1 तीमुथियुस 2:1 - लाहौली बाइबिल

¹ भत्ते बे ज़रूरी गप्पा तोह कि, केरे भत्ते मीहतु थल्जी प्रार्थना, निवेदन, विनती ए धन्यवाद लोह।

1 तीमुथियुस 2:1 Iomraidhean Croise

प्रेरित 17:30

झांह लेह परमेश्वरे मीहतु अज्ञानतो टेम ध्यान माह रें, पर हेंतेग भत्ते ठहरि रिंङ भत्ते मीहतिंङ सेहम किरज़िमी हुकुम रंड्रा।

रोमियो 1:8

भत्ते बे तुहई गेह केहतु भत्ते तु थल्जी यीशु मसीहू दोरच़ी घेंङौ बाह परमेश्वरो धन्यवाद लहज़ातग, छना कुचे यीशु मसीहू टोहकठे केहतु विशवासो पाहठी महस ठाहरीरिंङ मीहच़ी गप्पा लहज़ी लेहकी तोतोर।

रोमियो 6:17

केरे पापो गुलाम तोईनी, पर हेंतेग केहच़ी दुह शिक्षा ओ भाषे लहज़ातंई, अंऊ केतिंङ खोकसिरी। झांह लेह गेह परमेश्वरो धन्यवाद लहज़ातग।

1 कुरिन्थियों 15:3

झांह लेह गेह केतिंङ दुह खास खबर कंङातेग अंऊ गिह्बी प्रभु यीशु दोरच़ी खोकसते। कि पवित्रशास्त्रो बचनो हिसाबे यीशु मसीह हेंदु पापो थल्जी सिए इलि,

2 कुरिन्थियों 8:6

झांह लेह ञेंहच़ी तीतुसा बि समझाएक्तेंई, कि छना दोई तुहई ला शुरू लाहते, ध्वांए केहतु बिचंङ ला दि दानो कम पूरा लेह च़रपोतो।

इफिसियों 3:13

झांह लेह गेह विनती लहज़ातग कि अंऊ दुख केहतु थल्जी गिह्बी शुहबी लेहकी तोह, दोतु वहज़ा ज़ि परेशान शुहबी मेस, छना कुचे दि भत्ते केहतु महिमा ओ थल्जी तोह।

इफिसियों 5:20

छिल्ला धिर हेंदु प्रभु यीशु मसीह ज़ि लहसी तोह दोऊ वहज़ा ज़ि हमेशा हेंदु बाह परमेश्वरो भत्ते गप्पातु थल्जी धन्यवाद लोहवा लंहि।

इफिसियों 6:18

दंङ भत्ते मुक्का ए भत्ते पाहठी हेंदिंङ ध्वांए ए प्रार्थना ए बिनती लहज़ी जूंशी तोह। छना पवित्र आत्माज़ि हेंदु अगुवाई लहज़ा। झांह लेह चेहके बंङज़ेंई दंङ भत्ते परमेश्वरो मीहतु थल्जी हमेशा प्रार्थना लोहवा लंहि।

फिलिपियों 1:3

गेह अपेहल-अपेहल केतिंङ हिद लहज़ातग दोथर घेंङौ परमेश्वरो धन्यवाद लहज़ातग,

फिलिपियों 4:6

अंऊ ला गप्पो चिंद थालंही, पर हर इच्च़ा हालाता रिंङ केहतु निवेदन, प्रार्थना ए बिनती रंङ साते धन्यवाद रंङ साते परमेश्वरो तुईज़ी हाज़िर लेह केऊर।

1 थिस्सलुनीकियों 3:12

ञेंहच़ी दि ला प्रार्थना लहज़ातंई कि प्रभु ज़ि झांह लोहतो कि, कि छना ञेंहच़ी केतंङ साते दाह लहज़ातंई, ध्वांए ए केहच़ी लाह इदि-अई दिरंङ साते दाह लोहवा लंहि, दंङ भत्ते मीहतंङ साते केहतु दाह ऊई लाह लगातार बढेक्पि जूंस।

2 थिस्सलुनीकियों 1:3

हे गिऊ प्यारे साथी विशवासी रे, केहतु पाहठी ञेंतिंङ लगातार परमेश्वरो धन्यवाद लहच़ी जूंशी तोह, झांह लेह ञेंहतु थल्जी ठीक ला तोह, छना कुचे प्रभु यीशु मसीहरिंङ केहतु विशवास लगातार बड़ेक्पी लेहकी तोह, दंङ इदि अई दिऊ थल्जी केहतु दाह ला महस बड़ेक्पी लेहकी तोह।

1 तीमुथियुस 2:4

दोई जुंज़ा कि, कि भत्ते मीहतु उद्धार शुहबी जूंस; दंङ दोरे सच्चाई बि रूठे रंङ सेहषी तरपोर।

1 तीमुथियुस 5:5

दुह रंणी अतु देखभाल लहज़ा अरिला माह, परमेश्वरो टोहकठे ए उम्मीद तहच़ा, दंङ रात-दिन बिनती ए प्रार्थना लहज़ा परमेश्वरो हखा एनोह थल्जी मदत पेट्रा।

2 तीमुथियुस 2:24

दंङ प्रभु दासबि झगड़ालू शुहबी माह जूंस, पर भत्तेतंङ साते मिलनसार ए सहनशील शुहबी जूंस। दुह परमेश्वरो बचन रूठेरंङ कंड्रा शुहबी जूंस।

तीतुस 2:11

परमेश्वरे भत्ते मीहतिंङ बचाएच़िमी थल्जी इच्च़ा अम बणाएच़िमी ज़रिया ज़ि एनोह मोह्ड़े दाह कंड्रिरी। अंऊ भत्ते मीहतु उद्धारो कारण तोत,

तीतुस 3:2

दोच़ी अरिया बदनाम लेह मेस; लड़ाई-झगड़ा लहज़ा शुहबी मेस, पर ऊई मीहतु थल्जी नम्र स्वभाव शुहबी जूंस, दंङ भत्ते मीहतंङ साते नम्रतारंङ साते बंङज़ी जूंशी तोह।

इब्रानियों 6:11

ञेंहच़ी माह जुंज़ातंई कि केरे सुस्त शुई। पर ञेंहच़ी जुंज़ातंई कि केहच़ी महस मेहनत लहज़ा तु ठ्रोह दाह ओ कम लहज़ी ज़ारी तंही, थल मुक्का तचेक धीरज़ ए विशवासा रंङ पक्‍का बणेंके बंङज़ेंई। दंङ पक्‍का उम्मीद तंही ताकि परमेश्वरो वाईदा बि खोक्शे तरपोंई।

याकूब 5:16

झांह लेह केरे केनातु बिचंङ इदि, अईदिऊ तुईज़ी केनातु-केनातु पाप मनेके च़रतुंई, दंङ इदि-अईदिऊ थल्जी प्रार्थना लंहि, अंऊ दिरंङ केरे आईन शुहचे योंई; धर्मी मीहू प्रार्थना सामर्थी शुहबी दंङ दोऊ अद्धभुत नतीज़ा खोकसी।