1 थिस्सलुनीकियों 5:11 - लाहौली बाइबिल

¹¹ झांह लेह इदि अईदि बि याहब रम्मा लंहि, दंङ परमेश्वरो टोहकठे ऊई ला महस पक्‍का विशवास लहज़िमी थल्जी इदि अई दिऊ मदत लोहवा लंहि, छना कि केहच़ी लोहवा ला लहज़ातंई।

1 थिस्सलुनीकियों 5:11 Iomraidhean Croise

रोमियो 14:19

झांह लेह हेनर दू गप्पातिंङ लहज़िमी कोशिश लोंहि अंऊ मीहतिंङ शांति रंङ साते ठ्रोहका शुहचे बंङज़िमी वहज़ा शवाह दंङ विशवास पक्‍का लहज़िमी थल्जी, इदि-अई दिऊ मदत लोहवा लंहि।

रोमियो 15:14

हे गिऊ प्यारे साथी विशवासी रे, गिह्बी पूरा विशवास तोह कि, केरे भलाई रंङ साते पिंङे तोंई दंङ केहच़ी दि रूठे रंङ ञेंच़ातंई कि केतिंङ छि लेह जूंशी तोह। दंङ इदि-अईदि बि सिखाएच़ा लोह।

रोमियो 15:2

हेंदु बिचंङज़ि हर इच्च़ा बि हेंदु साथी विशवासी ओ थल्जी कम लेह जूंशी तोह, अंऊ दोऊ थल्जी रूठे तोह दंङ दोबि खुश लोहतो ए दोबि विशवासा रिंङ पक्‍का लोहतो।

1 कुरिन्थियों 10:23

हेनर छिल्ला लहज़िमी थल्जी तेयार आज़ाद तोतोंई। वोई, पर हेंदु थल्जी भत्ते धिर रूठे माह। हेनर छिल्ला धिर लहज़िमी थल्जी आज़ाद तोतोंई, पर भत्ते धिर परमेश्वरा रिंङ हेंदु विशवास बि पक्‍का माह लहज़ा।

1 कुरिन्थियों 14:12

झांह लेह केरे ला अपेहल आत्मिक वरदान खोकसिमी हिटी तहज़ातंई, अंऊ पवित्र आत्मा केतिंङ रंड्रा, दंङ दू वरदानो इस्तेमाल लहज़िमी थल्जी झांह ठ्रोह कोशिश लोहवा लंहि कि दू वरदानो दोरच़ी कलीसिया भत्ते तरीका रंङ विशवासारिंङ पक्‍का शुहचे योतो।

1 कुरिन्थियों 14:29

भविष्यवक्ता तु बिचंङ झुह्ट या षुमु कुंई, दंङ दि ज़रूरी तोह कि ऊई मीहरे ला रेड्रोर दंङ परखेकेपोर कि दोई छि कुट्रा दू पवित्र शास्त्रो हिसाबे ठीक तोह आ माह।

1 कुरिन्थियों 14:5

गेह जुंज़ातग कि केरे भत्ते शत्‌ह भाषारिंङ गप्पा लंहि पर महसे दि जुंज़ातग कि भविष्यवाणी लंहि; छना कुचे शत्‌ह भाषा कुट्रा मीह दि गप्पो व्याख्या लेह मरच़ा कि दू कलीसिया रिंङ विशवासी तु विशवास पक्‍का लहज़िमी थल्जी छि क्वात, दंङ अंऊ मीह भविष्यवाणी लहज़ा दोई महस जूंशी कम लहज़ा।

2 कुरिन्थियों 12:19

हे गिऊ प्यारे साथी विशवासी रे, केरे हेंतेग तचेक समझेक्सी लेहकी शोंई कि ञेंरे केहतु तुईज़ी हेंदु सफाई रंड्रातंई, ञेंरे ता परमेश्वरा बि हेंदु तुईज़ी ञेंई ते मसीहरिंङ दि कुट्रातंई, दंङ दि भत्ते गप्पार केतिंङ विशवासा रिंङ बडेकेक्पिमी थल्जी कुट्रातंई।

