1 तीमुथियुस 1:13 - लाहौली बाइबिल

¹³ गेह विशवासी बणेक्पिमी तुहई, मसीहू पाहठी मदम कुट्रा ए विशवासीतिंङ तंग लहज़ा ठ्रोह ए झखंजी मीह तोहई, तांला परमेश्वरे गिऊ टोहकठे दाह लहरी छना कुचे गेह अयता तचेक मसीहू टोहकठे विशवास माह लहज़ातेग दंङ झांह लेह गेह समझेके मरतिगा कि छि गेह लहच़ी लेहकी तोईग दुह गलत शुह।

1 तीमुथियुस 1:13 Iomraidhean Croise

लूको 12:47

दुह परगर खरे सज़ा खोकसोतो छना कुचे अपेहल दुह एनोह मालिको हिटीऊ पाहठी पता तोहई तांला दोई दोऊ हिटी पुरा माह लेहती।

लूको 23:34

दंङ यीशु ज़ि कुहतो, “हे बाह, दितिंङ माफ लेह च़रतु, छना कुचे दोच़ी माह ञेंहच़ातोर छि लाहतोर।” दंङ दोच़ी चिट्ठी केट्रे दोऊ खमज़ेर एनातु बिचंङ फाए च़रतिर।

प्रेरित 22:4

गेह गंङमी ए मेच़िमी तिंङ छ़ुहचे, दंङ जेला रिंङ केहच़ी, मसीह दलाबि देर तचेक तंग लहरिगा, कि दोतिंङ सच़ी लेह केईगा।

प्रेरित 3:17

“दंङ हेंज़रे, गिह्बी पता तोह कि केहच़ी ए ञेंहतु यहुदी सेंहणा ज़ि यीशु बि बिना सोचेके समझेके सच़ी च़रतिन छना कुचे केतिंङ पता माह तोहई कि दुह मसीह शुह।

प्रेरित 8:3

पर शाऊल कलीसियाओ मीहतिंङ परेशान लहज़ी लेहकी तोहई; दंङ हर इच्च़ा ओ चुंङ इलज़ा-इलज़ा बिशवासी मीह तिंङ च़ुमने जेलंङ केट्री चरच़ाते।

प्रेरित 9:1

दिह ए मुक्का रिंङ शाऊल अंऊ हेंतेग तचेक प्रभु यीशु ऊ चेला तिंङ धमकाएच़ी ए दोती सच़िमी साकिम रिंङ तोहई, यहुदी महापुरोहितो कछंङ इलि।

प्रेरित 9:13

हनन्याह ज़ि जुबाब रेंई, हे प्रभु यीशु, गेह दिह मीहू पाहठी महसे तु आहच़ि रेड्री तातेग कि दिह यरूशलेम शहरंङ कांह कनु मीहतंङ साते अंयों मदम लहसी ततो।

प्रेरित 9:5

“शाऊल ए रुहक्ती, हे प्रभु, काह अरि‍ शुना?” दोई कुई, गेह यीशु शुगाह; अपि केई तंग लहज़ातन।

1 कुरिन्थियों 15:9

छना कुचे गेह प्रेरिता तु बिचंङ भत्ते बे कम खास शुगाह, हेले कोहग ता गेह प्रेरित कुट्रीमी जोगे ला माह शुगाह, छना कुचे गेह परमेश्वरो टोईच़ी विशवास लहज़ा मीहतिंङ तंग लहज़ातेग।

1 कुरिन्थियों 7:25

कुंवारे ए ब्याह माह लहसी तु पाहठी प्रभु छल्ले हुकुम गिह्बी माह खोकसिरी, पर परमेश्वरे एनोह दया जोगे गिह्बी ज्ञान रांहषी ततो अतु टोईच़ी विशवास लेह तरपोंई दंङ गेह दोऊ हिसाबे घेंङौ सलाह रें तरपोग।

गलातियों 1:13

न्वारे केहच़ी ञेंहच़ातंई कि अपेहल गेह यहुदी धर्मो भाषे ए लहज़ातेग, दंङ छना श्रींङमातेग। गिऊ महसे साथी अंऊ गिऊ उम्रो तोईरे, पर गेह दुह भत्ते बे तुंखा तोईगा। छना कुचे गेह घेंङौ बाह-मेमेतु रिति रिवाज़ो भत्ते सेहमे भाषे लहज़ातग। दू टेमारिंङ यीशु थलेच़ि ज़ोज़ा दोरे अंऊ परमेश्वरो अराधना लहज़ातेर, सताच़िमी थल्जी हुंच़ा तोहई, गेह दू भत्ते तिंङ नाश लहज़िमी कोशिश लहरी। पर दोहपल परमेश्वरे फेंसला लहरी कि एनोह योह बि गिऊ टोईच़ी प्रगट लोहतो, ताकि गेह ऊईजाति मीहतु बिचंङ यीशु पाहठी प्रचार लेह तरपोग। परमेश्वरे ए तोह अच़ि गिह्बी जेह्कपिमी तुहई अंङे चरच़ाते, दंङ एनोह मोह्ड़े दाह ओ दोरच़ी दोई गिह्बी एनोह सेवाओ थल्जी बुलाके चरच़तो, अपेहल यीशु ज़ि एनाबि गिऊ टोहकठे प्रगट लहरी, दंङ दू मुक्का गेह सलाह लेहप्च़िमी थल्जी अतु कछंङ ला मेलिगा।

फिलिपियों 3:6

खुशीऊ पाहठी गेह कोग ता कलीसियाबि सताएच़ा दुह; दंङ यहुदी कानून मनेक्च़ा तु, इच्च़ा धर्मी मीह तोहई, छना कुचे गेह दोऊ भत्ते पालन लाहतेर।

1 तीमुथियुस 1:16

पर यीशु मसीह ज़ि गिऊ टोहकठे दाह लहरी, दंङ गेह भत्ते बे मोह्ड़े पापी बि माफ लहच़ी दि कंड्री ततो कि दुह अंयों सहनशील तोह दि, दुह मीहतु थल्जी इच्च़ा नमूना शोतो अंऊ दोऊ टोहकठे विशवास थले लोहर दंङ अनंत जीवन खोकपोरे।

इब्रानियों 4:16

झांह लेह अतंई, हेनर मोह्ड़े याहबारंङ साते परमेश्वरो कछंङ अपोंई, अंऊ मोह्ड़े दाह रंङ साते पिंङषा तोह, दोहपल परमेश्वर हेंदिंङ दया ए मोह्ड़े दाह कंबोतो, दंङ अपेहल हेंदिंङ ज़रूरत शोतो दोहपल हेंदु मदत लोहतो।

1 पतरस 2:10

भविष्यवक्ता होशे ज़ि केहतु पाहठी छि च़ेहसी तोह दुह केहतु पाहठी हेले तोह तुहई केरे परमेश्वरो मीहरे माह तोईनी, पर हेंतेग केरे परमेश्वरो मीह शुई। तुहई केरे परमेश्वरो दया माह सेहच़ाते पर हेंतेग केहच़ी दि ञेंच़ातंई छना कुचे दोई तुहई बेहच़ी केहतु टोईच़ी एनोह दया कांहषी ततो।