1 तीमुथियुस 1:15 - लाहौली बाइबिल

¹⁵ दि गप्पा हेले ए दंङ भत्ते पाहठी मनेक्च़िमी जोगे तोह, कि मसीह यीशु हेनर पापी तु उद्धार लहज़िमी थल्जी संसारारंङ अंज़े शुह, अंऊ दोतु बिचंङ भत्ते वे मोह्ड़े पापी गेह शुगाह।

1 तीमुथियुस 1:15 Iomraidhean Croise

मत्ती 1:21

दोई योह जेह्फोतो दंङ केई दोऊ मिन यीशु केऊ, छना कुचे दोई एनोह मीहतु दोतु पापो दोरच़ी बचाएपोतो।

मत्ती 18:10

खांई, केहच़ी दिहरे क्वाच़ी तु बिचंङ अतिंङ ला क्वाच़ी थचेहतुंई; छना कुचे गेह केतंङ कुट्रातग कि सर्गंङ दोतु दूतारे हमेशा गिऊ सर्गो बाहरंङ साते बंङज़ातोर।

मत्ती 18:11

छना कुचे गेह मीहू योह योंहंषा दोतिंङ पेट्री अंज़े शुगाह।

मत्ती 20:28

छना कि गेह मीहू योह; दिऊ थल्जी अंज़े मशुह कि गिऊ सेवा टहल शुहबी जूंस, पर दिऊ थल्जी अंज़े शुह कि सेवा टहल लोहग, दंङ महसतिङ बचाएच़िमी थल्जी घेंङौ जान रमोग।”

मत्ती 9:13

दिऊ थल्जी केहरे ईलांई दंङ दिऊ मतलब सिखेकतुंई, ‘कि गेह बलिदान माह पर दाह जुंज़ातग’ गेह दुह मीहतिंङ बुलाच़ि अंज़े माह शुगाह अच़ि एनाबि धर्मी चेहच़ातोर, दंङ दोतिंङ बुलाच़ी अंज़े शुगाह अच़ि एनाबि पापी चेहच़ातोर।”

मरकुसो 2:17

यीशुज़ि दी रेड्रा दोतंङ साते कुतोह, “ठीक मीह बि वेदो ज़रूरत मशुहबी, टेची मीहबी शुहबी। गेह दुह मीहतिंङ बुलाच़ि अंज़े माहशुहगा अच़ि एनाबि धर्मी चेहच़ातोर, दंङ दोतिंङ बुलाच़ी अंज़े शुगाह अच़ि एनाबि पापी चेहच़ातोर।”

लूको 15:2

पर फरीसी मीहरे ए यहुदी शास्त्रीरे एनातु बिचंङ दोऊ पाहठी गप्पा लहज़ी लेहतिर कि, “दिह ताह पापी मीहतंङ साते दोहआ दंङ दोतंङ साते बगत ला ज़ोआ।”

लूको 19:10

छना कुचे गेह मीहू योह योंहंषा मीहतिंङ अनंत सज़ाओ दोरच़ी बचाएक्च़िमी थल्जी ए दोतु उद्धार लहच़िमी थल्जी अंज़े शुगाह”

लूको 5:32

गेह दुह मीहतिंङ बुलाच़ि अंज़े माहशुहगा अच़ि एनाबि धर्मी चेहच़ातोर, दंङ दोतिंङ बुलाच़ी अंज़े शुगाह अच़ि एनाबि पापी चेहच़ातोर।”

यहून्नो 1:12

पर अच़िला दुह अपनाएक्तोर, दोई दोतिंङ परमेश्वरो कटुरे शुहबिमी अधिकार रेंई, या दोरे अच़ि दोऊ टोहकठे विशवास लहज़ातोर।

यहून्नो 1:29

“दोऊ ओइरग दोई यीशु बि एनोह हखा अपि तंङाते कुहतो, खंणु, दी परमेश्वरो कुर्च़ा शुह, अच़ि संसारो पापो उठा के शिली!

