1 थिस्सलुनीकियों 4:13 - लाहौली बाइबिल

¹³ हे गिऊ प्यारे साथी विशवासी रे, ञेंहच़ी दि ञेंच़ातंई कि केहच़ी दि ञेंई च़रतेंई कि दुह विशवासी तंङ साते छि शोतो अंऊ तुहई ए सिए इलोर। झांह शुहबी मेस, कि केरे ऊईतु ठ्रोह शोक लंहि अंऊ दोतिंङ उम्मीद ए माह, कि सिमी थल दोरे यह्च़ा श्रींङी योर।

1 थिस्सलुनीकियों 4:13 Iomraidhean Croise

मत्ती 27:52

कब्रारारे युह्प्सा इलिरे, दंङ सिए इलजी महस पवित्र मीहरे षिङे इलिरे,

यहून्नो 11:24

मार्था ज़ि दोबि कुहतो, “गेह ञेंहगा कि न्याय ध्याड़ारिंङ अपेहल भत्ते श्रींङे योर दुह ला यच़ाह षीङे योतो।”

प्रेरित 13:36

छना कुचे रज्ज़ा दाऊद परमेश्वरो हिटी ऊ हिसाबे एनोह टेम पूरा लहज़िमी थल सी इलि, दंङ दुह एनोह बाह-मेमे तंङ साते पथेक्की च़रतिर, दंङ सुहषी ला इलि।

प्रेरित 7:60

दंङ पुष्टू भारे बंङज़ा ते जोरे हाऊष रेह कुई, “हे प्रभु, दिह पापो थल्जी दितिंङ माफ लेह च़रतु।” दंङ दिह कुचे थल दुह सिए इलि।

प्रेरित 8:2

दंङ रेह भक्त गंङमी ज़ि स्तिफनुसो फुक कब्रङ केहरिर; दंङ दोऊ थल्जी महस शोक लहरिर।

रोमियो 1:13

दंङ हे गिऊ प्यारे साथी विशवासी रे, गेह मा जुंज़ातग कि केहच़ी ञेंई च़रतेंई कि गेह घड़ी-घड़ी केहतु कछंङ अपिमी जुन्ज़ातेग, कि गेह छना ऊईजाति तु बिचंङ लहज़ातेग, ध्वांए केहतु बिचंङ ला लोहग, पर एंतेग तचेक दिरिंङ रूकावट ए अपाते।

1 कुरिन्थियों 10:1

हे गिऊ प्यारे साथी विशवासी रे, गेह केतिंङ हिद दिलाएच़िमी तातग, कि बणारिंङ (सुनसान ठहरि) हेंदु बाह-मेमेतंङ साते महस तुहई छि शुह्ते परमेश्वरे दू भत्ते तु इच्च़ा डुह चरच़े अगुवाई लहरी अंऊ दोतु तुईज़ी-तुईज़ी जोवते, दंङ दू भत्तेतिंङ कारच़े धरतीऊ ठ्रोह षेह्ई समुंद्रो बिचंङ च़ि सही सलामत पार लहज़ी च़रति।

1 कुरिन्थियों 12:1

हे गिऊ प्यारे साथी विशवासी रे, गेह जुंज़ातग कि दू सवालो पाहठी अंऊ केहच़ी आत्मिक वरदाना तु पाहठी गेरंङ साते रूहक्सी तातंई, केरे रूठे रंङ समझेक्तुंई।

1 कुरिन्थियों 15:6

दोहथल ङा राह बे महसे चेला तिंङ इच्च़ा साते तंङरि, अंऊ दोतु बिचंङ महसे तोग तचेक श्रींङे तोतोर पर रेह सिए इलोर।

