4 दोई जुंज़ा कि, कि भत्ते मीहतु उद्धार शुहबी जूंस; दंङ दोरे सच्चाई बि रूठे रंङ सेहषी तरपोर।
दिऊ थल्जी केहरे ईलांई, दंङ भत्ते जातिऊ मीहतिंङ चेला बणाक्तुंई; दंङ दोतिंङ बाह ए, योह ए, पवित्र आत्मो मिन्ज़ी बपतिस्मा रांई,
दंङ यीशुज़ि दोतंङ साते कुतोह, “केहच़ी संसारारंङ इलजे भत्ते मीहतिंङ दी रूठे खबर सुनाएकी च़रतुंई।
कि दुह एनोह मीहतु पापो माफ लहज़िमीरंङ साते दोतिंङ उद्धारो पाहठी ज्ञान रमोतो।
मालिका ज़ि परगराबि कुहतो, नगरो धह्कतेकी अमरिंङ च़ि मीहतिंङ दोर्तिंङ अपिमी थल्जी मज़बूर लांही कि गिऊ घरबार पिंङे योतो।
दंङ यरूशलेम शहरो दोरच़ी भत्ते जातितु बिचंङ पापो दोरच़ी सेहम यहच़िमी ए पापो दोरच़ी माफिऊ प्रचार, मसीहू मिनज़ि शोतो।
यीशु ज़ि दोरंङ साते कुंई, “अम, सच्चाई दंङ अनंत जीवन गेह ए शुगाह; गेह मेह अरीला पिता परमेश्वरो कछंङ पिचे मरपोतो।
कांह बचन सच्चाई शुह। दिऊ थल्जी दोतिंङ सच्चाई रिंङ केनोह थल्जी शत्ह लोहू
अंऊ धिर ला पिता परमेश्वरे गिह्बी रंड्रा दुह भत्ते धिर गिऊ कछंङ अपतो, दंङ अंऊला गिऊ कछंङ अपतो दोबि गेह अपेहल ला माह हुंपोग।
ताकि अंऊ रीतिरंङ साते गेह घेंङौ जातितु बिचंङ जलन पैदा लोहवा दोतु बिचंङ महसे तु उद्धार लोहग।
ञेंरे दि जीवन खोकच़िमी थल्जी ञेंहच़ी मेहनत ए कोशिश दिऊ थल्जी लहज़ातंई कि हेंदु उम्मीद दू श्रींङे परमेश्वरो टोहकठे तोह; अंऊ भत्ते मीहतु खासकर विशवासी मीहतु उद्धार लहज़ा शुह।
हेंदिंङ दुह मीहतिंङ नम्रतारंङ साते समझाएक्ची जूंशी तोह अंऊ दोच़ी विरोध लहज़ातोर, झांह शुहबी तरपोतो कि परमेश्वर ए दोतिंङ सच्चाई ञेंहच़ी ए दोऊ हखा किरच़िमी मौका रमतो।
दोरे हमेशा शताह चीज़ारे सिखेक्सा तोर पर मसीह सच्चाई ओ शिक्षा अपेहल ला माह समझेक्तिर।
गेह पोलुस अंऊ परमेश्वरो दास ए यीशु मसीहू प्रेरित शुगाह, केतिंङ दि डाक चेहच़ातग। गेह परमेश्वरो अंङषी मीहतिंङ पक्का लहज़ी ए दुह सच्चाईऊ शिक्षा समझेक्सिमी थल्जी अंङषी शुई, ताकि दोरे झांह ठ्रोह जीवन श्रींङमोंई अंऊ परमेश्वराबि खुश लहज़ा।
परमेश्वरे भत्ते मीहतिंङ बचाएच़िमी थल्जी इच्च़ा अम बणाएच़िमी ज़रिया ज़ि एनोह मोह्ड़े दाह कंड्रिरी। अंऊ भत्ते मीहतु उद्धारो कारण तोत,
हेंदिंङ दि कम लहज़ी जूंशी तोह, छना कुचे रूठे खबरो सच्चाई ञेंई थल, अगर हेनर ञेंई ते पाप लहज़ातंई, झांह ठ्रोह छल्ले बलिदान माह अच़ि हेंदु पाप शत्ह लेह तरपोतो।
पर अगर केरे केनातु सेहमरिंङ जलनो गप्पा, रोहष ए विरोध तहच़ातंई, ता घमण्ड थालंही, दंङ माह ए सच्चाई ऊ थल्जी हप्सी कुंई।
रें मीहच़ी चेहच़ातोर कि प्रभु एनोह यह्च़ा वापिस अपिमी वाईदा ओ पाहठी ख्राह लहज़ी लेहकी तोह, बल्कि, दुह केतंङ साते धीरज़ तहज़ा तोह। छना कुचे दुह अतिंङ ला नाश लेह माह जुंज़ा। पर प्रभु ज़ि जुंज़ा कि हर इच्च़ा एनोह सेहम किरज़ु दंङ गलत कम लेह बन्द लेह केहतो दंङ दोऊ कछंङ अच़ा अपतो।
गेह यूहन्ना अंऊ सेंहणा शुगाह दिह डाक चेहच़ातग। गेह दि डाक परमेश्वरो अंङषी दुह न्वाशा ए दोऊ कटुतिंङ चेहच़ातग, अंऊ दोतंङ गेह सच्चा दाह लहज़ातग, दंङ सिर्फ गेह ए मशत दंङ दोरे भत्तेर गेरंङ साते दाह लहज़ातोर, अंऊ दोच़ी सच्चाई ञेंच़ातोर।
दंङ गेह अई इच्च़ा स्वर्गदूता बि सर्गो टोईच़ी फन्ज़ि तंङरिगा। दुह स्वर्गदूते दुह रूठे खबर कुरच़ा तोहई अंऊ अपेहल ला माह लेहक्सा, दोई संसारा रिंङ बंङज़ा मीहतु, हर इच्च़ा देश, हर इच्च़ा गोत्र दंङ भत्ते पाहठी भाषा रिंङ दिऊ घोषणा लहरिर।