1 थिस्सलुनीकियों 4:8 - लाहौली बाइबिल

⁸ झांह लेह अंऊ ला दि कानूनो भाषे माह लहज़ा, दोई मीहतिंङ मशत पर परमेश्वरो कानून माह ञेंहच़ा, अच़ि एनोह पवित्र आत्मा केतिंङ रांहषी ततो।

1 थिस्सलुनीकियों 4:8 Iomraidhean Croise

लूको 10:16

“दंङ यीशुज़ि एनोह सनी चेला तिंङ कुहतो, अंऊ ला केहतु रेड्रा, दोई गिऊ रेड्रा; दंङ अच़िला केहतु शिक्षा माह रेड्रोर दोरे गिह्बी माह चेहच़ातोर, दंङ अच़िला गिऊ गप्पा माह मनेक्च़ातेर दोरे दोबि ला माह मनेक्च़ातेर अंऊ दोई गिह्बी च़रतो।”

यहून्नो 12:48

अच़ि गेह तुच्छ चेहच़ा दंङ गिऊ गप्पार ग्रहण माह लहज़ा दोबि दोषी ठेहराएच़ा इच्च़ा तोह; मतलब अंऊ बचन गेह कुहषी तातग, दोई अंतिम ध्याड़ा रिंङ दोबि दोषी ठहराएपोतो।

प्रेरित 13:41

हे ठ्ठाठा लहज़ा मीहरे, खंणुई, दंङ हेरान शुई, दंङ योह्सा इलांई; छना कुचे गेह केहतु तुईज़ी झांह ठ्रोह कम लहज़िमी तोतग; कि अगर अच़िया केतंङ साते दोऊ पाहठी रूठे रंङ कम्बोतो, तांला केहच़ी अपेहला विशवास माह लोहनि।

रोमियो 5:5

दंङ उम्मीदारंङ शार्मिन्दगी माह शुहबी, छना कुचे पवित्र आत्मा अंऊ हेंदिंङ परमेश्वरे रांहषी ततो दोऊ दोरच़ी परमेश्वरे एनोह दाह रंङ साते हेंदु सेहम पिंङे केहतो।

1 कुरिन्थियों 2:10

पर परमेश्वरे दि गप्पा हेंदु टोईच़ी मतलब प्रेरिता तु टोईच़ी एनोह पवित्र आत्माऊ दोरच़ी प्रगट लहरी, छना कुचे झांह ठ्रोह छिल्ला माह अंऊ परमेश्वरो आत्माबि पता माह शोतो। देर तचेक कि परमेश्वरो डुह्गे विचार ला दू रूठे रंङ ञेंहच़ा।

1 कुरिन्थियों 7:40

पर अगर दोई यह्च़ा ब्याह माह लहज़ा दंङ गिऊ विचारारिंङ दि ऊई ला महसे रूठे तोह, दंङ गेह समझेक्च़ातग, कि अपेहल गेह केतंङ साते झांह कुट्रातग ता परमेश्वरो आत्माओ तरफे कुट्रातग।

गलातियों 4:6

छना कुचे हेनर परमेश्वरो कटुरे शुई दिऊ थल्जी परमेश्वरे एनोह योह ऊ आत्माबि हेंदु सेहमरिंङ च़रति, अंऊ परमेश्वरा बि “हे अब्बा, ‘हे बाह’ कुचे ते हाऊष रंड्रातंई।”

1 पतरस 1:12

पर परमेश्वरे दि भविष्यवक्ता तिंङ कंड्रिरी कि दोतु खबर दोतु एनातु थल्जी मशत पर केहतु थल्जी तोहई। दू खबर यीशु मसीहू पाहठी रूठे खबर शुह अंऊ केहच़ी हेंतेग रेड्रातंई। परमेश्वरे स्वर्गंङ ज़ि एनोह पवित्र आत्मा चरच़तो कि केतिंङ रूठे खबर प्रचार लहज़िमी थल्जी मीहतु मदत लोहतो। दि भत्ते धोंण अद्धभुत तोह कि देर तचेक कि स्वर्ग दूत कि स्वर्गदूत ला खुशी रंङ दि चीज़ा बि खंड्रातोर।

2 पतरस 1:21

छना कुचे भविष्यवक्ता ज़ि अपेहला अंऊ ला भविष्यवाणी मीहतु हिटी रंङ साते माह कुईर। बल्कि पवित्र आत्माज़ि दोतु विचार काबू लहरी दंङ दोतिंङ दुह बचन कुट्रीमी थल्जी मदत लहरी अंऊ परमेश्वरे जुंज़ा कि दोच़ी कोहर।

1 यूहन्ना 3:24

दंङ अंऊ परमेश्वरो हुकुम मनेक्च़ा, दुह दोरंङ, दंङ परमेश्वर दोरंङ बड़ेकी बंङज़ा: मतलब दुह पवित्र आत्मा रंङ साते अंऊ दोई हेंदिंङ रांहषी ततो, ञेंहच़ी ञेंच़ातंई कि दुह हेन्दंङ साते बड़ेकी बंङज़ा।

यहूदा 1:8

ध्वांए ठ्रोह, दि अधर्मी मीहरे दावा लहज़ातोर कि परमेश्वरे दोतिंङ दर्शना रिंङ कंङातो कि दोरे एनोह हिसाबे श्रींङी एनोह फुक भ्रष्ट लेह तरपोर, दोतिंङ अपिला एनोह टोईच़ी अधिकार लहज़िमी ज़रूरत माह दंङ दोरे महिमामय स्वर्गदूता तु पाहठी मदम कुट्रातोर।