1 तीमुथियुस 1:3 - लाहौली बाइबिल

^3-4 हे तीमुथियुस छना कि केई ञेंच़ातन कि इफिसुस शहरा रिंङ रेह झांह ठ्रोह मीहरे तोतोर, अंऊ दोच़ी गलत शिक्षा रंड्रातोर। दोरे लगातार हप्सी कथा दंङ सेंहणा तु पाहठी सिखाएच़ातोर। अपेहल गेह इफिसुस शहरो दोरच़ी मकिदुनिया प्रदेशो हखा इबिमी तेयार तोईगा, दंङ गेह कनिंङ इफिसुसा रिंङ बंङज़िमी थल्जी कुहतग कि दोच़ी झांह ठ्रोह शिक्षा रंड्री माह जूंस। अपेहल दोरे झांह ठ्रोह गप्पा सिखाएच़ातोर, दंङ मीहरे दोतु पाहठी गप्पा लहज़ातोर। दिऊ नतीज़ा दि तोह कि कंड्रा दोरे दुह कम माह लहज़ातोर अंऊ परमेश्वरे दोतिंङ रांहषी तहरे, अपि दोच़ी सिर्फ परमेश्वरो टोईच़ी विशवास लहज़ी लेह तरपोतो। दू हप्सी अगुवातिंङ हुकुम रोंऊ कि दू हप्सी नियम कंड्री बन्द लोह अंऊ गलत तोह।

1 तीमुथियुस 1:3 Iomraidhean Croise

प्रेरित 18:19

अपेहल दोरे इफिसुस शहर रिंङ पिचे इलिर, दोहपल पोलुस यहुदी सभो घरबारंङ इलि दंङ यहुदी मीहतंङ साते बहस लहरी। दोच़ी दोबि दोर्तिंङ ए दोतंङ साते बंङज़िमी थल्जी महस कोशिश लहरिर, पर पोलुसे इन्कार लेह च़रति। दंङ कुई, “अगर परमेश्वरे दिए जुंज़ा, दंङ यह्च़ा अपोग।” दोहपल दोई अक्किला ए प्रिस्किल्ला बि इफिसुस शहर छोड़ेके च़रति, दंङ दोरे तुंखा इबिमी थल्जी इच्च़ा जहाज़ा रिंङ सवार शुचि इलिर।

रोमियो 15:26

छना कुचे मकिदुनिया ए अखाया प्रदेशो कलीसिया ओ मीहतिंङ दि रूठे चेहतिर, कि दोरे यरूशलेम शहरो मीहतिंङ अंऊ गरीब तोतोर, छा दान रमोर।

रोमियो 16:17

हेंतेग हे विशवासी न्वारे, गेह केतंङ साते बिनती लहज़ातग, कि केरे दुह मीहतंङ साते खबरदार ए शत्‌ह बंङज़ेंई, दंङ दू शिक्षा ओ खिलाप तोह, अंऊ केतिंङ खोकसी तोह, दंङ अंऊ ऊई मीहतु विशवास रिंङ कमज़ोर शुहबी ए झगड़ो वहज़ा शुहबी।

2 कुरिन्थियों 11:4

अगर अरिया केहतु कछंङ अंज़े ते, ऊई अरिया यीशु प्रचार लोहतो, अतु प्रचार ञेंहच़ी माह लोहनि या ऊई छा आत्मा केतिंङ खोकसिरी; अंऊ तुहई खोकसी माह तोहई; या ऊई छा रूठे खबर अतिंङ केहच़ी तुहई मनेक्च़ी तातंई, केरे दू शिक्षा ग्रहण लहज़िमी थल्जी गलत तोतोंई।

इफिसियों 4:14

हेंतेग बे हेंदिंङ कटुतु ठ्रोह व्यवहार लेह माह जूंस। झांह लेह हेंदिंङ अपेहल ला धोखेबाज़ मीहतु हप्सी शिक्षा रिंङ माह फसेफी जूंस, अंऊ हेले च़ेहसा। छना कुचे हेनर दू किशतीऊ ठ्रोह माह तोंई अतिंङ छ्वली देखा-नोखा लहज़ा दंङ लन्न ज़ि देखा-नोखा किरज़ी लहज़ा।

