1 थिस्सलुनीकियों 4:7 - लाहौली बाइबिल

⁷ छना कुचे परमेश्वरे हेन्दिंङ अशुद्ध शुहबिमी थल्जी मशत, पर पवित्र ज़िंदगी श्रींङमी थल्जी बुलासी शुई।

1 थिस्सलुनीकियों 4:7 Iomraidhean Croise

रोमियो 1:7

गेह दि डाक रोम शहरो दुह भत्ते मीहतु थल्जी च़ेहसी लेहकी तोतोग, अंऊ परमेश्वरो प्यारे तोतोर, दंङ अतिंङ परमेश्वरे एनोह मीहरे शुहबिमी थल्जी अंङषी ततो; हेंदु बाह परमेश्वर ए प्रभु यीशु मसीहू दोरच़ी केतिंङ मोह्ड़े दाह ए शांति खोकसा लोहतो।

1 कुरिन्थियों 1:2

गेह दि डाक कुरिन्थुस शहरो विशवासी तु थल्जी च़ेहसी लेहकी तोतोग। अतिंङ परमेश्वरे एनोह पवित्र मीहरे शुहबिमी थल्जी अंङे चरच़ाते, ध्वांए ए छना दोई दू भत्ते मीहतिंङ अंङे चरच़ाते अंऊ भत्ते ठहरिंङ हेंदु प्रभु यीशु मसीहू अराधना लहज़ातोर, छना कुचे दू हेंदु भत्ते तु प्रभु शुह।

गलातियों 5:19

केहच़ी रूठे रंङ ञेंहच़ातंई कि मीहरे एनोह हिटी ऊ थलेच़ि ज़ोज़तोर, दोरे छि-छि लहज़ातोर, मतलब कुकम, मदम कम, लुचपन,

इफिसियों 1:4

परमेश्वरे सर्ग ए धरती बणाएषिमी तुहई, मसीहू दोरच़ी हेंदिंङ एनातु मीह शुहबिमी थल्जी अंङे च़रति। ताकि हेनर दोऊ नज़रारिंङ पवित्र ए निर्दोष शुहबी तरपोंई।

इफिसियों 2:10

छना कुचे हेनर परमेश्वरे बणाषी शुई; दंङ यीशु मसीह रिंङ दू रूठे कमो थल्जी बणाषी अपि परमेश्वरे तुहई बेहच़ी हेंदु लहज़िमी थल्जी तेयार लहसी ततो।

इफिसियों 4:1

झांह लेह अंऊ गेह प्रभु यीशु सेवा लहज़िमी वहज़ा रिंङ जेलारिंङ तोतोग, केतंङ साते बिनती लहज़ातग, कि केरे दू बुलाहट रंङ साते अतंङ परमेश्वर एनोह कटुरे शुहबिमी थल्जी बुलाएक्तो, दोऊ हिसाबे केनातु जीवन श्रींङमातंई।

इफिसियों 4:19

दोरे हेंतेग मदम कम लहज़िमी थल्जी एनाबि दोषी माह चेहच़ातोर, झांह लेह दोच़ी एनाबि मदम कम लहज़िमी थल्जी रें च़रतिर। दोरे लगातार भत्ते पाहठी मदम कम लहज़ातोर, दंङ दोरे दुह भत्ते चीज़ा तु लालच लहज़ी अपेहल ला बंद माह लहज़ातोर।

1 थिस्सलुनीकियों 2:3

छना कुचे ञेंहच़ी केतिंङ हप्सी खबर माह सुनाक्तंई दंङ माह ए दुह गलत इरादा रंङ साते, माह ए धोखा रंङ साते तोहई।

2 तीमुथियुस 1:9

अच़ि हेंदु उद्धार लहतो, दंङ हेंदिंङ पवित्र जीवन श्रींङमी थल्जी बुलासी शुई, दोई हेंदिंङ दिऊ थल्जी माह बुलाएक्तो कि हेंज़ी रूठे कम लाहतेन पर एनोह मकसद ए दुह मोह्ड़े दाह ओ हिसाबे बुलाएकते, अतु सकिम परमेश्वरे तुहई ए यीशु मसीह बि दि संसारारंङ च़रच़िमी दोरच़ी बणाकते।

इब्रानियों 12:14

भत्ते तंङ साते मेल मिलाप तंही, दंङ पवित्र जीवन श्रींङमी हर पाहठी कोशिश लोहवा लंहि। दू मेह अच़िला प्रभु बि अपेहल खंई माह रपोर।

2 पतरस 2:10

परमेश्वर दुह हप्सी उपदेश का तिंङ पक्‍का सज़ा रमतो अंऊ एनोह मदम हिटी ओ दोरच़ी कम लहज़ातोर दंङ अंऊ एनोह टोईच़ी परमेश्वरो अधिकार बि इन्कार लहज़ातोर, दोरे ढीठ ए घमण्डी तोतोर। दोरे महिमामय स्वर्गीय जीवा तु पाहठी बुराई लहज़िमी रंङ साते माह बेवातोर।