2 कुरिन्थियों 1:8

हे गिऊ साथी विशवासी रे, गेह जुंज़ातग कि केरे दू परेशानी तु पाहठी ञेंई च़रतुंई अंऊ आसिया नगरंङ ञेंहतु टोहकठे अंदे, दू महस मोह्ड़े ए ञेंहतु सहन शाक्ति बे मोह्ड़े तोहई, देर तचेक कि ञेंहच़ी श्रींङमी बि उम्मीद ए छोड़ेके चरच़ातेंई।

इफिसियों 2:12

केरे मीहरे दू मुक्का मसीह बि माह ञेंहच़ातंई, दंङ केरे इस्राएलो झुंडो दोरच़ी धकते तोंई। परमेश्वरे एनोह वाईदा ओ हिसाबे अंऊ वाईदा यहुदी रंङ साते लहरी, केरे दोर्तिंङ ला भागीदार माह तोईनि। दंङ बिना उम्मीद मेह ए परमेश्वरा बि ञेंए मेह दि संसारारिंङ बंङज़ातंई।

इफिसियों 2:3

ञेंरे ला तुहई कि ए ठ्रोह जीवन श्रींङमातंई, दंङ पापी स्वाभावो हिटी पूरा लहज़ातेर, अंऊ ला हेंदु मदम हिटी दंङ मदम विचार ञेंहतु दोरच़ी लोहवातेर ञेंहच़ी दू ए लहज़ातंई। ऊईतु ठ्रोह, ञेंरे ला स्वाभाविक रूपारिंङ ज़ि मदम तोतोर, दंङ परमेश्वरो सज़ाओ अधीन तोहनि।

1 थिस्सलुनीकियों 4:14

अगर हेंज़ी विशवास लहज़ातंई, कि यीशु सिए इलि, दंङ श्रींङी ला इलि, दंङ ध्वांए परमेश्वर दोतिंङ ला अंऊ यीशु मसीहू टोहकठे विशवास लहज़ा सिए इलिर, यीशु रंङ साते स्वर्गंङ च़ि वापिस हपतो।

1 थिस्सलुनीकियों 4:15

ञेंरे प्रभु यीशु बचनो हिसाबे केतंङ साते दि कुट्रातंई, कि अंऊ हेनर श्रींङे तोतोंई, प्रभु यीशु यह्च़ा वापिस अन्जा तचेक बचेकी बंङज़ोर, दंङ दोरे विशवासी अंऊ तुहई सिए इलोर हेंदंङ बे तुहई प्रभु यीशु मसीहरिंङ साते दोआ योर।

1 थिस्सलुनीकियों 5:10

यीशु मसीह हेंदु थल्जी झांह लेह सि इलि, कि हेनर चाहे श्रींङमोंई या सिए योंई, अपेहल प्रभु यीशु मसीह वापिस अपतो दंङ दुह मुक्का हेनर हमेशा दोरंङ साते बंङज़ी तरपोंई।

1 थिस्सलुनीकियों 5:6

झांह लेह हेनर अविशवासी ठ्रोह इमरिंङ माह बंङज़ी मेस, पर चेहके ए खबरदार बंङज़ुंई।

2 पतरस 3:4

दंङ दोच़ी कोहर, “दोऊ अपिमी वाईदा हेले माह! दुह अपेहल ला माह अपतो, छना कुचे अपेहल बे मसीह अगुवार सिए इलोर, अंऊ महसे तुहई बंङज़ातेर, दोहपल बेहच़ी भत्ते धिर ध्वांए तोह। चीज़ारे ध्वांए तोतोर छना दोरे हमेशा तोईरे अपेहल बेहच़ी परमेश्वरे संसारो रचना लहरी।”

2 पतरस 3:8

हे गिऊ प्यारे साथी विशवासी रे, दिह इच्च़ा गप्पा बि अपेहला था पेषेंई कि परमेश्वरो थल्जी इच्च़ा ध्याड़ा इच्च़ा हज़ार सालो बराबर तोह, दोऊ थल्जी इच्च़ा ध्याड़ा ए इच्च़ा हज़ार साल बराबर तोह।