1 थिस्सलुनीकियों 5:23 - लाहौली बाइबिल

²³ शांति ऊ परमेश्वर एनेह ए केतिंङ भत्ते रीतिरंङ साते पवित्र लोहतो; दंङ केहतु भत्ते आत्मा, प्राण फुक हेंदु प्रभु यीशु मसीहू यह्च़ा वापिस अंजा तचेक दोष मेह बणाके तंही।

1 थिस्सलुनीकियों 5:23 Iomraidhean Croise

लूको 1:46

दंङ मरियमे कुतोह, “गेह परमेश्वरो स्तुति लहज़ातग।

यहून्नो 17:19

दंङ दोतु फायदा ओ थल्जी गेह घेंङा बि पवित्र लहज़ातग कि दोरे ला सच्चाई ऊ दोरच़ी पवित्र लेह जूंस।

प्रेरित 20:32

दंङ हेंतेग गेह केतिंङ परमेश्वरा बि सौपेंकाच़ातग दंङ दोऊ मोह्ड़े दाह खबर अंऊ केतिंङ विशवासा रिंङ पक्‍का लहज़िमी जोगे तोह दंङ केतिंङ दुह भत्ते मीहतिंङ विरासत रंड्री अंऊ दोरे दोऊ एनोह शुरे।

प्रेरित 26:18

कि केरे दोतिंङ दि समझेक्सिमी थल्जी मदत लंहि कि छि सही शुह, कि दोरे हंयारो दोरच़ी छंङीरिंङ किरज़ा योर, दंङ शेतानो अधिकारो अधीन बेहच़ी परमेश्वरो अधिकारो अधीन बंङज़ी शुरू लेह तरपोर; दोहपल परमेश्वर दोतु पाप माफ लेह च़रपोतो, दंङ दुह दोतिंङ दुह भत्ते मीहतंङ विरासत रमतो अंऊ गिऊ टोईच़ी विशवास लहज़ातोर। दिए गप्पा यीशु ज़ि गिऊ हखा कुई।

रोमियो 15:13

गेह प्रार्थना लहज़ातग कि परमेश्वर अंऊ उम्मीदो दाता तोह, केतिंङ विशवास लहज़िमी भत्ते पाहठी खुशी ए शांति रंङ साते पिंङे च़रपोतो, कि पवित्र आत्माओ सामर्थो दोरच़ी केहतु उम्मीद बणेंके योतो।

रोमियो 15:33

गेह प्रार्थना लहज़ातग कि परमेश्वर, अंऊ शांति रंड्रा, केतंङ भत्ते तंङ साते बंङज़ोतो। अमीन।

रोमियो 15:5

गेह प्रार्थना लहज़ातग कि परमेश्वरे केतिंङ धीरज़ ए याहब रमतो ताकि केरे यीशु मसीह थले ज़ोजा ते केनातु बिचंङ एकता रंङ साते बंङज़ेंई।

रोमियो 16:20

परमेश्वर अंऊ शांति ऊ दाता तोह, दू शेतान बि नाश लेह च़रपोतो दंङ दोबि केहतु अधीन लेह च़रपोतो। हेंदु प्रभु यीशु मसीहू मोह्ड़े दाह केहतु टोहकठे शुहवा लोहतो। हेंदु प्रभु यीशु मसीहू मोह्ड़े दाह केहतु टोईच़ी शुहवा लोहतो।

1 कुरिन्थियों 1:2

गेह दि डाक कुरिन्थुस शहरो विशवासी तु थल्जी च़ेहसी लेहकी तोतोग। अतिंङ परमेश्वरे एनोह पवित्र मीहरे शुहबिमी थल्जी अंङे चरच़ाते, ध्वांए ए छना दोई दू भत्ते मीहतिंङ अंङे चरच़ाते अंऊ भत्ते ठहरिंङ हेंदु प्रभु यीशु मसीहू अराधना लहज़ातोर, छना कुचे दू हेंदु भत्ते तु प्रभु शुह।

1 कुरिन्थियों 1:30

पर परमेश्वरे केतिंङ यीशु मसीह रंङ साते इच्च़ा लेह च़रति, दंङ यीशु मसीहू दोरच़ी दोई हेंदिंङ एनोह ज्ञान रंड्रा। परमेश्वर हेंदिंङ एनोह नज़रारिंङ धर्मी ला साबित लहज़ा। यीशु मसीहू दोरच़ी हेनर पवित्र शुहचे तोंहि, दंङ दोई हेंदिंङ पापो दोरच़ी आज़ाद लेह च़रच़ा।