इफिसियों 4:12

अंऊ दिरंङ साते पवित्र मीहरे सिद्ध शुहचे योरे दंङ सेवाऊ कम लोहवा लोहरे मसीहू फुकरिङ तरक्की खोकसोतो।

इफिसियों 4:16

छना ठ्रोह इच्च़ा मीहु फुक दोऊ भत्ते जोड़ो दोरच़ी इच्च़ा साते जुड़ेके बंङज़ा, ध्वांए ठ्रोह मसीह हेंदिंङ भत्ते तिंङ अंऊ दोऊ टोहकठे विशवास लहज़ातंई, एनोह फुको अंङों ठ्रोह जोड़ेके तहज़ा। दंङ, अपेहल फुको भत्ते अंङ रूठे रंङ कम लहज़ातोर दंङ फुक बणेक्पा दंङ पक्‍का शवाह; ध्वांए, अपेहल हेंदु बिचंङ ज़ि इच्च़ा ज़ि दू कम लहज़ा अंऊ मसीह हेंदिंङ रांहषी ततो दंङ हेनर ला सिद्ध ए पक्‍का शुहचे बड़ेकी योंई, दंङ इदि-अई दिरंङ साते ऊई ला महस दाह लोहनि।

इफिसियों 4:29

अंऊ ला झखंजी गप्पा केहतु आहच़ि हुंच़ी मेस, पर दू गप्पारे कुंई अंऊ मीहतु थल्जी ज़रूरी तोह, अंऊ कि दोतिंङ विशवास रिंङ पक्‍का लहज़िमी थल्जी मदत लोहतो। दू मुक्का छिल्ला केहच़ी कुंई दू केहतु रेड्रा दोतु थल्जी रूठे शोतो।

1 थिस्सलुनीकियों 4:10

दंङ मकिदुनिया प्रदेशो भत्ते विशवासी न्वा तंङ साते दाह लहज़ातंई। पर हे गिऊ प्यारे साथी विशवासी रे, ञेंहच़ी केतंङ साते विनती लहज़ातंई, कि दिरंङ ऊई ला बड़ेकी इलांई,

1 थिस्सलुनीकियों 4:18

झांह लेह दि गप्पा रंङ साते इदि-अईदि बि हिम्मत रमा लंहि।

इब्रानियों 10:25

अतंई हेनर परमेश्वरो अराधना लहज़िमी थल्जी ठ्रोहका शुहबी छोड़ेक्पोंई माह, छना कि रें मीहच़ी लहज़ातोर। पर हेंदिंङ इदि-अईदि बि याहब रंड्री जूंस दंङ चेतावनी रंड्री जूंशी तोह, खास लहज़ी हेंतेग कि अपेहल यह्च़ा प्रभु वापिस अपिमी ध्याड़ा कछंङ अपि लेहकी तोह।

इब्रानियों 3:13

पर अपेहल तचेक हेनर दुह मुक्का ओ ध्याड़ा, अपि पवित्र शास्त्रा रिंङ “तोग कि ध्याड़ा” कुट्री तरपोंई, केहतु तुईज़ी तोह, हर ध्याड़ा इदि-अईदि बि याहब रम्मा लंहि, झांह शुहबी मेस केहतु बिचंङ अरिला पापो बहकावा रिंङ अंज़े ढीठ शुहचे योंई।

2 पतरस 1:12

हालांकि केहच़ी तुहई बेहच़ी ए दि गप्पारे ञेंहच़ातंई, दंङ दुह हेले ज्ञानो टोईच़ी विशवास लहज़ातंई, अंऊ मीहच़ी केतिंङ रांहषी तातोर, गेह केतिंङ दोतु पाहठी लगातार हिद रम्मा लोहग।

यहूदा 1:20

पर हे गिऊ प्यारे साथी विशवासी रे, केतिंङ इदि-अई दिऊ मदत लेह जूंशी तोह ताकि दुह पवित्र सच्चाई रिंङ अंऊ दोऊ टोईच़ी केहच़ी विशवास लहज़ातंई, इदि-अईदि बि बढाके तरपोंई। केतिंङ पवित्र आत्मो सामर्थो दोरच़ी मार्गदर्शन खोक्शे प्रार्थना लेह जूंशी तोह।