1 तीमुथियुस 1:10 - लाहौली बाइबिल

¹⁰ दंङ कुकम लहज़ा ए समलैंगिक, दंङ दुह मीहरे अंऊ मीहतिंङ रैंज़ा दोतिंङ गुलाम बणाके लंङे चरच़ातोर, दंङ हप्सी कुट्रा मीहरे, दंङ हप्सी कसम लहज़ा, दंङ दुह भत्ते तु थल्जी शुह, अंऊ सच्चा शिक्षाओ खिलाप तोतोर।

1 तीमुथियुस 1:10 Iomraidhean Croise

यहून्नो 8:44

केहरे केनातु बाह शेतानो दोरच़ी शुईं, दंङ केनातु बाहो हिटी लेह तातंई। दुह त तुहई बे हत्त्यारा शुह दंङ सच्चाई टोहकठे चसा मरति, छना कुचे सच्चाई दोऊ अन्द्रेग माह; अपेहल दोई हप्सी कुट्रा ता एनोह चाल चलनो हिसाबे कुट्रा; छना कुचे दुह हप्साड़ शुह दंङ हप्सिऊ बाह शुह।

रोमियो 1:26

झांह लेह परमेश्वरे दोतिंङ दोतु नीच कामनाओं वश रिंङ छोड़ेके केहरी; देर तचेक कि दोतु मेच़िमी लाह रूठे रंङ साते अंऊ स्वभावो खिलाप तोद बदलेके कहरी।

1 तीमुथियुस 4:6

अगर कांह भत्ते विशवासीतिंङ लगातार दि हिद गप्पा सिखाएपोंई कि अतु गेह कनिंङ सिखाएकातग, दंङ कांह विशवासो खबरो दोरच़ी ए रूठे शिक्षाओ दोरच़ी पक्‍का लेह केहनि, अतिंङ केई मनेक्च़ातंई, दंङ कांह यीशु मसीहू इच्च़ा रूठे सेवक शुनाह।

1 तीमुथियुस 6:3

अगर अरिया हप्सी शिक्षा रंड्रा, दंङ हेंदु प्रभु यीशु मसीहू रूठे शिक्षा ए परमेश्वरो भक्ति रंङ सहमत माह शवाह।

2 तीमुथियुस 1:13

अंऊ सच्चाई ओ शिक्षा केई गिऊ दोरच़ी खोकशातन, दोबि दुह विशवास ए दाह रिंङ, अंऊ यीशु मसीह रिंङ बसेके तोह, केनोह नमूना बणेंके तोह।

2 तीमुथियुस 4:3

छना कुचे झांह ठ्रोह ध्याड़ा अपतो, कि मीहरे सच्ची शिक्षा माह रेड्रोर, पर दोरे एनोह हिटी ओ हिसाबे जोज़ातोर दंङ दोरे महसे शिक्षा रंड्रातिंङ पेट्रोर अंऊ दोच़ी दुह ए कोहर अंऊ दि मीहच़ी रेड्री जुंज़ातोर।

तीतुस 1:13

दि मीहतु पाहठी दि गप्पा हेंतेग ला हेले तोह। झांह लेह दोतिंङ पक्‍का खबरदार लोहवा लोह, कि दोरे विशवासरिंङ पक्‍का शुहबी जूंस।

तीतुस 1:9

दोबि यीशु मसीहू विशवासो जोगे खबरो टोहकठे पक्‍का रंङ विशवास लेह जूंशी तोह अंऊ हेंज़ी सिखाएसी तातंई ताकि दुह ऊईतिंङ हेले ऊ शिक्षा मनेक्च़िमी थल्जी उत्साहित लेह तरपोतो दंङ दोतु गलती माफ लेह तरपोतो।

इब्रानियों 13:4

ब्याह भत्ते मीहच़ी आदरो गप्पा समझेक्सी जूंस, दंङ दि नातारिंङ मेच़ा-गगसा इदि-अई दिऊ थल्जी वफादार शुहबी जूंस। छना कुचे परमेश्वर, कुकम लहज़ा, ए ऊई मेच़िमी तंङ नाज़ायज़ नाता तहज़ा दोतु न्याय लोहतो।

यहूदा 1:7

दि इस्राएली मीहरे ए स्वर्गदूता ठ्रोह, दुह मीहतंङ ला हिद तंही अंऊ सदोम ए अमोरा शहरो ए दोतु कछंङ इलाकंङ बंङज़ातेर कि दोतंङ साते छि शुहते। दोरे मीहरे कुकम लहज़ाड़ शुहचे इलिर दंङ हर पाहठी ऊ कुकम दोतु अंदरेग अच़ा अति। झांह लेह परमेश्वरे दोतिंङ मेहू दोरच़ी नाश लेह च़रति। दोतंङ साते छि शुई दुह हप्सी शिक्षा रंड्रा दोतु थल्जी इच्च़ा चेतावनी बणेंके इलि कि दोतिंङ ला अनंत मेहरिंङ सज़ा रमोर।

प्रकाशित वाक्य 18:13

दंङ दालचीनी, मसाले, धूप, लोबान, सरा, तेल, मैदा, छ्वाह, रद्, बंङ, त्रैंई-घ्वंणरे, रहंङरे, रथ, दंङ अंऊ मीहरे समान लंङज़ातोर ए चुमज़ातोर, दोरे हेंतेग मीहतिंङ गुलामो रूपारिंङ लङज़ि मरपोरे।

प्रकाशित वाक्य 21:27

पर छिल्ला धिर अपवित्र तोहई या दोरे मीहरे अंऊ दोच़ी मदम कम लहज़ातोर या हप्सी कुट्रातोर, दोतिंङ पक्‍का रूपारिंङ देर्तिंङ अपिमी इजाज़त माह तोहई। अंऊ मीहरे देर्तिंङ अपि तरपोर, दोरे, दुह मीहरे शुरे अतु मिन कुरच़ो जीवनो कताबा रिंङ च़ेहसी तोहई।

प्रकाशित वाक्य 21:8

पर अंऊ दोरे मुसीबतो बेहच़ी गिह्बी छोड़ेके चरच़ातोर दंङ अरि गिऊ टोईच़ी विशवास लहज़ी छोड़ेके चरच़ातोर, दोतिंङ मेहू गन्धका रिंङ छङें चरच़ातोर। झांह ठ्रोह दोतिंङ ला अंऊ दोच़ी मदम कम लहज़ातोर, दंङ हत्या लहज़ातोर, दंङ कुकम लहज़ातोर, दंङ एनोह साथी तु खिलाप जादू-टोना लहज़ातोर, दंङ मुर्ति तु पूजा लहज़ातोर, दंङ भत्ते हप्सी कुट्रा, दोतिंङ ला गन्धको मेहू बिचंङ केहच़ी च़रपोर। दिबी अई मौत ला कुट्री।

प्रकाशित वाक्य 22:15

पर मदम मीहरे, दंङ एनातु साथी तु थल्जी जादू-टोना लहज़ा, कुकम, ए हत्या लहज़ा, दंङ मुर्ति तु अराधना लहज़ा, दंङ भत्ते हप्सी कुट्रा अपेहला शहरा रिंङ इबि मरपोर।