यहून्नो 12:47

अगर अच़िया गिऊ गप्पा रेड्राते माह मनेक्च़ा, ता गेह दोबि दोषी माह ठेहराएपोग, छना कुचे गेह संसारो मीहतिंङ दोषी ठेहराएच़ी अंज़े माह शुगाह पर संसारो मीहतिंङ बचाएच़िमी थल्जी अंज़े शुगाह।

यहून्नो 3:36

अच़ि परमेश्वरो योहू टोहकठे विशवास लहज़ा, अनंत जीवन दोऊ शुह; पर अच़ि योहू टोहकठे विशवास माह लहज़ा, दोबि अनंत जीवन माह खोकसोतो, पर परमेश्वरो सज़ा दोऊ टोहकठे शोतो।

प्रेरित 11:1

चेलाज़ि ए बिशवासी न्वारे ज़ि अंऊ यहुदिया प्रदेशंङ तोईरे रेड्रिर, कि ऊईजाति ज़ि ला परमेश्वरो बचन ग्रहण लहरिर।

प्रेरित 11:18

दिह रेड्रा दोरे यहुदी बिशवासीर चुपे बंङज़िरी, दंङ परमेश्वरो तारीफ लहज़ा कुट्री लेहतिर, “दंङ ता परमेश्वरे ऊईजाति ऊ मीहतिंङ ला अनंत जीवनो थल्जी एनोह पापो दोरच़ी सेहम किरज़िमी ए यीशु मसीहू टोहकठे बिशवास लहज़िमी दान रांहषी ततो।”

प्रेरित 3:26

अपेहल परमेश्वरे एनोह सेवक यीशु बि सिए दोरच़ी श्रींङे लेह दोई दोबि भत्ते बे तुहई केरे इस्राएलो मीहतु कछंङ च़रति। कि केहतु बिचंङ च़ि हर इच्च़ा पापो जीवनो दोरच़ी परमेश्वरो हखा अपिमी मदत लोहतो।”

रोमियो 11:14

ताकि अंऊ रीतिरंङ साते गेह घेंङौ जातितु बिचंङ जलन पैदा लोहवा दोतु बिचंङ महसे तु उद्धार लोहग।

रोमियो 5:6

छना कुचे अपेहल हेनर कमज़ोर ए तोहनी, दंङ परमेश्वरो ठहरासी टेमा रिंङ मसीह हेनर मदम मीहतु थल्जी सिए इलि।

1 कुरिन्थियों 15:9

छना कुचे गेह प्रेरिता तु बिचंङ भत्ते बे कम खास शुगाह, हेले कोहग ता गेह प्रेरित कुट्रीमी जोगे ला माह शुगाह, छना कुचे गेह परमेश्वरो टोईच़ी विशवास लहज़ा मीहतिंङ तंग लहज़ातेग।

इफिसियों 3:8

गेह परमेश्वरो भत्ते मीहतु बिचंङ कवचि शुगाह, पर परमेश्वरो मोह्ड़े दाह गिऊ टोहकठे शुई, कि गेह ऊईजाति मीहतिंङ मसीहू महसे आशीषो पाहठी रूठे खबर सुनाएपोग। दि आशीष अंऊ मसीहू दोरच़ी खोकसा, दुह मीहतु समझ बे धकते तोह।

1 तीमुथियुस 1:13

गेह विशवासी बणेक्पिमी तुहई, मसीहू पाहठी मदम कुट्रा ए विशवासीतिंङ तंग लहज़ा ठ्रोह ए झखंजी मीह तोहई, तांला परमेश्वरे गिऊ टोहकठे दाह लहरी छना कुचे गेह अयता तचेक मसीहू टोहकठे विशवास माह लहज़ातेग दंङ झांह लेह गेह समझेके मरतिगा कि छि गेह लहच़ी लेहकी तोईग दुह गलत शुह।

1 तीमुथियुस 1:19

दंङ कनिंङ यीशु मसीहू टोहकठे विशवासरिंङ बणेंके बंङज़ी जूंशी तोह दंङ केई दुह ए लोह अंऊ केई ञेंहच़ातन कि दुह ठीक तोह, रें मीहच़ी दिऊ टोहकठे ध्यान माह रैंइर, अतु नतीज़ा दि शुई कि दोच़ी मसीहू टोहकठे विशवास लहज़िमी थल्जी एनोह समझ योह्च़े चरच़ातोर, ठीक ध्वांए छना इच्च़ा समुंद्री जहाज़ चट्टानारिङ टकरेसिमी थल नाश शुचे इबि।

1 तीमुथियुस 3:1

दि गप्पा हेले तोह कि अगर अरिया कलीसिया ओ सेंहणा शुहबी जुंज़ा ता दोई रूठे कम लहच़िमी हिटी तहज़ा।

