1 थिस्सलुनीकियों 5:14 - लाहौली बाइबिल

¹⁴ दंङ हे गिऊ प्यारे विशवासी साथी रे, ञेंहच़ी केतंङ साते बिनती लहज़ातंई, कि केहच़ी दुह मीहतिंङ खबरदार लंहि अंऊ सुस्त शुहचे इलजी तोतोर, दंङ दुह मीहतिंङ उत्साहित लंहि अंऊ डरपोक तोतोर, दंङ अंऊ विशवासरिंङ कमज़ोर तोतोर दोतु मदत लंहि, दंङ भत्ते तंङ साते सहनशीलता रंङ साते बंङज़ु।

1 थिस्सलुनीकियों 5:14 Iomraidhean Croise

मत्ती 12:20

दोई अतुला नुकसान माह लोहतो, अंऊ मीहरे थकषे ब्रंज़ो ठ्रोह कमज़ोर तोतोर। अति छिला परेशानी तोह दुह टुह्ह रंड्रा लह्म्पो ठ्रोह तोह, अपि दोई नुकसान माहलोहतो। अपेहल तचेक न्याय पक्‍का मलोह्तो।

लूको 22:32

पर गेह केहतु थल्जी प्रार्थना लहज़ातग कि केहतु गिऊ टोहकठे बिशवास लहज़ी ब्याड़ा शुबी मेस; दंङ अपेहल केई पश्चाताप लोहन दोहपल केनातु साथी न्वातिंङ गिऊ टोहकठे बिशवास लहज़िमी थल्जी पक्‍का लोह।”

प्रेरित 20:27

छना कुचे गेह केतिंङ दोहर भत्ते धिर कंङे चरच़ातग, अंऊ परमेश्वरे चेहच़ा कि केहच़ी ञेंहनि।

प्रेरित 20:31

हिद तंही कि निरा ए राता रिंङ षुमु साल तचेक लगातार केतिंङ गेह दुह खबर घड़ी-घड़ी सिखाएकातग, दंङ केतिंङ टिरारिंङ मिक्ति बहाके केतिंङ खबरदार लहरिगा कि ऊई अंऊला खबरो टोईच़ी विशवास थालंही।

प्रेरित 20:35

गेह केहतु थल्जी लगातार इच्च़ा उदाहरण बणेंके तोतोग दि कंड्रीमी थल्जी कि छना मेहनत लहज़ी केरे ज़रूरत मंद मीहतु मदत लेह तरपोंई। केतिंङ प्रभु यीशु बचन हिद तहज़ी जूंस छना कुचे दोई एनाह ए कुहषी ततो कि, लेहपच़िमी बदला रंड्रीरी महस खुशी खोकसी।

रोमियो 12:1

झांह लेह हे गिऊ प्यारे साथी विशवासी रे, गेह केतंङ साते परमेश्वरो दया हिद रंड्रा बिनती लहज़ातग कि केनोह जीवन बि श्रींङे, पवित्र, परमेश्वराबि रूठे च़ेहसा बलिदान ठ्रोह चढ़ाएतु। दिए परमेश्वरो सेवा लहज़िमी सही तरीका तोह।

रोमियो 14:1

अगर अरिया विशवासी न्वा विशवासा रिंङ कमज़ोर तोह, दंङ दोबि केनोह संगति रिंङ लेहपच़ी च़रतु, दोरंङ साते बहस थालंही कि दोबि छि लेह जूंशी तोह या छि लेह जूंशी माह।

1 कुरिन्थियों 4:14

गेह केतिंङ षेपिमी थल्जी दि गप्पा माह चेहच़ातग, पर गिऊ मकसद केतिंङ शिक्षा रंड्री तोह, छना कुचे केरे गिऊ कटुतु ठ्रोह शुई। अतंङ गेह हेले दाह लहज़ातग केतिंङ गेह चेतावनी रंड्रातग।

1 कुरिन्थियों 8:7

पर हेंदु रे विशवासी हेंतेग तचेक दि माह ञेंहच़ातोर कि मुर्ति ओ अन्द्रेग छल्ले शाक्ति माह, छना कुचे दोरे तुहई दू मुर्ति ऊ पूजा लहज़ातेर, हेंतेग अपेहल दोरे मुर्ति बि चढ़ासी बलि ज़ोवातोर, दोरे गलती रंङ सोचेक्च़ातोर कि दोरे हेंतेग ला दू मुर्ति तु पूजा रिंङ शामिल तोतोर। दंङ दि सोचेके परेशान शवाहतोर कि अगर दोरे मुर्ति बि चढ़ाएसी बगत ज़ोवातोर दंङ दोरे पाप लहज़ातोर।

