1 थिस्सलुनीकियों 5:5 - लाहौली बाइबिल

⁵ छना कुचे केरे भत्तेरे छंङीऊ कटुरे शुई, दंङ निहरो कटुरे शुई, हेनर माह रातो शुई, माह हन्यारो कटुरे शुई।

1 थिस्सलुनीकियों 5:5 Iomraidhean Croise

लूको 16:8

“दंङ साहुकारे दुह चलाक खज़ान्च़ी ओ तारीफ लहतो, कि केई अंयों चलाकी रंङ साते कम लहतन; छना कुचे ध्यांए ठ्रोह दिह संसारो मीहरेर एनातु साथीतंङ साते मुक्को रीति रिवाज़ ए चाल चलनारिंङ धर्मी मीहबे ला महस चलाक तोतोर।”

यहून्नो 12:36

अपेहल तचेक छंङी केतंङ साते तोह, छंङीऊ टोहकठे विशवास लांही कि केहरे छंङीऊ कटुरे शोंई।” दिह गप्पारे कुचे यीशु अच़ा इलि दंङ दोतु दोरच़ी ब्याके बंङज़िरी।

प्रेरित 26:18

कि केरे दोतिंङ दि समझेक्सिमी थल्जी मदत लंहि कि छि सही शुह, कि दोरे हंयारो दोरच़ी छंङीरिंङ किरज़ा योर, दंङ शेतानो अधिकारो अधीन बेहच़ी परमेश्वरो अधिकारो अधीन बंङज़ी शुरू लेह तरपोर; दोहपल परमेश्वर दोतु पाप माफ लेह च़रपोतो, दंङ दुह दोतिंङ दुह भत्ते मीहतंङ विरासत रमतो अंऊ गिऊ टोईच़ी विशवास लहज़ातोर। दिए गप्पा यीशु ज़ि गिऊ हखा कुई।

इफिसियों 5:8

तुहई केरे हंयार बंङज़ा मीहतु ठ्रोह तोईनी, पर हेंतेग केरे छंङीरिंङ बंङज़ा मीह शुई छना कुचे केरे प्रभु मीहरे बणेंके इलजी तोतोंई झांह लेह छंङीरिंङ बंङज़ा मीहतु ठ्रोह कम लंहि।

1 थिस्सलुनीकियों 5:8

पर हेनर ता निहरो कटुरे शुई, झांह लेह हेंदिंङ हेंदु टोहकठे काबू लहज़ी जुंशी तोह। हेंदु विशवास ए दाह हेंदु रक्षा लोहतो छना इच्च़ा कवच़े इच्च़ा सेनिको रक्षा लहज़ा।

1 यूहन्ना 2:8

तांला अंऊ हुकुम गेह केतिंङ च़ेहच़ी लेहकी तोतोग दुह खरकोई हुकुम शुह, छना कुचे दिऊ सच्चाई मसीह रिंङ ए केतिंङ लाह तंङफोतो छना कुचे हंयार योह्सा यवात पर सच्चाई ऊ छंङी हेंतेग चमकेपी लेहकी तोह।