1 तीमुथियुस 1:19 - लाहौली बाइबिल

¹⁹ दंङ कनिंङ यीशु मसीहू टोहकठे विशवासरिंङ बणेंके बंङज़ी जूंशी तोह दंङ केई दुह ए लोह अंऊ केई ञेंहच़ातन कि दुह ठीक तोह, रें मीहच़ी दिऊ टोहकठे ध्यान माह रैंइर, अतु नतीज़ा दि शुई कि दोच़ी मसीहू टोहकठे विशवास लहज़िमी थल्जी एनोह समझ योह्च़े चरच़ातोर, ठीक ध्वांए छना इच्च़ा समुंद्री जहाज़ चट्टानारिङ टकरेसिमी थल नाश शुचे इबि।

1 तीमुथियुस 1:19 Iomraidhean Croise

मत्ती 6:27

छि अच़िया चिंद लेह एनोह उम्र इच्च़ा घड़ी ला बड़ाएच़ी तरपोर?

1 कुरिन्थियों 11:19

वोई, दि हेले तोह कि केहतु बिचंङ बंटवारा शुहबी ज़रूरी तोह। कि दोरे, अंऊ परमेश्वरो दोरच़ी अंङषी तोतोर, छंङीरिंङ अच़ा अपोर।

गलातियों 5:4

केरे ता मूसा ओ कानूनो भाषे लहज़ा दोरच़ी धर्मी साबित शुहबी जुन्ज़ातंई, दंङ केरे मसीहू दोरच़ी केनातु नाता ब्याड़ा लेह चरच़ातंई दंङ परमेश्वरो मोह्ड़े दाह बि योह्च़े चरच़ातंई।

1 तीमुथियुस 1:5

दि हुकुम रंड्रीमी गिऊ दि मकसद तोह कि केरे इदि अई दिरंङ साते संङा सेहम ए निर्दोष अंतरआत्मा दंङ निष्कपट विशवासारंङ साते दाह लंहि।

1 तीमुथियुस 3:9

पर दोऊ समझ साफ शुहबी जूंस, छना दोरे लगातार दुह सच्चाई ऊ शिक्षा ओ टोहकठे विशवास लहज़ातोर, अंऊ परमेश्वरे प्रगट लहसी ततो।

1 तीमुथियुस 6:12

छना इच्च़ा रूठे सेनिक लड़ाई रि अपेहल ला हार माह मनेक्च़ा, ध्वांए कनिंङ ला, परमेश्वरो टोहकठे विशवास लहज़ी ए दोऊ हुकुम मनेक्च़ी अपेहल ला ब्याड़ा लहज़ी माह जूंस ताकि कांह ईनामो रूपारिंङ दुह अनंत जीवन खोकपोन, अतु थल्जी परमेश्वरे कांह बुलासी तोतोन, दंङ अपेहल केई महस मीहतु तुईज़ी साफ-साफ कुहतेन कि कांह मसीहू टोहकठे विशवास लहज़ातन।

1 तीमुथियुस 6:21

रें मीहच़ी दि हप्सी शिक्षा बि ग्रहण लेह केहतोर, दंङ झांह लेह, दोच़ी हेले शिक्षा ओ टोहकठे विशवास लेह छोड़ेके केहतोर। गेह प्रार्थना लहज़ातग कि परमेश्वरो मोह्ड़े दाह केतंङ साते बणेंके बंङज़ोतो।

1 तीमुथियुस 6:9

पर अंऊ साहुकार शुहबी जुन्ज़ातोर, दोरे भत्ते पाहठी पाप लहज़िमी थल्जी युरनाह धोखा रंड्रातोर दंङ इच्च़ा जानवरो ठ्रोह फंदारिंङ फसेके यवातोर दोरे दुह कम लहच़ी जुन्ज़ातोर अंऊ दोतु थल्जी मुर्ख ए खतरनाक तोह दंङ दि हिटी दोतिंङ बरबाद लेह केट्रा दंङ पूरी तरह नाश लेह केट्रा।

