1 थिस्सलुनीकियों 4:4 - लाहौली बाइबिल

⁴ दंङ केहतु बिचंङ हर इच्च़ा मीह सहन लहज़ा केनोह फुक पवित्र बणाके तऊ, दंङ दोऊ आदर लोहू।

1 थिस्सलुनीकियों 4:4 Iomraidhean Croise

प्रेरित 9:15

पर प्रभु यीशु ज़ि हनन्याह रंङ साते कुई, “काह अच्च़ा ईला; छना कुचे दुह ता ऊईजाति तु दंङ रज्ज़ातु ए इस्राएली मीहतु तुईज़ी गिऊ पाहठी प्रचार लहज़िमी थल्जी अंङषी मीह शुह।

रोमियो 1:24

झांह लेह परमेश्वरे दोतिंङ दोतु सेहमो हिटी हिसाबे, मदम कमो थल्जी केहच़ी च़रति, कि दोरे एनातु बिचंङ एनातु फुको अनादर लोहर।

रोमियो 12:1

झांह लेह हे गिऊ प्यारे साथी विशवासी रे, गेह केतंङ साते परमेश्वरो दया हिद रंड्रा बिनती लहज़ातग कि केनोह जीवन बि श्रींङे, पवित्र, परमेश्वराबि रूठे च़ेहसा बलिदान ठ्रोह चढ़ाएतु। दिए परमेश्वरो सेवा लहज़िमी सही तरीका तोह।

रोमियो 6:19

गेह इच्च़ा साधारण उदाहरण रंड्रा केतिंङ कंड्रातग। कि केहच़ी मीहच़ी छना ठ्रोह तुहई केनातु फुक अधर्मो अधीन लेह चरच़ातेंई, दंङ दू झखंजी शुहचे इलज़ा, ध्वांए हेंतेग केरे केनातु फुक धर्मिकता ओ अधीन लेह च़रतेंई, दंङ दू पवित्र शुहचे योतो।

1 कुरिन्थियों 6:15

छि केहच़ी माह ञेंच़ातंई आ कि केहतु फुक मसीहू अंङ शुह? छि इच्च़ा मीह एनोह फुक रेंज़ा, अंऊ मसीहू शुह, दंङ छि दिबी कुकम लहज़ार रंङ साते जोड़ेक्सी जूंस?

1 कुरिन्थियों 7:2

पर गिऊ दि सलाह तोह कि कुकमो दोरच़ी बचेक्च़िमी थल्जी हर इच्च़ा गंङमी ऊ एनोह मेच़ा दंङ हर इच्च़ा मेच़िमी ऊ गगसा शुहबी जूंशी तोह।

1 कुरिन्थियों 7:9

अगर दोरे एनोह टोहकठे काबू लेह मरपोर ता, दंङ दोरे ब्याह लेह च़रतुंई; छना कुचे मदम विचार तहच़िमी बे ब्याह लहच़ी रूठे तोह।

2 कुरिन्थियों 4:7

हेंतेग हेंदु सेहमरिंङ दि छंङी चमकेपी लेहकी तोह, पर हेनर षोह नाजुक नन्देतु ठ्रोह तोतोंई अंऊर दि खज़ाना पिंङषी तोह, ताकि गप्पाऊ दोरच़ी दि गप्पा साफ शुहचे योतो कि दि अद्धभुत सामर्थ हेंदु दोरच़ी मशत, पर परमेश्वरो दोरच़ी शुह।

फिलिपियों 4:8

झांह लेह, हे गिऊ प्यारे साथी विशवासी रे, अंऊ-अंऊ गप्पारे हेले तोह, दंङ अंऊ-अंऊ गप्पारे आदरो जोगे तोह, अंऊ-अंऊ गप्पारे ठीक तोरे, अंऊ-अंऊ गप्पारे पवित्र तोह, अंऊ-अंऊ गप्पारे सलटे तोतोर, दंङ अंऊ-अंऊ गप्पारे सेहमा गमेकी तोह मतलब अंऊ गप्पा रूठे ए षटणो जोगे तोह दोतु टोईच़ी ए केहतु सेहम लेहकी बंङज़ी जूंस।

इब्रानियों 13:4

ब्याह भत्ते मीहच़ी आदरो गप्पा समझेक्सी जूंस, दंङ दि नातारिंङ मेच़ा-गगसा इदि-अई दिऊ थल्जी वफादार शुहबी जूंस। छना कुचे परमेश्वर, कुकम लहज़ा, ए ऊई मेच़िमी तंङ नाज़ायज़ नाता तहज़ा दोतु न्याय लोहतो।

1 पतरस 3:7

ध्वांए हे गगसा रे, अपेहल कि केरे इच्च़ा साते बंङज़ातंई दंङ केनातु मेच़ातंङ साते समझदारी रंङ साते व्यवहार लंहि, केतिंङ हिद तहच़ि जूंस कि दू करंङ बे कमज़ोर तोह, झांह लेह केतिंङ दोऊ आदर लेह जूंशी तोह। छना कुचे केहतु झुह्ट दू वरदाना बि सांझा लहज़ातंई अंऊ परमेश्वरे एनोह मोह्ड़े दाह ओ दोरच़ी केतिंङ रांहषी तोह, मतलब अनंत ज़िंदगी ओ वरदान। अगर केरे झांह लोहनि, दंङ परमेश्वर केहतु प्रार्थना रेड्रोतो।