1 थिस्सलुनीकियों 5:6 - लाहौली बाइबिल

⁶ झांह लेह हेनर अविशवासी ठ्रोह इमरिंङ माह बंङज़ी मेस, पर चेहके ए खबरदार बंङज़ुंई।

1 थिस्सलुनीकियों 5:6 Iomraidhean Croise

मत्ती 13:25

पर अपेहल मीहरे इमरिंङ तोईरे दोऊ बैरी अंज़े छ्वाओ बिचंङ जंगली बेईज़ा एहच़ा अच्च़ा इलज़ा।

मत्ती 24:42

दिऊ थल्जी केहच़ी चेहकी तोईनी, छना कुचे केहच़ी माह ञेंहई कि केहतु प्रभु अपेहल अपतो।

मत्ती 25:13

दिऊ थल्जी चेहके तोंई, छना कुंई साते ता केहच़ी गिऊ वापिस अपिमी ध्याड़ा माह ञेंहई, माह दुह टेम अपेहल अपतो।

मत्ती 25:5

अपेहल ब्याऊ अपिमी झाड़ा शुईता दोरे भत्ते डूलेकचि लेहतिरे दंङ ईमरिंङ अच्च़ा इलिरे।

मत्ती 26:38

दंङ दोई कुतोह, “गिऊ सेहम महसे दुखी तोह, देर तचेक कि गिऊ प्राण लाह हुंज़ी लेहकी तोह। केरे देहर रुमज़ुंई दंङ गेरंङ चेहकी बंङज़ोंई।”

मरकुसो 13:37

दंङ अंऊ गेह केतंङ साते कुट्रातग, दुह भत्तेतंङ साते कुट्रातग; कि गिऊ अपिमी थल्जी तेयार तोहई।”

लूको 12:37

धन्य शुह दुह परगर अरी एनोहो मालिको इंतज़ार लहज़ा दंङ दुह ध्याड़ो थल्जी तेयार तोह, गेह केतंङ साते हेले कुट्रातग कि दुह मालिक एनोह परगराबि बगत ज़ेइमी थल्जी बेठाएपोतो दंङ एनोह उम छ़ुचे दोऊ सेवा लोहतो।

लूको 12:39

पर केहच़ी दिह ञेंहई च़रतेंई कि अगर चुंखी मालिके ञेंहच़ा कि चोर अंऊ मुखंङ अपतो ता दुह चेहके बंङज़ोतो ए एनोह घरबारंङ चोरी शुहबी माह रमतो।

लूको 21:36

दिऊ थल्जी चेहके तोहई दंङ हमेशा प्रार्थना लोहवा लांई कि केरे दिह अंजा मुसीबतो दोरच़ी बचेक्पी गेह मीहू योहू तुईज़ी खड़े शुहबिमी जोहगे शुई।”

लूको 22:46

दंङ दोई कुहतो, “छिले इम लाहतंई? आहचूंई प्रार्थना लहज़ा लोहनी कि केहरे परीक्षा रिंङ पड़ेक्ची मेस।”

प्रेरित 20:31

हिद तंही कि निरा ए राता रिंङ षुमु साल तचेक लगातार केतिंङ गेह दुह खबर घड़ी-घड़ी सिखाएकातग, दंङ केतिंङ टिरारिंङ मिक्ति बहाके केतिंङ खबरदार लहरिगा कि ऊई अंऊला खबरो टोईच़ी विशवास थालंही।

1 कुरिन्थियों 15:34

खबरदार शुचे इलांई, पाप लहज़ी छोड़ेके च़रतुंई, गेह केतिंङ शार्मिंदा लहज़िमी थल्जी कुट्रातग, छना कुचे केहतु बिचंङ ज़ि रेह तु परमेश्वरा रंङ साते रूठे नाता माह।

1 कुरिन्थियों 16:13

खबरदार बंङज़ुंई, विशवासा रिंङ ढकाह तोहई, हिम्मत तंही, दंङ विशवासा रिंङ पक्‍का शुहचे तोहई।

