1 थिस्सलुनीकियों 5:10 - लाहौली बाइबिल

¹⁰ यीशु मसीह हेंदु थल्जी झांह लेह सि इलि, कि हेनर चाहे श्रींङमोंई या सिए योंई, अपेहल प्रभु यीशु मसीह वापिस अपतो दंङ दुह मुक्का हेनर हमेशा दोरंङ साते बंङज़ी तरपोंई।

1 थिस्सलुनीकियों 5:10 Iomraidhean Croise

मत्ती 20:28

छना कि गेह मीहू योह; दिऊ थल्जी अंज़े मशुह कि गिऊ सेवा टहल शुहबी जूंस, पर दिऊ थल्जी अंज़े शुह कि सेवा टहल लोहग, दंङ महसतिङ बचाएच़िमी थल्जी घेंङौ जान रमोग।”

यहून्नो 10:11

रूठे पोहाल गेह शुगाह। रूठे पोहाल ए एनोह त्रैंईतु थल्जी एनोह जहानो ला रें चरच़ि।

यहून्नो 10:15

छना पिता परमेश्वरे ए गिह्बी सेहच़ा दंङ गेह पिता परमेश्वर बि सेहचातग। दंङ गेह दोतु थल्जी सीमी ला तेयार तोतग।

यहून्नो 10:17

गेह घेंङौ जहान रंड्रातग दिऊ थल्जी पिता परमेश्वरे गेरंङ साते दाह लहज़ा, कि गेह यह्च़ा षीङे योग।

यहून्नो 15:13

अतुआ कछंङ दिह कंड्रिमी थल्जी कि दोई एनोह मित्रा रंङ अंयों दाह लहज़ा, दिहबे मोह्ड़े ऊई छले तरीका माह कि दोई दोतिंङ बचाएच़िमी थल्जी एनोह जहान ला रें च़रपोतो।

रोमियो 8:34

अच़िला हेंदु निन्दा लेह मरपोतो छना कुचे दू यीशु मसीह तोह, अंऊ हेंदु थल्जी सिए इलि, दंङ सिए दोतु बिचंङ ज़ि श्रींङमी लहरी हेंतेग परमेश्वरो सुचंङ हासी तोह, दंङ हेंदु थल्जी बिनती लहज़ा।

1 कुरिन्थियों 15:3

झांह लेह गेह केतिंङ दुह खास खबर कंङातेग अंऊ गिह्बी प्रभु यीशु दोरच़ी खोकसते। कि पवित्रशास्त्रो बचनो हिसाबे यीशु मसीह हेंदु पापो थल्जी सिए इलि,

2 कुरिन्थियों 5:15

दंङ झांह लेह मसीह भत्ते तु थल्जी सिए इलि, कि अंऊ श्रींङे तोरे, दोरे तुंखा सिर्फ एनाबि खुश लहज़िमी थल्जी श्रींङमी माह जूंस पर दोतिंङ मसीहू थल्जी श्रींङमी जूंस। मसीह दोतु थल्जी सिए इलि दंङ बाह परमेश्वरे दोबि श्रींङमी लहरी।

2 कुरिन्थियों 5:21

मसीह, अंऊ पापो दोरच़ी अंजान तोहई, परमेश्वरे हेंदु पापो थल्जी मसीह बि पापो दोष लगाएती ठहराति, ताकि हेनर परमेश्वरो नज़रा रिंङ धर्मी शुहचे योंई छना कुचे मसीह ज़ि हेंदु पापो सज़ा एनोह टोहकठे लेहपच़े च़रति।

इफिसियों 5:2

मसीहू उदाहरणो हिद लहज़ा, ऊईतु थल्जी दाह रंङ साते जीवन श्रींङमा तंई, अच़ि केतंङ साते दाह लहज़ा दंङ केहतु पाप उठाएच़िमी थल्जी एनाबि बलिदान लेह च़रति। दंङ दिरंङ खुश तोहई छना कुचे दू बलिदान दोऊ थल्जी इत्रो ठ्रोह तोह।