गलातियों 5:22

पर अपेहल पवित्र आत्मा हेंदिंङ काबू लहज़ा दंङ दोऊ गुण दि तोह “दाह, खुशी, शांति, धीरज़, दया, भलाई, विशवासो जोगे, नम्रता दंङ हेंदु टोईच़ी काबू लहज़ी।”

इफिसियों 4:2

मतलब भत्ते दीनता ए नम्रता रंङ साते, दंङ धीरज़ तहच़ि दाह रंङ साते इदि-अई दिऊ व्यवहार सहन लंहि।

इफिसियों 4:32

इदि-अई दिऊ टोईच़ी दया, ए करुणामय शुहचे इलांई, दंङ छना परमेश्वरे मसीह रिंङ केहतु गुनाह माफ लहरी, ध्वांए केरे ला इदि-अई दिऊ गुनाह माफ लंहि।

कुलुस्सियों 1:28

ञेंरे मसीहू पाहठी प्रचार लहज़ा हर इच्च़ा मीहबी परमेश्वरो दोरच़ी रांहषी बुद्धि रंङ साते शिक्षा रंड्रा हिद दिलाएच़ा तंई ताकि हर इच्च़ा मसीह रिंङ सिद्ध विशवासी शुहबी जूंस अपेहल दोरे परमेश्वरो तुईज़ी खड़े शवाहतोर।

2 थिस्सलुनीकियों 3:15

दोरंङ साते झांह ठ्रोह व्यवहार थालंही कि दुह केहतु बैरी शुह। पर इच्च़ा विशवासी न्वा चेहके दुह समझाएक्तुंई।

1 तीमुथियुस 3:3

दुह इच्च़ा शराबी मीह या झांह ठ्रोह शुहबी मेस अंऊ हमेशा लड़ाई लहज़ी बंङज़ा, पर दयालु ए शांत स्वभावो मीह शुहबी जूंस, दंङ माह ए ढबाहो लालची शुहबी जूंस।

1 तीमुथियुस 6:11

पर हे तीमुथियुस, कांह परमेश्वरो मीह शुनाह, कनिंङ दि भत्ते चीज़ लहच़िमी दोरच़ी बचेक्पी जूंशी तोह, दंङ धर्मिकता, भक्ति, विशवास, दाह, धीरज़, ए नम्रता रिंङ लेहकी बंङज़ु।

2 तीमुथियुस 4:2

कि काह परमेश्वरो बचन प्रचार लहज़िमी थल्जी हमेशा तेयार बंङज़ु, मीहच़ी चाहे दि रेड्रोर या माह रेड्रोर। कनिंङ दोतिंङ दि कंड्री ज़रूरी तोह कि दोच़ी छि गलती लहतोर दंङ कांह दोतु पापो थल्जी दोतिंङ रैहचु। पर कनिंङ मीहतिंङ हिम्मत रंड्री जूंशी तोह दंङ कनिंङ धीरज़ा रंङ साते दोतिंङ शिक्षा रंड्री जुंशी तोह।

तीतुस 1:10

गेह दि दिऊ थल्जी कुट्रतग, छना कुचे महसे मीहरे हेले शिक्षाओ विरोध लहज़ातोर, अंऊ दोच़ी बकवास लहज़ातोर ए ऊईतिंङ धोखा रंड्रातोर। खासकर दि यहुदी मीहरे अंऊ विशवासी बणेंके इलजी तोतोर अंऊ उद्धारो थल्जी खतना रिंङ जोर रंड्रातोर।

तीतुस 1:6

इच्च़ा कलीसिया ओ मुख्या बि बेकसूर ए इच्च़ा मेच़ो गगसा शुहबी जूंस, अतु कटुरे विशवासी शुहबी जूंस, दंङ अच़िला ला दोतु टोहकठे दि दोष लगासी माह जूंस कि दोरे बेकाबू ए हुकुमो भाषे माह लहज़ातोर।

इब्रानियों 12:12

दि भत्ते गप्पातु वहज़ा ज़ि, पक्‍का शुचि इलांई दंङ केनातिंङ याहब रम्मा लंहि।

इब्रानियों 13:3

कैदीतु झांह ठ्रोह हाल-चाल रूहक्पा लंहि, कि झांह ञेंहनि कि केरे ला दोतंङ साते कैद रिंङ तोतोंई। अंऊ मीहरे दुखी शवाहतोर, दोतु ला दि समझेके हाल-चाल रूहक्पा लंहि, कि केरे ला दोतु दुखारिंङ शामिल तोतोंई।