1 तीमुथियुस 1:2 - लाहौली बाइबिल

² गेह दि डाक तीमुथियुस बि चेहच़ा तोग अंऊ गिऊ थल्जी इच्च़ा योह ठ्रोह तोह छना कुचे केई ला मसीहू टोहकठे विशवास लहज़ातन छना गेह लहज़ातग। गेह प्रार्थना लहज़ातग कि बाह परमेश्वर ए हेंदु प्रभु यीशु मसीह कनिंङ मोह्ड़े दाह ए शांति रम्मा लोहतो।

1 तीमुथियुस 1:2 Iomraidhean Croise

रोमियो 1:7

गेह दि डाक रोम शहरो दुह भत्ते मीहतु थल्जी च़ेहसी लेहकी तोतोग, अंऊ परमेश्वरो प्यारे तोतोर, दंङ अतिंङ परमेश्वरे एनोह मीहरे शुहबिमी थल्जी अंङषी ततो; हेंदु बाह परमेश्वर ए प्रभु यीशु मसीहू दोरच़ी केतिंङ मोह्ड़े दाह ए शांति खोकसा लोहतो।

गलातियों 1:3

गेह प्रार्थना लहज़ातग कि हेंदु परमेश्वर बाह ए प्रभु यीशु मसीहू दोरच़ी केतिंङ मोह्ड़े दाह ए शांति खोकसा लोहतो।

1 थिस्सलुनीकियों 3:2

दंङ ञेंहच़ी तीमुथियुसबि केहतु कछंङ च़रतिन, अंऊ मसीहू रूठे खबरारिंङ ञेंहतु न्वा ए परमेश्वरो सेवक तोह। ताकि दोई केतिंङ विशवासरिंङ पक्‍का लोहतो, दंङ लगातार विशवास लहज़िमी थल्जी उत्साहित लोहतो।

1 तीमुथियुस 1:12

गेह घेंङौ प्रभु यीशु मसीहू धन्यवाद लहज़ातग, अच़ि गिह्बी बल रांहषी ततो, दंङ गिह्बी विशवासो जोगे चेहके एनोह सेवा ओ थल्जी अंङे चरच़तो।

1 तीमुथियुस 1:18

हे योह तीमुथियुस, दुह भविष्यवाणी तु हिसाबे अंऊ तुहई कनु पाहठी लहसी तोहई, गेह कनिंङ दि हुकुम रंड्रातग, ताकि काह रूठे खबरो सच्चाई ओ थल्जी रूठे रंङ लड़ाई लड़ेक्पिमी थल्जी दुह शब्दा तु इस्तेमाल इच्च़ा हथियारो ठ्रोह लोह।

1 तीमुथियुस 6:20

हे तीमुथियुस अंऊ कम परमेश्वरे कनिंङ रांहषी ततो दोतु रखवाली लोह। झांह ठ्रोह भक्तिमेह ए मुर्खता ओ गप्पा ए शिक्षा ओ दोरच़ी ऊईतार बंङज़ु अंऊ परमेश्वरो सच्चे शिक्षा ओ विरोध लहज़ातोर, अतिंङ दोच़ी गलत तरीका रंङ साते “शिक्षा” कुट्रातोर।

2 तीमुथियुस 1:2

गेह दि डाक तीमुथियुस बि चेहच़ातग, अंऊ गिऊ थल्जी इच्च़ा योह ठ्रोह तोह। गेह प्रार्थना लहज़ातग कि बाह परमेश्वराबि ए हेंदु प्रभु यीशु मसीह कनिंङ मोह्ड़े दाह कृपा ए शांति रम्मा लोहतो।

2 तीमुथियुस 2:1

झांह लेह हे गिऊ योह तीमुथियुस, कांह दुह मोह्ड़े दाह रंङ साते अंऊ यीशु मसीह रंड्रा, बलबंत शुहचे ईल,

तीतुस 1:4

गेह दि डाक तीतुस बि चेहच़ातग। अंऊ गिऊ थल्जी इच्च़ा योह ठ्रोह तोह छना कुचे कांह ला मसीहू टोहकठे विशवास लहज़ा छना गेह लहज़ातग गेह प्रार्थना लहज़ातग कि बाह परमेश्वर ए हेंदु उद्धार लहज़ा प्रभु यीशु मसीह केतिंङ मोह्ड़े दाह ए शांति रम्मा लोहतो।

तीतुस 2:2

कलीसिया ओ सेंहणा बि एनोह टोहकठे काबू लहच़ी जूंशी तोह, दंङ झांह ठ्रोह व्यवहार लेह जूंशी तोह ताकि मीहच़ी दोऊ आदर लोहर, दंङ समझदार शुहबी जूंस। दोतिंङ परमेश्वरो टोहकठे पक्‍का रंङ विशवास लेह जूंशी तोह, दंङ ऊई मीहतंङ साते सच्चाई रंङ साते दाह लेह जूंशी तोह दंङ सहन लहज़ार शुहबी जूंस।

तीतुस 3:15

गेरंङ साते देर भत्ते विशवासी ज़ि कनिंङ नमस्कार लहज़ातोर। दोर क्रेते टापू रिंङ हेंदु साथी विशवासी तिंङ अंऊ हेंदंङ साते दाह तहचातोरे, दोतिंङ ला गिऊ तरफे नमस्कार लोह। गेह प्रार्थना लहज़ातग कि प्रभु केहतु भत्ते तु टोईच़ी मोह्ड़े दाह लोहतो।

1 पतरस 1:2

बाह परमेश्वरे महसे तुहई केतिंङ एनोह मीहरे शुहबी थल्जी ए पवित्र आत्मा कमो दोरच़ी केतिंङ पवित्र शुहबिमी थल्जी अंङे चरच़तो। दोई दि दिऊ थल्जी लहरी ताकि केरे यीशु मसीहू हुकुमो भाषे लोहनि दंङ दोऊ शुहई दोरच़ी शुद्ध शुहचे तरपोंई। गेह प्रार्थना लहज़ातग कि परमेश्वर केतिंङ मोह्ड़े दाह ए भरपूर शांति रमतो।

2 यूहन्ना 1:3

परमेश्वर बाह, ए दोऊ योह यीशु मसीहू दोरच़ी मोह्ड़े दाह, ए शांति हेंदंङ साते सच्चाई ए दाह रंङ साते बणेंके बंङज़ोतो।

3 यूहन्ना 1:4

अपेहल लाह गेह दिह रेड्रा तोग कि दोरे मीहरे अंऊ गिऊ कटुतु ठ्रोह तोतोर दोरे दुह ए तरीका रंङ साते श्रींङमी लेहकी तोतोर, अंऊ सच्चा परमेश्वरे हेंदिंङ कांहषी ततो, दंङ झांह लेह गिह्बी दिबे लाह महस खुशी खोकसा।

यहूदा 1:2

गेह प्रार्थना लहज़ातग कि परमेश्वर केतिंङ दया, शांति ए दाह महसे रंङ खोकसा लोहतो।