1 कुरिन्थियों 14:33

छना कुचे परमेश्वरो गड़बड़ी मशत, पर शांतिऊ परमेश्वर शुह; दि कानून परमेश्वरो मीहतु भत्ते कलीसिया रि पालन लहज़ी।

2 कुरिन्थियों 5:19

दिऊ मतलब दि तोह कि परमेश्वर भत्ते मीहतु थल्जी इच्च़ा अम बणाएषी लेहकी तोह छिल्ला धिर मसीह लहसी ततो दोऊ दोरच़ी मेल-मिलाप लंहि, दंङ मीहतु पापो दोष दोतु टोहकठे लगाके च़रति, दंङ परमेश्वरे शांति ओ पाहठी दोऊ खबर सुनाएच़िमी कम हेंदिंङ रांहषी ततो।

फिलिपियों 1:10

झांह लेह केरे चुनाव लहज़िमी जोगे शोंई कि छि कम लहज़ी ठीक तोह, ताकि यीशु मसीहू दोबारा वापिस अपिमी ध्याड़ा तचेक ताकि केरे पवित्र ए निर्दोष शुहचे बंङज़ुंई।

फिलिपियों 1:6

गिह्बी दि गप्पा ओ विशवास तोह कि परमेश्वरे केहतु बिचंङ छा रूठे लहच़ी शुरूआत लहतो, दोई ए दोबि यीशु मसीहू वापिस अपिमी ध्याड़ा तचेक पूरा लोहतो।

फिलिपियों 4:9

गिऊ गप्पा रंङ साते ए गिऊ कमो दोरच़ी अंऊ ला केहच़ी सिखेक्च़ातंई ए ग्रहण लहज़ातंई, दोऊ ए हिसाबे ज़ोई, दोथर शांति ऊ परमेश्वर केतंङ साते बंङज़ोतो।

कुलुस्सियों 1:22

पर परमेश्वरे हेंतेग एनोह योह बि मीह बणाके दंङ दोऊ क्रूसो टोहकठे सिमी दोरच़ी केहतु ला मेल लहच़ी च़रति ताकि केतिंङ एनोह तुईज़ी पवित्र ए निष्कलंक, दंङ निर्दोष लहज़ा हाज़िर लोहतो।

1 थिस्सलुनीकियों 2:19

ञेंहतु उम्मीद, ए महस खुशी ए षटणो मुकुट अरि शुह? दि केरे ए शोंई अपेहल हेंदु प्रभु यीशु मसीह यह्च़ा वापिस अपतो, दोऊ तुईज़ी केरे माह शोंई?

1 थिस्सलुनीकियों 3:11

ञेंहच़ी प्रार्थना लहज़ातंई कि हेंदु बाह परमेश्वर ए हेंदु प्रभु यीशु मसीह, केतंङ साते दोईमी थल्जी ञेंहतु अगुवाई लोहतो।

1 थिस्सलुनीकियों 3:13

दंङ ञेंहच़ी प्रार्थना लहज़ातंई कि हेंदु प्रभु यीशु मसीह केहतु सेहम झांह ठ्रोह पक्‍का लोहतो, कि अपेहल दुह एनोह भत्ते पवित्र मीहतंङ साते वापिस अपतो, दंङ दुह हेंदु बाह परमेश्वरो तुईज़ी पवित्रतारिंङ निर्दोष ठहरेसोतो।

1 थिस्सलुनीकियों 4:3

परमेश्वरो हिटी दि तो कि केरे पवित्र बणेक्तेंई मतलब कुकम थालांई।

1 थिस्सलुनीकियों 5:22

दंङ भत्ते पाहठी बुराईरंङ साते बचेके बंङज़ुंई।

2 थिस्सलुनीकियों 3:16

गेह प्रार्थना लहज़ातग कि प्रभु अंऊ शांति ऊ सोता तोह दोई केतिंङ हर टेम ए भत्ते तरीका रंङ साते शांति रमतो। दंङ प्रभु केतंङ साते हमेशा बंङज़ोतो।

इब्रानियों 13:20

शांति रंड्रा परमेश्वरे, हेंदु प्रभु यीशु बि सिए दोतंङ बिचंङ ज़ि यह्च़ा श्रींङमी लेह च़रति, केतिंङ दू भत्ते चीज़ातंङ साते भरपूर लोहतो अतु केतिंङ दोऊ हिटी पूरे लहज़िमी ज़रूरत तोह। यीशु मसीहू सामर्थो दोरच़ी दू केतिंङ दू भत्ते धिर उत्पन्न लोहतो अंऊ दोबि खुश लहज़ा। यीशु मोह्ड़े वाईदा रंङ साते त्रैंईतु मोह्ड़े रखवाला बणेंके इलज़ा, अंऊ त्रैंईतु तु झुण्डो टोईच़ी दोऊ शुहई दोरच़ी हमेशा ओ थल्जी वाईदा ओ स्थापना ओ छाप लगाएसी तोह। दोऊ महिमा हमेशा तचेक शुहवा लोहतो। अमीन।

