1 थिस्सलुनीकियों 5:12 - लाहौली बाइबिल

¹² हे गिऊ प्यारे साथी विशवासी रे, ञेंहच़ी केतंङ साते बिनती लहज़ातंई कि केहच़ी दुह मीहतु आदर लंहि, अंऊ केहतु बिचंङ महस मेहनत लहज़ातोर, दंङ प्रभुरिंङ केहतु अगुवारे तोतोर दंङ केतिंङ सलाह रंड्रातोर।

1 थिस्सलुनीकियों 5:12 Iomraidhean Croise

लूको 10:7

दुह ए घरबारंङ तोनि, दंङ अंऊ ला चीज़ दोतु दोरच़ी खोकसोतो, दुह ए ज़ोहनी ए तुंङमोंई, छना कुचे कम लहज़ा दोतिंङ एनोह ध्याड़ी खोकसी जूंस; चुंङ-चुंङ था ईलांई।

यहून्नो 4:38

गेह केतिंङ दुह रीह वलज़िमी थल्जी चरच़ातग, अतु टोईच़ी केहच़ी मेहनत माह लहतन; ऊई दोच़ी मेहनत लहसी शुह दंङ केहच़ी दुह फसल ठ्रोहका लोहनी।”

प्रेरित 20:28

झांह लेह केरे केनातु ध्यान तंही दंङ दुह झुण्ड़ो ला, अतु पोहाल केतिंङ पवित्र आत्मा ज़ि अंङषी ततो कि केरे परमेश्वरो मीहतु देखभाल लंहि, अपि दोई एनोह शुई रें च़ुमसी शुह।

प्रेरित 20:35

गेह केहतु थल्जी लगातार इच्च़ा उदाहरण बणेंके तोतोग दि कंड्रीमी थल्जी कि छना मेहनत लहज़ी केरे ज़रूरत मंद मीहतु मदत लेह तरपोंई। केतिंङ प्रभु यीशु बचन हिद तहज़ी जूंस छना कुचे दोई एनाह ए कुहषी ततो कि, लेहपच़िमी बदला रंड्रीरी महस खुशी खोकसी।

रोमियो 16:12

त्रूफैना ए त्रूफोसो रिहंङ अंऊ प्रभुरिंङ महसे मेहनत लहज़ातोर। प्यारे पिरसिस रिहंङ अच़ि प्रभु रिंङ महस मेहनत लहरी, दोबि ला गिऊ नमस्कार।

रोमियो 16:6

मरियम ला अच़ि केहतु थल्जी महसे मेहनत लहरी, दोबि ला गिऊ नमस्कार।

1 कुरिन्थियों 12:28

मसीहू दि फुका रिंङ, अंऊ कलीसिया तोह, परमेश्वरे हेंदिंङ शत्‌ह ठ्रोह सेवकाई ओ थल्जी अंङषी ततो: भत्ते बे तुहई, दोई प्रेरित, दूसरा भविष्यवक्ता, दोऊ थल मदत लहज़ा मुख्या, दंङ भत्ते पाहठी भाषा कुट्रा।

1 कुरिन्थियों 15:10

पर अगर तोग गेह प्रेरित शुगाह दंङ दुह परमेश्वरो मोह्ड़े दाह शुह। दंङ दोऊ मोह्ड़े दाह अंऊ गिऊ टोईच़ी शुई, दुह शुह्के माह शुई पर गेह ऊई अरिला प्रेरित बे महस मेहनत ला लहरिगा ता दि गिऊ दोरच़ी मशत पर परमेश्वरो मोह्ड़े दाह गिऊ दोरच़ी कम लहज़ाते।

1 कुरिन्थियों 16:16

झांह लेह गेह केतंङ साते विनती लहज़ातग, कि झांह ठ्रोह सेंहणातु भाषे लंहि, बल्कि हर इच्च़ा बि अंऊ दोच़ी महस मेहनत लहज़ातोर दंङ अंऊ दोरे झांह ठ्रोह सच्ची भक्ति रंङ साते सेवा लहज़ातोर।