1 थिस्सलुनीकियों 4:13

हे गिऊ प्यारे साथी विशवासी रे, ञेंहच़ी दि ञेंच़ातंई कि केहच़ी दि ञेंई च़रतेंई कि दुह विशवासी तंङ साते छि शोतो अंऊ तुहई ए सिए इलोर। झांह शुहबी मेस, कि केरे ऊईतु ठ्रोह शोक लंहि अंऊ दोतिंङ उम्मीद ए माह, कि सिमी थल दोरे यह्च़ा श्रींङी योर।

1 थिस्सलुनीकियों 4:15

ञेंरे प्रभु यीशु बचनो हिसाबे केतंङ साते दि कुट्रातंई, कि अंऊ हेनर श्रींङे तोतोंई, प्रभु यीशु यह्च़ा वापिस अन्जा तचेक बचेकी बंङज़ोर, दंङ दोरे विशवासी अंऊ तुहई सिए इलोर हेंदंङ बे तुहई प्रभु यीशु मसीहरिंङ साते दोआ योर।

1 थिस्सलुनीकियों 4:17

दोऊ थल अंऊ श्रींङे ए बचेकी तोतोर, दोतंङ साते डुह रिंङ अच़ा योंई कि स्वर्गारिंङ प्रभु यीशुरंङ साते दोओनि, दंङ दुह मुक्का बे हेनर हमेशा प्रभु रंङ साते बंङज़ोंई।

1 थिस्सलुनीकियों 5:6

झांह लेह हेनर अविशवासी ठ्रोह इमरिंङ माह बंङज़ी मेस, पर चेहके ए खबरदार बंङज़ुंई।

1 तीमुथियुस 2:6

अच़ि पाप ए सिमी शाक्ति ओ दोरच़ी भत्ते मीह तिंङ आज़ाद लेह च़रच़िमी थल्जी एनाबि बलिदान लेह केहई दोऊ मौतो दोरच़ी, परमेश्वरे ठीक टेमारिंङ दि सबूत रें च़रति कि दुह भत्ते मीहतिंङ बचाएच़ी जुंज़ा।

2 तीमुथियुस 2:11

दि गप्पा कि अगर ञेंरे मसीह रंङ साते सिए इलजी तोतोंई दंङ दोरंङ साते श्रींङमोंई ला।

तीतुस 2:14

यीशु मसीह हेंदु थल्जी सिए इलि ताकि हेंदिंङ भत्ते पाहठी पापो दोरच़ी आज़ाद लोहतो दंङ हेंदिंङ शुद्ध लेह तरपोतो ताकि हेनर दोऊ खास मीहरे बणेंके योंई। अंऊ रूठे कम लहज़िमी थल्जी भत्ते तरफे समर्पित शोतो

1 पतरस 2:24

अपेहल मसीह सिए इलि, दंङ हेंदु पापो थल्जी क्रूसो टोईच़ी दोऊ फुका बि तकलीफ रेंईर ताकि हेनर पाप लेह बन्द लेह केओनि दंङ धर्मिकता रंङ साते श्रींङमी शुरू लोहनि। दंङ दू घाहो वहज़ा ज़ि अंऊ दोई सहन लहरी, हेनर ठीक शुहचे इलजे तोतोंई।

1 पतरस 3:18

गेह दि दिऊ थल्जी कुट्रातग, छना कुचे मसीह ज़ि हेंदु पापो थल्जी दुख सहन लहरी दंङ सिए इलि। दू सिर्फ इच्च़ा फेरा सिए इलज़ा दंङ दोबि दोहराएच़िमी ज़रूरत माह। दू इच्च़ा धर्मी मीह तोहई अंऊ पापी मीहतु थल्जी सिए इलि ताकि दू हेंदिंङ परमेश्वरो कछंङ रैंज़ा शोतो। दोच़ी दोऊ फुक सचे च़रतिर, पर परमेश्वरे दोबि पवित्र आत्माओ सामर्थ रें यह्च़ा श्रींङमी लेह च़रति।