1 थिस्सलुनीकियों 4:6 - लाहौली बाइबिल

⁶ दंङ केरे केनातु फुको हिटी पूरा लहज़िमी थल्जी केनातु विशवासी न्वारे तंङ खिलाप पाप थालांई, दंङ माह ए दोऊ थल्जी छा चाल लंहि, छना कुचे प्रभु यीशु दोतिंङ सज़ा रमतो अंऊ झांह ठ्रोह कम लहज़ा तोर। छना कि ञेंहच़ी मुण्डारिंङ ए केतंङ साते कुहषी तातंई दंङ हिद ला लाहतंई।

1 थिस्सलुनीकियों 4:6 Iomraidhean Croise

मरकुसो 10:19

केई परमेश्वरो हुकुम ता ञेंच़ातन, हत्या थलाहू, मांजी कम थलाहू, चोरी थलाहू, हप्सी थाकुड़ु, ठ्रोहकटू था, एनोह याह बाहों आदर लोहु।

लूको 12:5

गेह केतिंङ खबरदार लहज़ातग कि केतिंङ अतंङ साते बेई जूंस, परमेश्वरारंङ साते बेंईन अतु कछंङ सच़िमी ए नरकंङ केट्रिमी अधिकार तोह,

लूको 16:28

छना कुचे गिऊ ङा न्वारे तोतोर; गेह जुंज़ातग कि दुह इलजे गिऊ न्वातिंङ खबरदार लोहतो, झांह शुहबी मेस कि दोहरेला दिह दुख खांची अपोर।

रोमियो 1:18

परमेश्वरो रोहष ता स्वर्गो दोरच़ी दुह मीहतु भत्ते पाहठी मदम ए अधर्मो कमो टोहकठे प्रगट शवाह, अंऊ एनोह मदम कमो दोरच़ी मीहतिंङ परमेश्वरो पाहठी सच्चाई ञेंहच़ी रंङ रोकेक्च़ातोर।

रोमियो 12:19

हे गिऊ प्यारे साथी विशवासी रे, केनातु बदला था लेहप्तुंई, पर परमेश्वराबि केनातु थल्जी बदला लेहपच़ी रांई, छना कुचे पवित्रशास्त्रारिंङ प्रभु ज़ि कुट्रा, “बदला लेहपच़ी गिऊ कम शुह, प्रभु ज़ि कुट्रा गेह ए बदला लेहपोग।”

रोमियो 13:4

अधिकारी केहतु मदत लहज़िमी थल्जी परमेश्वरो सेवक शुह। पर अगर केई बुराई लोहन ता, दंङ दोतंङ बेऊ, छना कुचे दोतु कछंङ केतिंङ सज़ा रंड्रीमी थल्जी भत्ते अधिकार तोह, मदम कम लहज़ातिंङ परमेश्वरो सज़ा रंड्रीमी थल्जी दोरे परमेश्वरो सेवक शुरे।

2 कुरिन्थियों 7:11

तांला रेड्रुंई, दिए गप्पो दोरच़ी कि दू दुख, अंऊ परमेश्वर केतिंङ महसूस लहज़ी जुंज़ा। दोऊ दोरच़ी केतिंङ अंयों हिम्मत, दंङ सच्चाई कंड्रिमी थल्जी तेयार, बेह्द, गिह्बी खंड्रिमी हिटी, मेहनत, दंङ न्याय चुकाच़िमी धोंण हिटी; झांह लेह केहच़ी दि मामलारिंङ भत्ते पाहठी निर्दोष शुहबिमी प्रमाण रांहषी तातंई।

गलातियों 5:21

कपट, सरा तुंङे मतवाला बंङज़ा, रंगरलियां मनेक्च़ा, दंङ दीतु ठ्रोह ऊई ला कम तोईरे, अतु पाहठी गेह केतिंङ खबरदार लहज़ातग, छना तुहई ला केतिंङ खबरदार लेह चरच़ातग कि दि कम लहज़ा दोरे परमेश्वरो राजो जोगे माह शोरे।

इफिसियों 4:17

झांह लेह दू अधिकार रंङ साते अंऊ प्रभु ज़ि गिह्बी रांहषी तोह, गेह केतिंङ दि कुट्रातग कि केरे अविशवासी मीहतु ठ्रोह बेकार विचारा रंङ साते केनातु जीवन बरबाद था लंहि।

इफिसियों 4:28

चोरी लहज़ा यह्च़ा चोरी थालोहू; पर दोबि ईमानदारी रंङ साते मेहनत लहज़ी जूंशी तोह, ताकि गरीब मीहतु मदत लहज़िमी थल्जी दोऊ कछंङ छा शोतो।

इफिसियों 5:6

दिरे मीहतु दोरच़ी मुर्ख था बणेक्तेंई अंऊ दि पापो थल्जी बहाना बणाएषिमी कोशिश लहज़ातंई। छना कुचे दिए कमो दोरच़ी परमेश्वरो रोहष हुकुम माह मनेक्च़ा दोतु टोईच़ी भड़केक्पा।

1 थिस्सलुनीकियों 2:11

छना केहच़ी ञेंच़ातंई, कि छना बाह एनोह कटुतंङ साते व्यवहार लहज़ा ध्वांए ए ञेंहच़ी ला केहतु बिचंङ हर इच्च़ाबि शिक्षा रंड्रा ए शांति रंड्रा तस्सली रंड्रातंई।

2 थिस्सलुनीकियों 1:8

दंङ अंऊ परमेश्वराबि माह सेहचातोर, दंङ हेंदु प्रभु यीशु मसीहू रूठे खबर स्वीकार माह लहज़ातोर दोतिंङ दोई सज़ा रमतो।

इब्रानियों 13:4

ब्याह भत्ते मीहच़ी आदरो गप्पा समझेक्सी जूंस, दंङ दि नातारिंङ मेच़ा-गगसा इदि-अई दिऊ थल्जी वफादार शुहबी जूंस। छना कुचे परमेश्वर, कुकम लहज़ा, ए ऊई मेच़िमी तंङ नाज़ायज़ नाता तहज़ा दोतु न्याय लोहतो।

इब्रानियों 2:6

पवित्रशास्त्र रिंङ दि च़ेहसी तोह, कि, “मीह छि शुह, कि कांह परमेश्वर दोऊ चिंद लहज़ातन? मीहरे छि शुरे कि काह, दोतु चिंद लहज़ातन या दोतु देखभाल लहज़ातन? दू मीह बे बढ़कर ऊई छल्ले माहतोर।

याकूब 2:6

पर केहच़ी दुह गरीबो अपमान लहरिन, केहच़ी ञेंच़ातंई कि दि साहुकार मीहरे अंऊ केहतु टोईच़ी अत्याचार लहज़ा तोर। दोरे ए शुहर अंऊ केतिंङ ज़बरदस्ती कोर्टंङ शिलज़ा तोर।

याकूब 5:4

खंई, अंऊ मज़दूरा ज़ि केहतु रिहऊ फसल वलज़ातेर, दोतु दुह मज़दूरी अंऊ केहच़ी धोखा रिंङ केनातु कछंङ तहसी तातंई, दोरे मज़दूर केहतु खिलाप परमेश्वरो तुईज़ी हाऊष रंड्री लेह्की तोतोर, दंङ फसल ट्रिकट्रा तु क्रपि सेनाओ प्रभु ज़ि थाक्शे चरच़तो।