1 कुरिन्थियों 16:18

दंङ दोच़ी गिऊ सेहम पक्‍का लहरिर ठीक ध्वांए दोच़ी केहतु थल्जी लोहर अपेहल दोरे केहतु कछंङ अपोर, झांह लेह केतिंङ झांह ठ्रोह मीहतु आदर लेह जूंशी तोह।

1 कुरिन्थियों 3:9

हेनर परमेश्वरो साथी शुई; दंङ केरे कुरिन्थुस ओ विशवासी इच्च़ा रिहो ठ्रोह तोतोंई अंऊ परमेश्वरो तोह। साते ए, गेह केहतु बराबरी इच्च़ा चुंङ ज़ि लेह तरपोग अपि परमेश्वर बणाच़ी लेहकी तोह।

2 कुरिन्थियों 11:23

छि दोरे ए मसीहू सेवक शुरे आ? (गेह बमजी बराबर कुट्रातग) गेह दोतु बे बढ़कर शुगाह! गेह दोतु बे महस मेहनत लाहतग, दोतु बे महस कैदी बणेंके इलिगा, महस फेरा तेंङसी शुगाह, महस फेरा गिह्बी मौतो सामना लहज़ी लेहती।

2 कुरिन्थियों 5:9

झांह लेह हेंदु सेहमो हिटी दि तोह, कि अगर हेनर दोरंङ साते स्वर्गंङ बंङज़ोंई या धरती रिंङ बंङज़ोंई, पर हेनर प्रभु बि खुश लोहवा लोहनि।

2 कुरिन्थियों 6:1

परमेश्वररंङ साते कम लहज़ा शुहबी रंङ साते हेनर करंङ साते दि विनती लहज़ातंई कि परमेश्वरो मोह्ड़े दाह केहतु टोईच़ी शुहचा, दोबि ध्यांए इबि थारांई;

गलातियों 4:11

छिल्ला धिर केहच़ी लहज़ातंई दोऊ वहज़ा ज़ि गिह्बी बेह्द तोह, कि झांह शुहबी मेस कि अंऊ मेहनत गेह केहतु थल्जी लहसी शुह दुह शुह्के शुचि योतो।

फिलिपियों 2:16

झांह लेह गेह मसीहू यह्च़ा अपिमी ध्याड़ो थल्जी दि गप्पो टोहकठे घमण्ड लेह तरपोग कि गिऊ कोशिश ए मेहनत लहज़ी बेकार माह शुई।

फिलिपियों 2:19

गिह्बी प्रभु यीशु रिंङ उम्मीद तोह कि गेह तीमुथियुसाबि केहतु कछंङ युरनाह च़रपोग, ताकि अपेहल दुह वापिस अपतो, केहतु दशा रेड्राते गिऊ याहब बढेक्पोतो।

कुलुस्सियों 1:29

झांह लेह दिबी पूरा लहच़िमी थल्जी गेह महस मेहनत लहज़ातग, दुह मोह्ड़े सामर्थो इस्तेमाल लहज़ा ते अंऊ मसीह रंड्रा दंङ अच़ि गिऊ अन्द्रेग कम लहज़ा।

1 थिस्सलुनीकियों 2:9

हे गिऊ प्यारे साथी विशवासी रे, केहच़ी ञेंहतु मेहनत ए कष्ट हिद तहच़ातंई, कि ञेंहच़ी झांह लेह रात दिन कम धन्धा लहच़ी ते केहतु बिचंङ परमेश्वरो रूठे खबरो प्रचार लहरिग, ताकि ञेंहतिंङ छि ज़रूरत तोह दोबि पूरा लहच़िमी थल्जी केतिंङ छल्ले रंड्रीमी ज़रूरत माह।

1 थिस्सलुनीकियों 4:1

हे गिऊ प्यारे साथी विशवासी रे, थल मुखंङ ञेंरे प्रभु यीशु मसीहू मिंदंङ केतंङ साते बिनती लहज़ातंई दंङ केतिंङ समझाएक्च़तंई, कि केरे झांह ठ्रोह चाल ज़ोई अंऊ परमेश्वराबि खुश लोहतो। अंऊ गेह केतिंङ सिखाएकातग केरे तुहई बेहच़ी ध्यांए ठ्रोह तोहई, दंङ ञेंरे केतिंङ ध्यांए लहच़िमी थल्जी ऊई ला उत्साहित लोहनि।

