1 थिस्सलुनीकियों 3:6 - लाहौली बाइबिल

⁶ दंङ हेंतेग तीमुथियुस अंऊ केहतु कछंङ ज़ि ञेंहतु दोहर अंज़े केहतु विशवास ए दाह ओ रूठे खबर सुनाके च़रति दंङ दि गप्पा ला सुनाके च़रति कि केहच़ी हमेशा दाह रंङ साते ञेंतिंङ हिद लहज़ातंई, दंङ ञेंतिंङ खंड्रिमी हिटी शवात, ध्वांए ञेंरे ला केतिंङ खंड्रिमी थल्जी लालसा शवात।

1 थिस्सलुनीकियों 3:6 Iomraidhean Croise

प्रेरित 16:1

पोलुस ए सिलास दिरबे शहरंङ इलिर दंङ दोरकी विशवासी तंङ दोआ दंङ दोरच़ी लुस्त्रो शहरो हखा इलिर। दंङ दोहर इच्च़ा विशवासी बंङज़ाते अतु मिन तीमुथियुस तोहई। दोऊ याह इच्च़ा यहुदी विशवासी तोहई, पर दोऊ बाह ऊई जातिऊ तोहई।

प्रेरित 18:1

दिऊ थल पोलुस एथेंस शहर केट्रा कुरिन्थुस शहरो हखा अति।

प्रेरित 18:5

अपेहल सीलास ए तीमुथियुस मकिदुनिया प्रदेशंङ ज़ि बिरिया शहरो ज़ि कुरिन्थस शहरा रिंङ अतिरे, दोहपल पोलुसे तम्बू बणाएट्रिमी कम बंद लेह चरच़ाते दंङ पोलुस बचन सुनाएच़िमी धुना रिंङ यहुदी तिंङ गवाही रंड्री लेह्की तोहई कि यीशु ए मसीह शुह।

1 कुरिन्थियों 11:2

गेह घेंङौ तरीफ लहज़ातग, छना कुचे केरे गिह्बी भत्ते टेमारिंङ हिद लहज़ातंई; दंङ अंऊ शिक्षा गेह केतिंङ रांहषी तातग, दोतु खबरदार रंङ साते इस्तेमाल लहज़ातंई।

1 कुरिन्थियों 13:13

झांह लेह, हेंतेग, दि षुमु पाहठी कम लहज़ी ज़रूरी जूंशी तोह: परमेश्वरो टोईच़ी विशवास परमेश्वरो वाईदा रिंङ उम्मीद तहच़ि, दंङ ऊईतिंङ साते दाह लहज़ी। पर दि भत्ते बे इच्च़ा ए मोह्ड़े तोह, दू तोह ऊईतिंङ साते दाह लहज़ी।

गलातियों 5:6

अगर हेनर यीशु मसीहू टोईच़ी विशवास लहज़ातंई दंङ खतना शुहबी ए खतना माह शुहबिमी छल्ले फायदा माह। पर ज़रूरी गप्पा दि तोह कि हेनर मसीहू टोहकठे विशवास लहज़ातंई दंङ परमेश्वर ए ऊई मीहतु थल्जी दाह तहच़ातंई।

फिलिपियों 1:8

दिरिंङ परमेश्वर गिऊ गवाह तोह कि गेह यीशु मसीहू ठ्रोह दाह लहच़ी ते केतंङ भत्तेतंङ साते दोईमी लालच लहज़ातग।

कुलुस्सियों 1:4

छना कुचे ञेंहच़ी रैहशी तातंई, कि यीशु मसीहू टोहकठे केहतु विशवास तोह, दंङ भत्ते परमेश्वरो मीहतंङ साते दाह लहज़ातंई;

कुलुस्सियों 4:18

गेह पोलुस, घेंङौ गुह्ट्र दिह डाकरिंङ केतिंङ नमस्कार चेहच़ातग। हिद तंही कि गेह जेलारिंङ तोतोग दंङ गिऊ थल्जी प्रार्थना लंहि केहतु टोईच़ी परमेश्वरो मोह्ड़े दाह शुहवा लोहतो। अमीन।

1 थिस्सलुनीकियों 1:3

अपेहल ञेंहच़ी हेंदु बाह परमेश्वरो हखा प्रार्थना लहज़ातंई अंऊ कम केहच़ी विशवासो दोरच़ी लहज़ातंई, दंङ विशवासी तु मदत लहज़िमी थल्जी महस मेहनत लहज़ातंई, दंङ प्रभु यीशु मसीहू वापिस अपिमी उम्मीद रिंङ केहच़ी धीरज़ ला लगातार हिद लोहवातंई।

