1 थिस्सलुनीकियों 4:9 - लाहौली बाइबिल

⁹ दंङ विशवासी भाईचाराऊ दाह ओ पाहठी दि ज़रूरी माह कि गेह केतिंङ छा च़ेओग, छना कुचे केनातु बिचंङ दाह तहच़ि केहच़ी केनाच़ि ए परमेश्वरो दोरच़ी सीखेसी तातंई;

1 थिस्सलुनीकियों 4:9 Iomraidhean Croise

मत्ती 22:39

दोऊ ठ्रोह अई दिह तो कि, केई केनोह पड़ोसीतंङ केनोह ठ्रोह दाह तोह।

यहून्नो 14:26

पर केहतु मदतगार मतलब दुह पवित्र आत्मा अतिंङ पिता परमेश्वरे गिऊ अधिकारंङ च़रपोतो, दुह पवित्र आत्मा ए केतिंङ भत्ते गप्पा सिखाएपोतो, दंङ छिला धिर गेह केतंङ साते कुहषी तातग, दुह भत्ते धिर केतिंङ हिद दिलाएपोतो।”

प्रेरित 4:32

दंङ बिशवास लहज़ातु मंडली इच्च़ा सेहम ए इच्च़ा प्राण तोहई, देहर तचेक कि अच़िला एनोह टंगा ढबाह एनोह माह कुट्रातेर, छना कुचे अंऊ दोतु कछंङ तोहई दुह भत्ते तंङ साते फज़ातेर।

रोमियो 12:10

इच्च़ा टबरातु ठ्रोह इदि-अई दिरंङ साते दाह लोहवा लंहि, हर इच्च़ा मीहबी केनाबे बढ़कर ञेंहनि।

2 कुरिन्थियों 9:1

हेंतेग यरूशलेम शहरो विशवासी तु मंडली बि दान रंड्रीमी सेवा ओ पाहठी च़ेहच़ी गिह्बी ज़रूरत माह।

फिलिपियों 3:15

हेनर भत्तेर अंऊ पक्‍का रंङ मसीह रिंङ विशवास लहज़ातंई झांह सोचेक्सी जूंस दंङ अगर अंऊ आ गप्पारिंङ केहतु ऊई ए विचार शुई ता परमेश्वर दोबि ला केहतु टोईच़ी प्रगट लेह च़रपोतो।

1 थिस्सलुनीकियों 5:1

हे गिऊ प्यारे साथी विशवासी रे, केतिंङ दि कंड्रिमी ज़रूरत माह कि प्रभु यीशु अपेहल दोबारा अपतो।

इब्रानियों 10:16

“यह्च़ा प्रभु ज़ि कुट्रा कि” “अंऊ खरकोई वाईदा गेह दू ध्याड़ो थल इस्राएलो मीहतंङ साते लोहग, दू दि तोह कि गेह घेंङौ कानून दोतु सेहमो टोईच़ी च़ेओग, दंङ गेह दोतु अन्तरात्मा रिंङ केहऊ।”

इब्रानियों 13:1

केनातु बिचंङ रिंङ-न्वारे तु दाह लोहवा लंहि।

1 पतरस 3:8

थल मुखंङ, गेह केतंङ साते दि कुट्री जुंज़ातग, कि केरे केनातु बिचंङ ठ्रोहका शुहचे बंङज़ुंई, दंङ इदि-अई दिऊ चिंद लोहवा लंहि, दंङ इच्च़ा टबरातु ठ्रोह केनातु बिचंङ दाह लोहवा लंहि, ऊईतु टोईच़ी दया लोहवा लंहि इदि-अई दिरंङ साते नम्र शुहचे तोहई।

1 पतरस 4:8

भत्ते बे मोह्ड़े गप्पा दि तोह कि इदि-अई दिरंङ साते महसे बे महसे दाह लंहि, छना कुचे अगर केरे मीहतंङ साते दाह लहज़ातंई, दंङ केरे हमेशा अंऊ ला पाप बि माफ लहज़िमी थल्जी तेयार बंङज़ोंई, अंऊ दोच़ी लहसी ततोर।

2 पतरस 1:7

पर केतिंङ माह सिर्फ झांह ठ्रोह तरीका रंङ श्रींङमी जूंशी तोह अंऊ परमेश्वरा बि खुश लहज़ा, पर केतिंङ इदि-अई दिऊ विशवासी तंङ साते केनातु टबरातु ठ्रोह व्यवहार लहज़ी जूंशी तोह, पर केतिंङ ऊई मीहतंङ साते दाह ला लहज़ी जूंशी तोह।

1 यूहन्ना 2:10

अच़िला एनोह विशवासी न्वा तंङ साते दाह तहच़ा दुह छंङीरि बंङज़ा, दंङ दिऊ थल्जी दोऊ अन्द्रेग झांह ठ्रोह छल्ले माह अंऊ ऊईतु पापो बहज़ा बणेक्पोतो।

1 यूहन्ना 3:11

अंऊ समाचार केहच़ी शुरूआत बेहच़ी थाक्शी तातंई दुह, दि तोह कि हेनर इदि, अईदिरंङ साते दाह लोहंई;

1 यूहन्ना 3:23

दंङ दोऊ हुकुम दि तोह कि हेनर दोऊ योह यीशु मसीहू मिंदंङ विशवास लोंई, दंङ छना दोई हेन्दिंङ हुकुम रांहषी ततो दोऊ ए हिसाबे हेंदु बिचंङ दाह लोहनि।

1 यूहन्ना 4:21

दंङ परमेश्वरो दोरच़ी हेन्दिंङ दि हुकुम खोकसा तोह, कि अच़िला एनोह परमेश्वरारंङ साते दाह तहच़ा, दोई एनोह विशवासी न्वा रंङ साते ला दाह लोह।