1 तीमुथियुस 4:9

दंङ दि गप्पा हेले ए हर पाहठी रंङ मनेकच़िमी जोगे तोह।

1 तीमुथियुस 6:13

परमेश्वरो तुईज़ी अंऊ भत्ते तिंङ ज़िंदगी रंड्रा, दंङ यीशु मसीह अंऊ पुन्तियुस पिलातुस ओ तुईज़ी एनोह पाहठी हेले कुहते, दोकु झुल्लो हाज़िरी रिंङ, गेह केतिंङ दि हुकुम रंड्रातग।

2 तीमुथियुस 2:11

दि गप्पा कि अगर ञेंरे मसीह रंङ साते सिए इलजी तोतोंई दंङ दोरंङ साते श्रींङमोंई ला।

तीतुस 3:8

दि गप्पा हेले तोह, अंऊ गेह हेंतेग-हेंतेग कंङातेग दंङ गेह जुंज़ातग कि कांह विशवासी तिंङ दि गप्पातु पाहठी पक्‍का रंङ साते सिखातु। झांह लेह कि अच़ि परमेश्वरो टोहकठे विशवास लहरिर, दोरे रूठे कमो थल्जी एनोह टेम रंड्रीमी थल्जी ध्यान रांई दि भत्ते तु थल्जी दि गप्पा रूठे ए फायदेमंद तोह।

इब्रानियों 7:25

दिऊ थल्जी अंऊ यीशु मसीहू दोरच़ी परमेश्वरो कछंङ अपातोर, दू दोतु पूरा-पूरा उद्धार लेह तरपोतो, छना कुचे दू दोतु थल्जी बिनती लहज़िमी हमेशा श्रींङे तोह।

1 यूहन्ना 3:5

दंङ केहच़ी ञेंच़ातंई, कि यीशु मसीह दिऊ थल्जी अंज़े शुह, कि पाप बि योह्च़े च़रपोतो; कि दोरिंङ छिल्ला पाप माह।

1 यूहन्ना 3:8

अच़ि लाह लगातार पाप लहज़ी लेहकी शवात, दुह शेतानो दोरच़ी शुह, छना कुचे शेतान शुरूआत बे पाप लहज़ा अंज़े तोह, परमेश्वरो योह झांह लेह अंज़े शुह कि शेतानो कमो नाश लोहतो।

1 यूहन्ना 5:11

दंङ दुह गवाही दि तोह, कि परमेश्वरे हेन्दिंङ अनंत जीवन रांहषी ततो दंङ दि परमेश्वरो योह दोरच़ी ए तोह कि हेन्दिंङ अनंत जीवन खोकसिरी।

प्रकाशित वाक्य 21:5

दंङ अंऊ सिंहासनो टोईच़ी बंङज़ा तोहई, दोई कुई, “गेह भत्तेधिर खरकोई लेह केहऊगा।” दंङ यह्च़ा दोई कुई, “चेहई च़रतु, छना कुचे छि गेह कुट्रातग केई दोऊ टोईच़ी विशवास लेह तरपोन, दि गप्पारे ज़रूर पूरा शोर।”

प्रकाशित वाक्य 22:6

दोहथल स्वर्गदूते गिऊ हखा कुई, “दि भत्ते गप्पा अंऊ कनिंङ कांहषी तोह, हेले शुह दंङ भत्ते पाहठी विशवासो जोगे तोह। छना कुचे प्रभु परमेश्वर अच़ि भविष्यवक्ता तु निर्देशनो थल्जी एनोह आत्मा दोतिंङ रें च़रति, दुह ए तोह अच़ि गिह्बी, अंऊ कि दोऊ स्वर्गदूत शुगाह, कनिंङ दि कंड्रिमी थल्जी चरच़तो अंऊ युरनाह पूरे शोतो।”

प्रकाशित वाक्य 5:9

दंङ दोरे दि खरकोई गीत कुट्री लेहतिर, “कांह दि कताब मुहर थक्च़िमी ए दिबी युप्च़िमी जोगे तोतोन; छना कुचे कनिंङ बलिदान लहसी शुह। कनु शुहई अंऊ बहाएक्सी तोहई, मीहतिंङ छुड़ाके च़रति ताकि दोरे परमेश्वरो मीहरे बणेंके योर। दिरे मीहरे भत्ते गोत्र, भत्ते भाषा, भत्ते ठहरि ए भत्ते राज्यो दोरच़ी तोतोर।”