1 थिस्सलुनीकियों 5:14

दंङ हे गिऊ प्यारे विशवासी साथी रे, ञेंहच़ी केतंङ साते बिनती लहज़ातंई, कि केहच़ी दुह मीहतिंङ खबरदार लंहि अंऊ सुस्त शुहचे इलजी तोतोर, दंङ दुह मीहतिंङ उत्साहित लंहि अंऊ डरपोक तोतोर, दंङ अंऊ विशवासरिंङ कमज़ोर तोतोर दोतु मदत लंहि, दंङ भत्ते तंङ साते सहनशीलता रंङ साते बंङज़ु।

1 तीमुथियुस 5:1

अरिला यङदे मीहबी अपमान लहज़िमी ठ्रोह रैहचु था पर दोबि केनोह बाह ओ बराबर चेहके आदरा रंङ समझाएक्तुंई, दंङ जवानातिंङ केनातु न्वा चेहके सलाह रांई।

1 तीमुथियुस 5:20

अंऊ मीहच़ी पाप लहज़ातोर, कनिंङ दुह मीहतिंङ भत्ते विशवासी तु तुईज़ी रैहच़ी जूंशी तोह, ताकि ऊई विशवासी ला पाप लहच़िमी रंङ साते बेऊर।

2 तीमुथियुस 2:6

अंऊ मज़दूर मेहनत लहज़ा, फसलो मुन्डो हिस्सा ओ हकदार दुह ए शुह।

तीतुस 1:3

दंङ हेंतेग ठीक टेमारिंङ, परमेश्वरे दि रूठे खबर हेंदु तुईज़ी प्रगट लहरी, दंङ हेनर दिऊ प्रचार भत्ते तु बिचंङ लहज़ातंई हेंदु उद्धारकर्ता परमेश्वरे दि हुकुम रंड्रा गिह्बी ज़िम्मेवारी रंदे कि दोऊ थल्जी दि कम लोहग।

तीतुस 1:5

गेह झांह लेह कनिंङ क्रेते टापूरिंङ (मतलब समुंद्रो बिचंङ अंऊ ज़मीन शुहबी दोबि टापू कुट्री) केट्रा अतिगा, ताकि कांह दोर्तिंङ हेंदु कम पूरा लेह तरपोन दंङ क्रेते टापू ओ हर शहर रिंङ कलीसिया ओ सेंहणा अंङे च़रतु, ध्वांए छना लहज़िमी गेह हुकुम रांहषी तातग।

तीतुस 2:15

झांह लेह तीतुस गेह जुंज़ातग कि कांह क्रेते टापू अविशवासी तिंङ दि गप्पा सिखातु अंऊ गेह कनिंङ कांहषी तातग। केनोह मीहतिंङ दि लहज़िमी थल्जी उत्साहित लोह, अंऊर ज़रूरत शोतो, दोर्तिंङ दोतिंङ सुधार लोह। कनिंङ झांह लहच़िमी भत्ते अधिकार तोह, अच़िया कांह अपमान लेह माह जूंस।

इब्रानियों 13:17

केनातु अगुवा तु मनेक्तुंई; दंङ दोतु अधीन बंङज़ेंई, दोरे केहतु टोईच़ी नज़र केहषी तातोर ताकि केरे भटकेगी माह जूंस। छना कुचे दोतिंङ एनोह सेवा ओ लेखा परमेश्वरा बि रंड्री पढ़ेक्पोतो; केरे दोऊ मनेक्तुंई, ताकि दू दि कम खुशी रंङ साते लोहतो, छना कुचे दुखी शुहचे सेवकाई लहज़िमी छल्ले फायदा माह।