इब्रानियों 2:11

छना कुचे अंऊ मीहतिंङ दोतु पापो दोरच़ी शुद्ध लहज़ा, दंङ अंऊ मीहरे दोतु पापो दोरच़ी शुद्ध लेह चरच़ि, दू भत्ते तु इच्च़ा ए बाह तोह; झांह लेह यीशु बि दोतिंङ एनोह युंङ रिंङ बणाएच़िमी थल्जी षेह्द माह अपा।

इब्रानियों 4:12

छना कुचे परमेश्वरो वचन श्रींङे, असरदार दंङ अंऊ ला झुह्ट धारी तलवार बेहच़ी ला तेज तोह। दोई जहानो ए आत्माओ गांठ-गांठ ए, जोड़-जोड़ शत्‌ह लहच़ी, आर-पार तिरच़ा; दंङ सेहमो भावना ए विचार ओ जांच लहज़ा।

याकूब 1:4

केतिंङ हर इच्च़ा मुसीबत रिंङ धीरज़ रंङ साते बंङज़ी सिखेक्सी जूंशी तोह, ताकि केरे आत्मिक जीवन रिंङ सिद्ध शुहचे योंई, दंङ केतिंङ अंऊ ला रूठे गुणो कमी माह शोतो।

1 पतरस 1:2

बाह परमेश्वरे महसे तुहई केतिंङ एनोह मीहरे शुहबी थल्जी ए पवित्र आत्मा कमो दोरच़ी केतिंङ पवित्र शुहबिमी थल्जी अंङे चरच़तो। दोई दि दिऊ थल्जी लहरी ताकि केरे यीशु मसीहू हुकुमो भाषे लोहनि दंङ दोऊ शुहई दोरच़ी शुद्ध शुहचे तरपोंई। गेह प्रार्थना लहज़ातग कि परमेश्वर केतिंङ मोह्ड़े दाह ए भरपूर शांति रमतो।

1 पतरस 5:10

हेंतेग परमेश्वर अंऊ भत्ते तरीका रंङ मोह्ड़े दाह ए पिंङषा तोह, दोई हेंदिंङ यीशु मसीह रंङ साते हेंदु नाता ओ थल्जी स्वर्गा रिंङ दोऊ अनंत महिमा ओ थल्जी सहभागी शुहबिमी थल्जी हेनर अंङे च़रति। केहतु थोड़े टेमो दुख सहन लहज़िमी थल, परमेश्वर केतिंङ रूठे बणाके च़रपोतो ताकि केहतु अंदरेग ला छल्ले शुहबी मेस दंङ परमेश्वर केतिंङ पक्‍का लोहतो ताकि केहतु विशवास पक्‍का शोतो।

2 पतरस 3:14

झांह लेह हे गिऊ प्यारे साथी विशवासी रे, अपेहल कि केरे दुह ध्याड़ा रूमज़ा तोतोंई अपेहल परमेश्वरे संसारो न्याय लोहतो दंङ केतिंङ पूरे कोशिश लहज़ी जूंशी तोह ताकि दोई केतिंङ शुद्ध ए दोष मेह शांति रंङ साते एनाह रंङ साते खोकपोतो।

यहूदा 1:1

गेह, यहूदा, अंऊ यीशु मसीहू इच्च़ा सेवक ए याकूबो कवचि न्वा शुगाह, केतिंङ दि डाक चेहच़ातग, अंऊ दोतिंङ परमेश्वरे एनोह टोईच़ी विशवास लहज़िमी थल्जी बुलासी ततो। हेंदु परमेश्वर बाह केतंङ साते दाह लहज़ा दंङ केतिंङ यीशु मसीह रिंङ बचाके तहज़ा।

यहूदा 1:24

इच्च़ा परमेश्वर ए तोह अंऊ केतिंङ दह्पिमी दोरच़ी बचाएपोतो, दंङ केतिंङ निर्दोष ए खुश लोहतो, अपेहल दोई केतिंङ एनोह महिमा ओ थल्जी एनोह तुईज़ी खड़े लहज़ा। दोई हेंदिंङ हेंदु प्रभु यीशु मसीहू दोरच़ी बचाके चरच़तो। महिमा, गौरव, सामर्थ ए अधिकार टेमो शुरूआत बेहच़ी दोऊ तोईरे, हेंतेग ला दोऊ तोतोर, दंङ हमेशा ओ थल्जी दोऊ ए गुह्ट्र बंङज़ोर। अमीन।