1 तीमुथियुस 1:7 - लाहौली बाइबिल

⁷ दोरे मूसा ओ कानून ञेंहच़ा ता बणेक्पि तातोर, पर हेलेरिंङ दोरे छल्ले माह ञेंहच़ातोर कि दोरे छि सिखाएच़िमी कोशिश लहज़ातोर, दंङ दोरे पक्‍का भरोसारंङ साते झांह कुट्रातोर।

1 तीमुथियुस 1:7 Iomraidhean Croise

मत्ती 15:14

दोतिंङ इबी रांई; दोरे हंञारो अम कंड्रारे शुहरे अगर इच्च़ा काणे अई काणे बि अम कंड्रीता झुल्ला दह्चे इबि।”

मत्ती 21:27

दंङ दोच़ी यीशुबि जुबाब रेंहई, ञेंहच़ी माञेंनी दोई ला दोतंङ कुहतो, “गेह ला केतिंङ मा कमोग कि गेह दिह कम अतु अधिकारंङ लहज़ातग।

लूको 2:46

दंङ षुमु ध्याड़ो थल दोच़ी यीशुबि यहुदी मंदिरो ल्वाड़िंङ शिक्षा रंड्रा दोतु बिचंङ रेड्री ए सवाल रुहक्ती तंङरिर।

प्रेरित 15:1

रेह यहुदी विशवासी मीहरे यहूदिया प्रदेशंङ च़ि अन्ताकिया शहरो हखा अतिरे दंङ ऊई विशवासी न्वारेतिंङ सिखाएच़ि लेहतिर कि; अगर मूसा ओ कानूनो हिसाबे केहतु खतना माह शुई सा ता केतिंङ उद्धार माह खोकसोतो।

रोमियो 1:22

दोरे एनाबि बुद्धिमान ञेंहच़ा मुर्ख बणेंके इलिर,

गलातियों 3:2

गेह केतंङ साते इच्च़ा सवाल लहच़ी तातग: छि केतिंङ पवित्र आत्मा मूसा ओ कानूनो भाषे लहज़ी रंङ साते खोकसते आ? माह! बिल्कुल ला माह! केतिंङ पवित्र आत्मा दिऊ थल्जी खोकसते छना कुचे केहच़ी दू रूठे खबरो टोहकठे विशवास लहज़ातंई अंऊ केहच़ी यीशु मसीहू पाहठी रेड्री तातंई।

गलातियों 3:5

परमेश्वर महस रंङ साते केतिंङ पवित्र आत्मा रंड्रा। दंङ केतिंङ चमत्कार ला लहज़ा, छि दि दिऊ पाहठी तोह कि केहच़ी मूसा ओ कानूनो भाषे लहज़ातंई, या दि दिऊ पाहठी तोह कि केहच़ी मसीहू रूठे खबर थाशातेंई दंङ दोऊ टोहकठे विशवास लहज़ातंई।

गलातियों 4:21

दंङ केरे, अंऊ मूसा ओ कानूनो अधीन शुहबी जुन्ज़ातंई! गिऊ गप्पा रेड्रुंई! गेह केतिंङ कमोग कि पवित्र शास्त्रा रिंङ, मूसा ओ कानूनो कताबा रिंङ छि च़ेहसी तोह।

1 तीमुथियुस 6:4

दंङ दुह घमण्डी शुह, दंङ छल्ले माह ञेंहच़ा; झांह ठ्रोह मीह बहसबाज़ी ए बेकारो गप्पारिंङ झगड़ा लहज़ी जुंज़ा, अतु नतीज़ा जलन, ए झगड़ा, निन्दा ओ गप्पा ए मदम शक लहज़ी,

2 तीमुथियुस 3:7

दोरे हमेशा शताह चीज़ारे सिखेक्सा तोर पर मसीह सच्चाई ओ शिक्षा अपेहल ला माह समझेक्तिर।

याकूब 3:1

हे गिऊ प्यारे साथी विशवासी रे, केहतु बिचंङ महस मीहरे कलीसिया रिंङ उपदेशक था बणेक्तुंई, छना कुचे केहच़ी ञेंच़ातंई, कि हेनर उपदेशको ऊई ला सख्ती रंङ साते न्याय शोतो।

2 पतरस 2:12

पर दिरे शिक्षक घ्वांणातु ठ्रोह कम लहज़ातोर, अंऊ छना लहज़ातोर छना दोतु फुके जुंज़ा दंङ अंऊ दिऊ थल्जी ज़ेहक्पातोर ताकि मीहरे दोतिंङ फसाके सच़ी तरपोर। दि शिक्षक दुह चीज़ा तु अपमान लहज़ातोर अतु पाहठी दोच़ी हेले रिंङ छल्ले माह ञेंहच़ातोर। परमेश्वर दोतिंङ ध्वांए नाश लेह च़रपोतो छना मीहरे जानवरा तिंङ सचे चरच़ातोर।