1 थिस्सलुनीकियों 2:17

हे गिऊ प्यारे साथी विशवासी रे, अंऊ मुक्का ञेंरे थोड़े टेमो थल्जी, सेहमरिंङ माह शुह पर फुकारिंङ केतंङ साते शत्‌ह शुहचे इलजी तोतोंई, दंङ ञेंहच़ी मोह्ड़े लालचारंङ साते केतिंङ खंड्रिमी थल्जी ऊई ला महस मेहनत लहरिन।

1 थिस्सलुनीकियों 2:9

हे गिऊ प्यारे साथी विशवासी रे, केहच़ी ञेंहतु मेहनत ए कष्ट हिद तहच़ातंई, कि ञेंहच़ी झांह लेह रात दिन कम धन्धा लहच़ी ते केहतु बिचंङ परमेश्वरो रूठे खबरो प्रचार लहरिग, ताकि ञेंहतिंङ छि ज़रूरत तोह दोबि पूरा लहच़िमी थल्जी केतिंङ छल्ले रंड्रीमी ज़रूरत माह।

1 थिस्सलुनीकियों 3:7

झांह लेह हे गिऊ प्यारे साथी विशवासी रे, ञेंरे हेंदु भत्ते दुख ए मुसीबता रिंङ केहतु पाहठी तीमुथियुसो दोरच़ी थाक्शे खुश शुहचे इलांई कि केरे हेंतेग ला प्रभु यीशु मसीहू टोहकठे विशवास लहज़ातंई।

2 थिस्सलुनीकियों 1:3

हे गिऊ प्यारे साथी विशवासी रे, केहतु पाहठी ञेंतिंङ लगातार परमेश्वरो धन्यवाद लहच़ी जूंशी तोह, झांह लेह ञेंहतु थल्जी ठीक ला तोह, छना कुचे प्रभु यीशु मसीहरिंङ केहतु विशवास लगातार बड़ेक्पी लेहकी तोह, दंङ इदि अई दिऊ थल्जी केहतु दाह ला महस बड़ेक्पी लेहकी तोह।

1 तीमुथियुस 1:5

दि हुकुम रंड्रीमी गिऊ दि मकसद तोह कि केरे इदि अई दिरंङ साते संङा सेहम ए निर्दोष अंतरआत्मा दंङ निष्कपट विशवासारंङ साते दाह लंहि।

2 तीमुथियुस 1:3

अपेहल ला गेह प्रार्थना लहज़ातग, गेह हमेशा कनिंङ हिद लहच़ी कांह थल्जी परमेश्वरो धन्यवाद लहज़ातग। दुह, दुह ए शुह अतु सेवा गेह घेंङौ शुद्ध सोचे लहज़ातग, छना गिऊ बाह-मेमे ज़ि लहज़ातेर।

फिलेमोंन 1:5

छना कुचे गेह प्रभु यीशु मसीह रिंङ कनु विशवास ए परमेश्वरो भत्ते मीहतु थल्जी कांह दाह ए विशवासो पाहठी रेड्रातग।

इब्रानियों 13:3

कैदीतु झांह ठ्रोह हाल-चाल रूहक्पा लंहि, कि झांह ञेंहनि कि केरे ला दोतंङ साते कैद रिंङ तोतोंई। अंऊ मीहरे दुखी शवाहतोर, दोतु ला दि समझेके हाल-चाल रूहक्पा लंहि, कि केरे ला दोतु दुखारिंङ शामिल तोतोंई।

इब्रानियों 13:7

अंऊ केहतु अगुवा तोईरे, दंङ अच़ि केतिंङ परमेश्वरो बचन सुनाच़ी तातोर, दोतिंङ हिद तंही; दंङ ध्याना रंङ साते दोतु जीवन खंई, कि छना दोच़ी एनोह जीवन‍‍ श्रींङमातोर, दंङ सिमी मुक्का तचेक परमेश्वरो विशवासा रिंङ पक्‍का बणेंके बंङज़िरे। झांह लेह हेंदिंङ ला परमेश्वरो टोईच़ी ध्वांए ठ्रोह विशवास लहज़ी लेह्पोतो छना दोच़ी लहसी तरेर।

1 यूहन्ना 3:23

दंङ दोऊ हुकुम दि तोह कि हेनर दोऊ योह यीशु मसीहू मिंदंङ विशवास लोंई, दंङ छना दोई हेन्दिंङ हुकुम रांहषी ततो दोऊ ए हिसाबे हेंदु बिचंङ दाह लोहनि।