1 थिस्सलुनीकियों 5:9 - लाहौली बाइबिल

⁹ छना कुचे परमेश्वरे हेनर दिऊ थल्जी अंङषी माह शुह, कि एनोह रोहषे हेंदिंङ सज़ा रमतो, पर दिऊ थल्जी अंङषी कि हेनर हेंदु प्रभु यीशु मसीहू दोरच़ी उद्धार खोकपोंई।

1 थिस्सलुनीकियों 5:9 Iomraidhean Croise

मत्ती 26:24

गेह मीहू योह सिए योग छना कुचे दि पवित्र शास्त्ररंङ च़ेहसी तोह। दंङ परमेश्वर दुह मीहबी भयानक सज़ा रमतो अच़ि गेह धोखारंङ साते च़ुमज़ि लोहतो। दुह मीह ऊ थल्जी रुठे तोहई कि दोऊ जन्म ए माह शुहचा आ।”

प्रेरित 1:20

दोहथल पतरस एनोह गप्पा तुंखा कुट्री लेहती, भजन संहिता ओ कताबंङ महसे तुहई रज्ज़ा दाऊदे यहूदा ओ पाहठी दि च़ेहसी तते, दोऊ घरबारो उजाड़ शुहबी जूंस दंङ दोर्तिंङ अरिला बसेफी मेस दाऊद ऊई ठहरि दिह ला कुट्रा, “ऊई मीहच़ी दोऊ ठहरि लेहपच़ी जूंस।”

प्रेरित 1:25

ताकि दि सेवा ओ कमारिंङ कम ए प्रेरित ओ ठहरि लेह्पोतो, अंऊ सेवकाई केट्रा यहूदा हेंदु दोरच़ी ऊईतार अच्च़ा इलि। अंऊर दोबि शुहबी जुंशी तोहई।

प्रेरित 13:48

अपेहल ऊईजाति ज़ि दिह रेड्रीर ता दोरे महस खुश शुहचे इलिर, दंङ दोऊ दि खबरो थल्जी प्रभु बि धन्यवाद रंड्री लेहतिर, दंङ अंयों ला अनंत जीवनो थल्जी ठहराएसी तातेर दोच़ी बिशवास लहरिर।

रोमियो 11:30

छना कुचे केहच़ी तुहई परमेश्वरो हुकुम माह मनेक्तंई, पर हेंतेग इस्राएली मीहतु हुकुम माह मनेक्च़िमी रंङ साते केहतु टोईच़ी दया शुई।

रोमियो 11:7

दिऊ नतीज़ा छि शुई? दि कि इस्राएलो मीहरे अंऊ गप्पो खोजारिंङ तोईरे, दोबि पेट्री मरतिर; पर अंङषी मीहच़ी दू खोक्क्षे च़रतिर दंङ रें मीहतु सेहम डगडगी शुहचे इलि।

1 थिस्सलुनीकियों 1:10

दंङ दोच़ी कुट्रातोर कि केरे छना परमेश्वरो योह स्वर्गो दोरच़ी वापिस अपिमी उम्मीद लहज़ातंई, अतिंङ परमेश्वरे सिऊ दोतु बिचंङ श्रींङमी लहरी, मतलब यीशु बि, अंऊ हेंदिंङ परमेश्वरो दुह न्यायो दोरच़ी बचाएच़ा अंऊ अपिमी तोह।

1 थिस्सलुनीकियों 3:3

कि अरिया दि मुसीबतो मुक्का अरिया विशवासो दोरच़ी थलका शुहबी मेस; छना कुचे केहच़ी केनाच़ि ञेंच़ातंई कि हेनर भत्ते तिंङ झांह ठ्रोह मुसीबत भुगताए ज़ि तातंई।

1 तीमुथियुस 1:13

गेह विशवासी बणेक्पिमी तुहई, मसीहू पाहठी मदम कुट्रा ए विशवासीतिंङ तंग लहज़ा ठ्रोह ए झखंजी मीह तोहई, तांला परमेश्वरे गिऊ टोहकठे दाह लहरी छना कुचे गेह अयता तचेक मसीहू टोहकठे विशवास माह लहज़ातेग दंङ झांह लेह गेह समझेके मरतिगा कि छि गेह लहच़ी लेहकी तोईग दुह गलत शुह।