2 तीमुथियुस 2:18

अच़ि सच्चाई रिंङ विशवास लहज़ी छोड़ेके केहतोर दोच़ी कुट्रातोर कि परमेश्वर तुहई ए विशवासी तिंङ अनंत जीवनो थल्जी श्रींङमी लहज़ी केहतो। अतु नतीज़ा दि तोह कि रें विशवासीतिंङ मसीहू टोहकठे विशवास लहज़िमी रंङ साते रोकेक्च़ातोर।

2 तीमुथियुस 4:4

दोरे परमेश्वरो हेले बचन माह रेड्रोर पर बनावटी कथा रे रेड्रोर।

तीतुस 1:9

दोबि यीशु मसीहू विशवासो जोगे खबरो टोहकठे पक्‍का रंङ विशवास लेह जूंशी तोह अंऊ हेंज़ी सिखाएसी तातंई ताकि दुह ऊईतिंङ हेले ऊ शिक्षा मनेक्च़िमी थल्जी उत्साहित लेह तरपोतो दंङ दोतु गलती माफ लेह तरपोतो।

इब्रानियों 3:14

अगर हेनर हेंदु तुहई कि विशवासा बि थल मुक्का तचेक पक्‍का बणाके तोहनि, दंङ हेनर मसीहू सहभागी शुहचे योंई।

1 यूहन्ना 2:19

दोरे मीहरे अंऊ मसीहू विरोध लहज़ा तेर ञेंहतु ए झुंडो बिचंङ ज़ि हुंच़ा इलोर, छना कुचे दोरे हेंदु माह शुहरे। अगर दोरे हेंदु शुंईयां ता हेंदंङ साते बंङज़ा तोहई, पर दोरे अच़ा इलिर, झांह लेह पता लेहती, दोतु बिचंङ ज़ि अरिला हेंदु माह तोईरे।

प्रकाशित वाक्य 3:10

केई गिऊ खबरो भाषे लहज़ातन ताकि अपेहल केई दुख उठाएपोन दंङ दुह धीरज़ा रंङ साते सहन लेह तरपोन। झांह लेह, गेह मोह्ड़े परीक्षा ओ मुक्का कांह रक्षा लेह तरपोग। परीक्षा ओ दि मुक्का दि संसारो भत्ते मीहतु टोईच़ी अपतो।

प्रकाशित वाक्य 3:3

दुह शिक्षा बि हिद लोह अंऊ केई महस तुहई रेड्री तातन दंङ विशवास लाहतेन। छि कनिंङ सिखासी तोह दोऊ हिद लोह, केनोह बेपरवाही दोरच़ी पश्चाताप लोह। अगर काह बेपरवाही लहज़ी जारी तहज़ातन दंङ गेह अचानक अपोग, छना इच्च़ा चोर अपा, दंङ केई दुह टेम ला माह ञेंहच़ातन अपेहल गेह कनिंङ सज़ा रंड्रीमी थल्जी अपोग।

प्रकाशित वाक्य 3:8

गेह ञेंच़ातग कि केई छि लहज़ातन, केई छना ठ्रोह मेहनत लहज़ातन दंङ अपेहल ला हार माह मनेक्च़ातंई, रेड्रुं गेह दि ला ञेंच़ातग कि कनिंङ थोड़े अरे हिम्मत तोह, पर तांला केई गिऊ कुहषी गप्पो टोईच़ी विशवास लहज़ातन दंङ केई दि गप्पो दोरच़ी इंकार माह लहन कि केई गिऊ टोईच़ी विशवास लहज़ातन। दिऊ थल्जी गेह केहतु तुईज़ी इच्च़ा तोंखा इबिमी पेतंङ अल्ज़े केहतग, अपि अच़िला बंद लेह मारपोतो।