पाहठी सवालो जबाब रंड्री जुंज़ातग। ञेंहच़ी ञेंहच़ातंई कि मुर्ति सच्चा भगवान माह शुह, दंङ सिर्फ इच्च़ा ए सच्चा परमेश्वर तोह।

गलातियों 3:20

अपेहल झुह्ट मीहतु बिचंङ समझोता शवाह, दोहपल बिचवाई ओ ज़रूरत शुहबी। पर अपेहल परमेश्वरे अब्राहमा रंङ साते वाईदा लहरी दंङ दोई अंऊ ला बिचवाई ओ इस्तेमाल माह लहरी, छना कुचे परमेश्वर इच्च़ा ए तोह।

इफिसियों 4:6

दंङ हेनर भत्तेर इच्च़ा ए परमेश्वरो अराधना लहज़ातंई अंऊ हेंदु भत्ते तु बाह तोह। दू हेंदु भत्ते तु टोईच़ी राज लहज़ा, दंङ हेंदु भत्ते तु दोरच़ी कम लहज़ा, दंङ दू हेंदंङ भत्तेतंङ साते बंङज़ा।

1 तीमुथियुस 6:13

परमेश्वरो तुईज़ी अंऊ भत्ते तिंङ ज़िंदगी रंड्रा, दंङ यीशु मसीह अंऊ पुन्तियुस पिलातुस ओ तुईज़ी एनोह पाहठी हेले कुहते, दोकु झुल्लो हाज़िरी रिंङ, गेह केतिंङ दि हुकुम रंड्रातग।

इब्रानियों 12:24

केरे यीशु कछंङ अंज़े शुई अंऊ परमेश्वर ए मीहतु बिचंङ खरकोई वाईदा ओ बिचवाई लहज़ा, दंङ पुरच़ि शुहई कछंङ अंज़े तोहई, अंऊ हाबिलो शुई ओ ठ्रोह क्रपिमी वहज़ा पाप माफ लहज़िमी गप्पा लहज़ा।

इब्रानियों 7:25

दिऊ थल्जी अंऊ यीशु मसीहू दोरच़ी परमेश्वरो कछंङ अपातोर, दू दोतु पूरा-पूरा उद्धार लेह तरपोतो, छना कुचे दू दोतु थल्जी बिनती लहज़िमी हमेशा श्रींङे तोह।

इब्रानियों 8:6

पर अंऊ पुरोहितो कम यीशु मसीह बि खोकसिरी, दुह, दू कम बे महस मोह्ड़े तोह अंऊ ऊई पुरोहिता तिंङ रांहषी तोहई। छना कुचे दुह, दू ए शुह अंऊ मोह्ड़े वाईदा ओ हिसाबे, परमेश्वरो तुईज़ी हेंदु थल्जी इच्च़ा मोह्ड़े वाईदा ओ बिचवाई लहज़ी लेहकी तोह।

इब्रानियों 9:15

झांह लेह मसीह मीहतंङ साते इच्च़ा खरकोई वाईदा लहज़ा, ताकि दोरे मीहरे अंऊ परमेश्वरो तरफे बुलासी तातोर, दोरे दू अनंत आशीष खोकपोरे अतु वाईदा परमेश्वरे लहसी ततो झांह दिऊ थल्जी शुहबी तरपोतो छना कुचे मसीह दोतिंङ दू पापो सज़ाओ दोरच़ी आज़ाद लेह च़रच़िमी थल्जी सिए इलि अंऊ दोच़ी तुहई कि वाईदा ओ अधीन बंङज़ा ते लाहतेर।

1 यूहन्ना 2:1

हे गिऊ प्यारे कटुरे, गेह दि गप्पारे केतिंङ झांह लेह चेहच़ातग कि केहच़ी पाप थालंही। दंङ अच़िया पाप लहरी ता, दंङ बाह परमेश्वर ओ कछंङ हेंदु थल्जी इच्च़ा सहायक तोह; अंऊ हेंदु पापो माफी ऊ थल्जी बाह परमेश्वर रंङ साते प्रार्थना लहज़ा मतलब यीशु मसीह अंऊ धर्मी तोह।

प्रकाशित वाक्य 1:13

दंङ दुह संजवा तु बिचंङ इच्च़ा मीह खंणीर, अंऊ इच्च़ा गंङमी ओ ठ्रोह तंङफाते, दोई इच्च़ा बागा इच्च़ा लम्हें धकते कि खमज़ेर लेहसी अंऊ दोऊ कोंज़ो ओ कछंङ तचेक तोहई, दंङ एनोह काह् रिंङ छंङसी रंगो कमरबन्द छ़ुह्च़ी तहरे।