इब्रानियों 13:7

अंऊ केहतु अगुवा तोईरे, दंङ अच़ि केतिंङ परमेश्वरो बचन सुनाच़ी तातोर, दोतिंङ हिद तंही; दंङ ध्याना रंङ साते दोतु जीवन खंई, कि छना दोच़ी एनोह जीवन‍‍ श्रींङमातोर, दंङ सिमी मुक्का तचेक परमेश्वरो विशवासा रिंङ पक्‍का बणेंके बंङज़िरे। झांह लेह हेंदिंङ ला परमेश्वरो टोईच़ी ध्वांए ठ्रोह विशवास लहज़ी लेह्पोतो छना दोच़ी लहसी तरेर।

प्रकाशित वाक्य 1:20

हेंतेग गेह कमोग कि गिऊ सुचंङ गुहड़रिंङ निह्ज करज़े तु छि मतलब तोह दंङ ज़ङों निह्ज दिवटो छि मतलब शुह। दिऊ मतलब दि तोह: निह्ज कर दुह स्वर्गदूता तु पाहठी कंड्रातोर अंऊ दोच़ी निह्ज कलीसिया ओ रखवाली लहज़ातोर दंङ निह्ज ज़ङों दिवट निह्ज कलीसिया बि कंड्रातोर।

प्रकाशित वाक्य 2:12

पिरगमुन शहरो कलीसिया ओ स्वर्गदूता तिंङ दि चेहओ: “अतु कछंङ तेज झुह्ट धारी तलवार तोह”, दोई दि कुट्रा:

प्रकाशित वाक्य 2:18

“थुआतीरो शहरो कलीसिया ओ स्वर्गदूताबि चेऊ” “परमेश्वरो योह अतु टिरा मेहू ठ्रोह तोह, दंङ अतु कोंज़ा रूठे रिओह ठ्रोह चमकदार तोह, दोई दि कुट्रा।”

प्रकाशित वाक्य 2:3

केई धीरज़ रंङ दुख सहन लहज़ातन, छना कुचे काह गिऊ टोईच़ी विशवास लहज़ातन, दंङ केई अपेहल ला सेवा लहज़ी बंद माह लहज़ातन।

प्रकाशित वाक्य 2:8

स्मुरना शहरो विशवासी तु मंडली ओ स्वर्ग दूताबि दि चेऊ: “बेऊ था; गेह मुण्डो ए थल मुखंङ तचेक शुगाह, दंङ गेह दुह शुगाह अंऊ जहानो जुंशी शुगाह।” गेह इच्च़ा फेरा सिए इलजी तोईगा पर एंतेग गेह श्रींङे तोतोग दंङ हमेशा श्रींङे बंङज़ोग, अंऊ गेह कुट्रातग दुह रेड्रुंई।

प्रकाशित वाक्य 3:1

“दोई गिऊ हखा दि ला कुई कि” सरदीस शहरो कलीसिया ओ स्वर्गदूता बि दि चेऊ, “कि अतु दोर परमेश्वरो निह्ज़ी आत्मा ए निह्ज़ी कर तोह, दोई कुट्रा, कि गेह कनु कम ञेंच़ातग, कि काह श्रींङे ता तोतोन”, पर सिए इलजी तोतोन।

प्रकाशित वाक्य 3:14

लौदीकिया शहरो कलीसिया ओ स्वर्गदूता बि दि चेऊ: “कि दि खबर दोऊ तरफे तोह अंऊ अमीन तोह। दुह विशवासो जोगे ए परमेश्वरो पाहठी सच्चाई बि प्रगट लहज़ा, दंङ गेह दुह तोतोग अतु दोरच़ी परमेश्वरे भत्ते चीज़ा तु रचना लहरी।”

प्रकाशित वाक्य 3:7

फिलेदिलफिया शहरो कलीसियाओ स्वर्ग दूताबि दि डाक च़ेऊ, कि दि खबर दोऊ दोरच़ी शुह अंऊ पवित्र ए सत्य तोह, दुह अतु कछंङ दाऊदो राजो अधिकार तोह। अगर दोई पेतंङ अलज़ा, दंङ अच़िला दुह बंद लेह मरच़ि। दंङ अगर दोई दुह बंद लेह केई, दंङ अच़िला दुह अल्ज़े मरपोतो। दोई दिए कुट्रा कि,