1 थिस्सलुनीकियों 5:27 - लाहौली बाइबिल

²⁷ गेह केतिंङ प्रभु आज्ञा रंड्रातग, कि दि पत्री भत्ते विशवासीतिंङ पड़ेके सुनाएतुंई।

1 थिस्सलुनीकियों 5:27 Iomraidhean Croise

मत्ती 26:63

पर यीशु चुप्पे बंङज़ी। दंङ यहुदी महापुरोहिते दोबि कुह्तोर, “गेह कनिंङ पिंङी परमेश्वरो वाईदा रंड्रातोग कि अगर कांह परमेश्वरो योह मसीह शुनाह ता, दंङ एतंङ कुड़ु।”

मरकुसो 5:7

यीशुज़ि दोऊ अंद्रेग अंऊ मांजी आत्मा तोहई दोऊ हखा कुंई, “हे मांजी आत्मा दिह मीहबी केट्रा धह्कते हुंच़ा इली।” मांजी आत्मा ए यीशु हखा हाऊष रेह कुंहई, “हे महान परमेश्वरो योह यीशु! केई गेरंङ साते छि जुन्ज़ातन? गेह करंङ साते परमेश्वरो मिंदंङ बिनती लहज़ातग कि केई गिह्बी दुख थारोंह।”

प्रेरित 1:15

इच्च़ा ध्याड़ारिंङ पतरस दुह लगभग राह निंज़ो मीहतु बिचंङ खड़े शुहचे कुट्री लेहती,

प्रेरित 19:13

पर रेह यहुदी गंङमी रे दुह मीहतिंङ धकते हखा हुंपि लेहतिर अरी टंणा मंणा लहज़ातेर, अतु अन्द्रेग मांजी आत्मा तोहई दोतु टोईच़ी प्रभु यीशु मिंदंङ दिह कुचे कुट्रे टंणा मंणा लहज़ातेर, अंऊ यीशु प्रचार पोलुस लहज़ी लेह्की तो, गेह केतिंङ धह्कते का अपिमी आज्ञा रंड्रातग।

कुलुस्सियों 4:16

दंङ अपेहल दि डाक केहतु दोर्तिंङ पड़ेगी केओनि, दंङ झांह लंहि कि लौदीकिया शहरो कलीसिया रिंङ ला पढेक्पी जूंस, दंङ दुह डाक अंऊ लौदीकिया ओ कलीसियाओ दोरच़ी अपतो दुह केई ला पढ़ेक्तु।

1 थिस्सलुनीकियों 2:11

छना केहच़ी ञेंच़ातंई, कि छना बाह एनोह कटुतंङ साते व्यवहार लहज़ा ध्वांए ए ञेंहच़ी ला केहतु बिचंङ हर इच्च़ाबि शिक्षा रंड्रा ए शांति रंड्रा तस्सली रंड्रातंई।

2 थिस्सलुनीकियों 3:14

दंङ अरिया हेंदु दि डाको हुकुम माह मनेक्च़ा दंङ दुह मीहू पाहठी भत्तेतिंङ कंड्रुंई दंङ दोरंङ साते संगति थालंही, ताकि दोबि शर्मिन्दगी महसूस शुहबी जूंस।

1 तीमुथियुस 1:18

हे योह तीमुथियुस, दुह भविष्यवाणी तु हिसाबे अंऊ तुहई कनु पाहठी लहसी तोहई, गेह कनिंङ दि हुकुम रंड्रातग, ताकि काह रूठे खबरो सच्चाई ओ थल्जी रूठे रंङ लड़ाई लड़ेक्पिमी थल्जी दुह शब्दा तु इस्तेमाल इच्च़ा हथियारो ठ्रोह लोह।

1 तीमुथियुस 1:3

हे तीमुथियुस छना कि केई ञेंच़ातन कि इफिसुस शहरा रिंङ रेह झांह ठ्रोह मीहरे तोतोर, अंऊ दोच़ी गलत शिक्षा रंड्रातोर। दोरे लगातार हप्सी कथा दंङ सेंहणा तु पाहठी सिखाएच़ातोर। अपेहल गेह इफिसुस शहरो दोरच़ी मकिदुनिया प्रदेशो हखा इबिमी तेयार तोईगा, दंङ गेह कनिंङ इफिसुसा रिंङ बंङज़िमी थल्जी कुहतग कि दोच़ी झांह ठ्रोह शिक्षा रंड्री माह जूंस। अपेहल दोरे झांह ठ्रोह गप्पा सिखाएच़ातोर, दंङ मीहरे दोतु पाहठी गप्पा लहज़ातोर। दिऊ नतीज़ा दि तोह कि कंड्रा दोरे दुह कम माह लहज़ातोर अंऊ परमेश्वरे दोतिंङ रांहषी तहरे, अपि दोच़ी सिर्फ परमेश्वरो टोईच़ी विशवास लहज़ी लेह तरपोतो। दू हप्सी अगुवातिंङ हुकुम रोंऊ कि दू हप्सी नियम कंड्री बन्द लोह अंऊ गलत तोह।

1 तीमुथियुस 5:21

गेह परमेश्वर ए यीशु मसीह, दंङ अंङषी स्वर्गदूतातु हाज़िर ञेंए ते, गेह कनिंङ हुकुम रंड्रातग कि केई छिल्ला लहज़ातन, दोरिंङ अरिला मीहू थल्जी पक्षपात मेह कम लोह।

1 तीमुथियुस 5:7

विशवासीतिंङ दि गप्पातु ला हुकुम रम्मा लंहि ताकि अच़िला दोतु टोईच़ी दोष लगाएच़ी माहरपोतो।

1 तीमुथियुस 6:13

परमेश्वरो तुईज़ी अंऊ भत्ते तिंङ ज़िंदगी रंड्रा, दंङ यीशु मसीह अंऊ पुन्तियुस पिलातुस ओ तुईज़ी एनोह पाहठी हेले कुहते, दोकु झुल्लो हाज़िरी रिंङ, गेह केतिंङ दि हुकुम रंड्रातग।

1 तीमुथियुस 6:17

दि संसारो साहुकारातिंङ हुकुम रांई कि दोरे घमण्डी थाशुंई दंङ एनोह ढबोह टोहकठे विशवास तंही अंऊ कि महस टेम तचेक माह बंङज़ोतो, पर परमेश्वरो टोईच़ी विशवास लोह, अंऊ हेंदु सुखो थल्जी भत्ते धिर महस रंड्रा।

2 तीमुथियुस 4:1

अपेहल प्रभु यीशु मसीह इच्च़ा रज्ज़ा ओ ठ्रोह राज लहज़ी अपतो, दुह श्रींङे ए सिए झुल्ला तु फेंसला लोहतो, झांह लेह गेह परमेश्वर ए प्रभु यीशु मसीहऊ हाज़िरी रिंङ दि बिनती लहज़ातग।

इब्रानियों 3:1

झांह लेह, हे गिऊ प्यारे साथी विशवासी रे, केरे अंऊ स्वर्गा रिंङ दोरंङ साते शामिल शुहबिमी थल्जी बुलासी शुईं, मसीह यीशु टोईच़ी ध्यान रांही! दुह हेंदु थल्जी परमेश्वरो रूठे खबरो प्रेरित यहुदी महापुरोहित शुह।