फिलिपियों 2:24

दंङ गिह्बी प्रभुरिंङ विशवास तोह कि गेह घेंङै ला युरनाह अपोग।

1 तीमुथियुस 4:11

केई दि गप्पो शिक्षा, हुकुम रंड्रा विशवासीतिंङ सिखाएच़ा लोहु।

1 तीमुथियुस 4:6

अगर कांह भत्ते विशवासीतिंङ लगातार दि हिद गप्पा सिखाएपोंई कि अतु गेह कनिंङ सिखाएकातग, दंङ कांह विशवासो खबरो दोरच़ी ए रूठे शिक्षाओ दोरच़ी पक्‍का लेह केहनि, अतिंङ केई मनेक्च़ातंई, दंङ कांह यीशु मसीहू इच्च़ा रूठे सेवक शुनाह।

1 तीमुथियुस 5:7

विशवासीतिंङ दि गप्पातु ला हुकुम रम्मा लंहि ताकि अच़िला दोतु टोईच़ी दोष लगाएच़ी माहरपोतो।

1 तीमुथियुस 6:10

छना कुचे ढबाहो लालच भत्ते पाहठी बुराई ओ जड़ शुह, रें मीहच़ी सूले-सूले मसीहू शिक्षाओ टोहकठे विशवास लहज़ी बंद लेह केहतोर, छना कुचे दोरे ढबाह बि महस जुन्ज़ातेर, दंङ दोरे महस पाहठी दुखी तोतोर, इच्च़ा झांह ठ्रोह मीह अच़ि एनाबि इच्च़ा हथियार तिरच़ी चरच़तो।

1 तीमुथियुस 6:17

दि संसारो साहुकारातिंङ हुकुम रांई कि दोरे घमण्डी थाशुंई दंङ एनोह ढबोह टोहकठे विशवास तंही अंऊ कि महस टेम तचेक माह बंङज़ोतो, पर परमेश्वरो टोईच़ी विशवास लोह, अंऊ हेंदु सुखो थल्जी भत्ते धिर महस रंड्रा।

1 तीमुथियुस 6:3

अगर अरिया हप्सी शिक्षा रंड्रा, दंङ हेंदु प्रभु यीशु मसीहू रूठे शिक्षा ए परमेश्वरो भक्ति रंङ सहमत माह शवाह।

2 तीमुथियुस 1:18

गेह प्रार्थना लहज़ातग कि न्यायो ध्याड़ारिंङ प्रभु उनेसिफुरूस ओ टोहकठे दया लोहतो। केहच़ी केनाच़ि रूठे रंङ ञेंच़ातंई कि दोई इफिसुस शहरारिंङ गिऊ अंयों मदत लहरी।

2 यूहन्ना 1:7

गेह दिह दिऊ थल्जी कुट्रतग छना कुचे महसे मीहरे अंऊ हप्सी शिक्षा रंड्रा ऊईतिंङ धोखा रंड्रातोर दोरे संसारारिंङ अच़ा अन्दोर। दोच़ी कुट्रातोर कि यीशु मसीह इच्च़ा मीहू रूपारिंङ दिह संसाररिंङ अंज़े मशत। अगर अरिया मीह झांह कुट्रा कि, दुह मीह मसीहू विरोधी शुह अंऊ हमेशा मीहतिंङ धोखा रंड्रा।

प्रकाशित वाक्य 2:14

पर गिह्बी कनु पाहठी छा शिकायत तोह: छना कुचे केई दुह मीहतु विरोध माह लहज़ातन अंऊ कांह कलीसिया रिंङ हप्सी शिक्षा रंड्रातोर, छना ठ्रोह भविष्यवक्ता बिलामे तुहई कि टेमा रिंङ रंदे। बिलामे रज्ज़ा बालाका बि सिखाएक्तो कि इस्राएलो मीहतिंङ पाप लहज़िमी थल्जी उकसाएच़िमी थल्जी छि लहज़ी जूंशी तोह। दोई दोतिंङ मुर्ति बि चढ़ाएसी बलि ज़ेई ए बुराई रंङ साते श्रींङमी कंङातो।

प्रकाशित वाक्य 2:20

पर गिह्बी कांह हखा दि शिकायत तोह। कि काह दुह मेच़िमी इज़ेबेल बि हप्सी शिक्षा फैलाच़ि रंड्रातन। दोई कुट्रा कि दुह इच्च़ा भविष्यवक्तिन शुह, पर एनोह शिक्षा ओ दोरच़ी दोई गिऊ मीहतिंङ कुकम रिंङ शामिल शुहबिमी थल्जी ए दंङ मुर्ति बि चढ़ाएसी बलि ज़ेइमी थल्जी भरमाएच़ा।