इफिसियों 2:3

ञेंरे ला तुहई कि ए ठ्रोह जीवन श्रींङमातंई, दंङ पापी स्वाभावो हिटी पूरा लहज़ातेर, अंऊ ला हेंदु मदम हिटी दंङ मदम विचार ञेंहतु दोरच़ी लोहवातेर ञेंहच़ी दू ए लहज़ातंई। ऊईतु ठ्रोह, ञेंरे ला स्वाभाविक रूपारिंङ ज़ि मदम तोतोर, दंङ परमेश्वरो सज़ाओ अधीन तोहनि।

इफिसियों 5:14

झांह लेह इच्च़ा कहावत तोह, अंऊ दि कंड्रा, “हे इमरिंङ इलज़ा रे, अच़ुई! दंङ मुर्दा तु बिचंङ ज़ि श्रींङे ईला; दंङ मसीह एनोह छंङी कांह टोईच़ी चमकेक्पोतो।”

इफिसियों 6:18

दंङ भत्ते मुक्का ए भत्ते पाहठी हेंदिंङ ध्वांए ए प्रार्थना ए बिनती लहज़ी जूंशी तोह। छना पवित्र आत्माज़ि हेंदु अगुवाई लहज़ा। झांह लेह चेहके बंङज़ेंई दंङ भत्ते परमेश्वरो मीहतु थल्जी हमेशा प्रार्थना लोहवा लंहि।

फिलिपियों 4:5

केहतु कोमलता भत्ते मीहतु टोईच़ी प्रगट शोतो, प्रभु यीशु युरनाह वापिस अपतो।

कुलुस्सियों 4:2

लगातार प्रार्थना लोहवा लंहि, दंङ हमेशा धन्यवाद रंङ साते खबरदार शुहचे बंङज़ुंई।

1 थिस्सलुनीकियों 4:13

हे गिऊ प्यारे साथी विशवासी रे, ञेंहच़ी दि ञेंच़ातंई कि केहच़ी दि ञेंई च़रतेंई कि दुह विशवासी तंङ साते छि शोतो अंऊ तुहई ए सिए इलोर। झांह शुहबी मेस, कि केरे ऊईतु ठ्रोह शोक लंहि अंऊ दोतिंङ उम्मीद ए माह, कि सिमी थल दोरे यह्च़ा श्रींङी योर।

1 थिस्सलुनीकियों 5:10

यीशु मसीह हेंदु थल्जी झांह लेह सि इलि, कि हेनर चाहे श्रींङमोंई या सिए योंई, अपेहल प्रभु यीशु मसीह वापिस अपतो दंङ दुह मुक्का हेनर हमेशा दोरंङ साते बंङज़ी तरपोंई।

1 थिस्सलुनीकियों 5:8

पर हेनर ता निहरो कटुरे शुई, झांह लेह हेंदिंङ हेंदु टोहकठे काबू लहज़ी जुंशी तोह। हेंदु विशवास ए दाह हेंदु रक्षा लोहतो छना इच्च़ा कवच़े इच्च़ा सेनिको रक्षा लहज़ा।

1 तीमुथियुस 2:15

तांला मेच़िमीर अगर ज़हके ते विशवास, दाह ए पवित्रता रंङ साते पक्‍का शुहचे बंङज़ोर, दंङ परमेश्वर मेच़िमी बि कटु जेह्कपिमी दोरच़ी बचाके च़रपोतो।

1 तीमुथियुस 2:9

ध्यांए गेह जुंज़ातग कि मसीही मेच़िमीतिंङ रूठे रंङ साते खमज़ेर लहज़ी जूंशी तोह, झांह ठ्रोह खमज़ेरे अंऊ रूठे ए ग्रहण लहच़िमी जोगे शोर। माह कि सिर्फ क्रा लहज़ी ए ज़ंङ लेह्चा या मुतिकरे लेह्चा या माहङे खमज़ेर लहज़ा एनाबि सलटे लोहतो।

1 तीमुथियुस 3:11

झांह ए दोतु मेच़ातिंङ ला आदरो जोगे शुहबी जूंस; दंङ ऊईतु पाहठी मदम कुट्रा शुहबी मेस, पर हर हालातरिंङ एनोह टोहकठे काबू लहज़ा, दंङ भत्ते रिति रिंङ विशवासो जोगे शुहबी जूंस।