1 तीमुथियुस 1:16

पर यीशु मसीह ज़ि गिऊ टोहकठे दाह लहरी, दंङ गेह भत्ते बे मोह्ड़े पापी बि माफ लहच़ी दि कंड्री ततो कि दुह अंयों सहनशील तोह दि, दुह मीहतु थल्जी इच्च़ा नमूना शोतो अंऊ दोऊ टोहकठे विशवास थले लोहर दंङ अनंत जीवन खोकपोरे।

2 तीमुथियुस 2:10

दिऊ थल्जी गेह दुह मीहतु थल्जी भत्ते दुख सहन लहज़ातग, अतिंङ परमेश्वरे अंङषी ततो, ताकि दोरे ला यीशु मसीहू टोहकठे विशवास लोहर दंङ उद्धार ए अनंत कालो महिमा खोक्पोर।

1 पतरस 2:10

भविष्यवक्ता होशे ज़ि केहतु पाहठी छि च़ेहसी तोह दुह केहतु पाहठी हेले तोह तुहई केरे परमेश्वरो मीहरे माह तोईनी, पर हेंतेग केरे परमेश्वरो मीह शुई। तुहई केरे परमेश्वरो दया माह सेहच़ाते पर हेंतेग केहच़ी दि ञेंच़ातंई छना कुचे दोई तुहई बेहच़ी केहतु टोईच़ी एनोह दया कांहषी ततो।

1 पतरस 2:8

दंङ पवित्र शास्त्रे दि ला कुट्रा, “दि रह्घ मीहतु ठोकरो वहज़ा शोतो। दि इच्च़ा चटान शुह अंऊ दोतु दह्पिमी वहज़ा शोतो।” दोरे बचना रिंङ विशवास लहज़ी माह जुंज़ातोर, झांह लेह दोरे ठोकर ज़ोवा दह्च़ी यवातोर। परमेश्वरे दोतंङ साते दिए शुहबिमी योजना बणाएषी ततो।

2 पतरस 1:1

गेह, शमौन पतरस, अंऊ यीशु मसीहऊ दास ए प्रेरित शुगाह, केतिंङ चेहच़ातग। गेह केहतु भत्ते तु थल्जी चेहच़ातग। अंऊ दुह बहुमूल्य विशवास बि ठ्रोहका लहज़ातंई अंऊ हेंदु परमेश्वर ए उद्धार लहज़ा यीशु मसीहू दोरच़ी हेंदिंङ रांहषी तोह, अंऊ हेंदिंङ परमेश्वरा रंङ साते धर्मी ठहराच़ा।

2 पतरस 2:3

दि उपदेश रंड्रा दिरे लालची शोर, दंङ दोरे बणाएषी ठ्रोह कथा कुचे केतिंङ धोखा रमोर ताकि केहतु दोरच़ी ढबाह कमाके तरपोर। परमेश्वरे महसे टेम तुहई ए दि फेंसला लेह चरच़ाते कि दुह दोतिंङ सज़ा रमतो दंङ दुह झांह लहज़िमी थल्जी तेयार तोह। दुह हेले रिंङ दोतिंङ नाश लेह च़रपोतो।

यहूदा 1:4

गेह केतिंङ चेहच़ातग, छना कुचे रें मीहरे अंऊ यीशु मसीहू टोईच़ी विशवास लहज़िमी दिखावा लहज़ातोर, दोरे केहतु बिचंङ शामिल शुहचे इलोर। दोच़ी परमेश्वरो आदर माह लहज़ातोर दंङ दोच़ी गलत शिक्षा रंड्रातोर कि परमेश्वर एनोह मोह्ड़े दाह ओ दोरच़ी हेंदु पाप माफ लेह च़रच़ा, झांह लेह हेनर मदम जीवन श्रींङमातंई। दोच़ी यीशु मसीह बि ग्रहण माह लहज़ातोर, अंऊ हेंदु इच्च़ा मालिक ए हेंदु प्रभु तोह। महस तुहई, पवित्रशास्त्रे कुट्रा, “कि परमेश्वर झांह ठ्रोह मीहतिंङ सज़ा रमतो।”