1 तीमुथियुस 2:10 - लाहौली बाइबिल

¹⁰ दिऊ वहज़ा ज़ि दोतिंङ ऊई मीहतु थल्जी रूठे कम लहच़ी एनाबि सलटे लेह जूंशी तोह। छना कुचे परमेश्वरो भक्ति लहज़ा मेच़िमी ऊ थल्जी दिए ठीक तोह।

1 तीमुथियुस 2:10 Iomraidhean Croise

प्रेरित 9:36

याफा शहर, तबीता मतलब दोरकास मिंदंङ इच्च़ा विशवासी मेच़िमी तोहई। दोई महस ए रूठे-रूठे कम ए गरीबा तु मदत लहज़ाते।

प्रेरित 9:39

दोहथर पतरस खड़े शुहचे दोतंङ साते अच्च़ा इलि, दंङ छना ए दुह पिचे इलि, ता दोरे पतरस बि तोरिंङ कि कमरा रिंङ रेंज़ा शिलिर। दंङ भत्ते रंणी मेच़िमी रे क्रपचा दोऊ कछंङ अंज़े खड़े शुईरे, दंङ अंऊ कुर्ती ए खमज़ेर दोरकास ए दोतु थल्जी बणाएकते, कंड्री लेहती।

इफिसियों 2:10

छना कुचे हेनर परमेश्वरे बणाषी शुई; दंङ यीशु मसीह रिंङ दू रूठे कमो थल्जी बणाषी अपि परमेश्वरे तुहई बेहच़ी हेंदु लहज़िमी थल्जी तेयार लहसी ततो।

1 तीमुथियुस 2:11

अपेहल गंङमी मीहरे विशवासी तिंङ सिखाएपोर, दंङ भत्ते मेच़िमी तिंङ बि चुपे बंङज़ा भत्ते अधीनता रंङ साते सीखेसी जूंशी तोह।

1 तीमुथियुस 2:9

ध्यांए गेह जुंज़ातग कि मसीही मेच़िमीतिंङ रूठे रंङ साते खमज़ेर लहज़ी जूंशी तोह, झांह ठ्रोह खमज़ेरे अंऊ रूठे ए ग्रहण लहच़िमी जोगे शोर। माह कि सिर्फ क्रा लहज़ी ए ज़ंङ लेह्चा या मुतिकरे लेह्चा या माहङे खमज़ेर लहज़ा एनाबि सलटे लोहतो।

तीतुस 2:14

यीशु मसीह हेंदु थल्जी सिए इलि ताकि हेंदिंङ भत्ते पाहठी पापो दोरच़ी आज़ाद लोहतो दंङ हेंदिंङ शुद्ध लेह तरपोतो ताकि हेनर दोऊ खास मीहरे बणेंके योंई। अंऊ रूठे कम लहज़िमी थल्जी भत्ते तरफे समर्पित शोतो

तीतुस 3:8

दि गप्पा हेले तोह, अंऊ गेह हेंतेग-हेंतेग कंङातेग दंङ गेह जुंज़ातग कि कांह विशवासी तिंङ दि गप्पातु पाहठी पक्‍का रंङ साते सिखातु। झांह लेह कि अच़ि परमेश्वरो टोहकठे विशवास लहरिर, दोरे रूठे कमो थल्जी एनोह टेम रंड्रीमी थल्जी ध्यान रांई दि भत्ते तु थल्जी दि गप्पा रूठे ए फायदेमंद तोह।

1 पतरस 2:12

ऊई जातिऊ मीहतु बिचंङ केहतु व्यवहार रूठे शुहबी जूंस। छना कुचे एंतेग अच़ि केतिंङ मदम कम लहज़ा कुट्रा मीहरे कुचे दोष लगाएपोर, दोरे मीहरे अपेहल परमेश्वर अपतो दुह ध्याड़ा केहतु रूठे कम खंड्रा परमेश्वरो महिमा लोहर।

2 पतरस 3:11

दि पक्‍का तोह कि परमेश्वर भत्ते चीज़ा तिंङ झांह ठ्रोह नाश लेह च़रपोतो, दंङ केरे पक्‍का रूपा रिंङ ञेंच़ातोंई कि केतिंङ छना ठ्रोह व्यवहार लेह जूंशी तोह दंङ छिल्ला केहच़ी लहज़ातंई दोरिंङ परमेश्वरा बि खुश लंहि।

प्रकाशित वाक्य 2:19

गेह ञेंच़ातग कि केई छि लहज़ातन केहच़ी इदि-अई दिरंङ साते दाह लहज़ातंई दंङ केरे गिऊ टोईच़ी पक्‍का विशवास लहज़ातंई। गेह ञेंहच़ातग कि केहच़ी छना इदि-अई दिऊ मदत लहज़ातंई। दंङ केहतु सहन शीलता ला ञेंहगा कि केरे हेंतेग दि रूठे कम दुह टेम बे महस लहज़ी लेहकी तोतोंई अपेहल केहच़ी गिऊ टोईच़ी मुण्डो विशवास लाहतंई।