1 तीमुथियुस 3:2

दंङ दि ज़रूरी तोह कि कलीसिया ओ मुख्या बि दि गुण शुहबी जूंस, कि दुह निर्दोष शुहबी जूंस, दंङ इच्च़ा मेच़ो गगसा शुहबी जूंस, हर हालातरिंङ एनोह टोहकठे काबू लहज़ा, रूठे, ए पौहना तु आदर लहज़ा, दंङ परमेश्वरो बचन रूठे रंङ सिखाएच़ा शुहबी जूंस।

2 तीमुथियुस 4:5

पर कांह भत्ते गप्पातिंङ खबरदार बंङज़ु, धीरज़ारंङ दुख सहन लोह दंङ रूठे खबरो प्रचार लोहवा लोह दंङ प्रभु सेवक शुहबिमी रंङ साते केनोह ज़िम्मेवारी पूरा लोह अंऊ प्रभु ज़ि कनिंङ रांहषी ततो।

तीतुस 2:12

दि मोह्ड़े दाह ओ दोरच़ी परमेश्वर हेंदिंङ हुकुम रंड्रा, कि हेनर ध्वांए ठ्रोह व्यवहार लेह बन्द लेह च़रपोंई, अंऊ दोबि खुश माह लहज़ा, दंङ दुह चीज़ा तु लालच लेह बंद लंहि अतु हिटी अविशवासी ज़ि तहच़ातेर, दंङ अपेहल हेनर हेंतेग दि धरतीऊ टोहकठे ए तोतोंई दंङ बुद्धिमानी ए धर्मिकता रंङ दि तरीका रंङ साते कम लंहि कि अंऊ परमेश्वराबि खुश लहज़ा।

तीतुस 2:6

ध्वांए जवान गंङमीतिंङ ला समझाए कि च़रतुंई, कि दोरे एनोह टोईच़ी काबू लहज़ा जूंशी तोह।

1 पतरस 1:13

झांह लेह, केरे मीहरे सोचेक्सिमी थल्जी तेयार शुचि इलांई। खबरदार बंङज़ुंई दंङ केनातु उम्मीद पूरा ठ्रोह दुह मोह्ड़े दाह ओ टोईच़ी लगाके तंही, अंऊ यीशु मसीहू प्रकट शुहबिमी मुक्का केतिंङ खोकसोतो।

1 पतरस 4:7

भत्ते गप्पो अंत युरनाह शुहबिमी तोह; दिऊ थल्जी सहनशील शुहचे ए चौकस बंङज़ा प्रार्थना लंहि।

1 पतरस 5:8

हमेशा खबरदार ए दंङ चेहके बंङज़ुंई, छना कुचे शेतान, केहतु विरोधी केहतु टोईच़ी हमला लहज़ी ततो ताकि केरे परमेश्वरो हुकुमो भाषे माह लोहनि। दुह फ्रक्शे ज़ज़ा ब्राघो ठ्रोह तोह, अंऊ तुंखा थलका खंड्रा कि अपि ज़ोओग।

प्रकाशित वाक्य 16:15

मांजी आत्माज़ि अधिकारी तिंङ ए दोतु सेना बि दुह ठहरि ठ्रोहका लहरिर अतिंङ इब्रानी भाषारिंङ हर मगिदोन ला कुट्री। दिऊ थल्जी प्रभु यीशु ज़ि कुहषी ततो, “दि गप्पा रेड्रुंई। गिऊ अपि चोर अपिमी ठ्रोह अचानक शोतो। धन्य तोह दुह मीह अंऊ गिऊ अपिमी मुक्का चेहके बंङज़तो, दंङ एनोह खमज़ेर तेयार तोहतो। दोहथर दोरे नंङटे माह शोर दंङ छिल्ला दोतिंङ शर्मिन्दा माह लोहतो चाहे दोरे धकते महस मीहतु बिचंङ ला योर।”

प्रकाशित वाक्य 3:2

दिऊ थल्जी अच़ा इलांई! गिऊ टोईच़ी केहतु अंयों ला विशवास ऊई बचेकी तोह, दोबि पक्‍का लंहि, ताकि दि बिल्कुल ए योह्सा इबि मेस। गेह ञेंच़ातग कि कांह कमी महस तोह छना कुचे केई छि लहज़ातन परमेश्वर दोरंङ साते खुश माह।