1 थिस्सलुनीकियों 3:4 - लाहौली बाइबिल

⁴ केहतु देर बंङज़िमी मुक्का ञेंरे केतंङ साते कुट्रातेंई कि ञेंहतु टोहकठे मुसीबत अपतो, दंङ ध्यांए शुई, केहच़ी ञेंहई ला।

1 थिस्सलुनीकियों 3:4 Iomraidhean Croise

मत्ती 24:25

खंणु, गेह तुहई केतिंङ भत्ते धिर कुचे केहषी तातग।

प्रेरित 17:1

दंङ पोलुस ए सीलास अम्फिपुलिस इलाका ए अपुलोनिया इलाकंङ च़ि शुहचे थिस्लुनीके नगरंङ अतिरे, अंऊर यहुदी सभो घरबार तोहई।

प्रेरित 17:13

पर अपेहल थिस्लुनीके शहरो यहुदी ञेंए केहरी कि पोलुस बिरिया नगराङ ला परमेश्वरो बचन सुनाएच़ा, दंङ दोर ला अंज़े मीहतिंङ भड़कासी लेहतिर दंङ हलचल लहज़ी लेहती।

प्रेरित 20:24

पर गिह्बी दि गप्पो छल्ले फर्क माह पढेक्पा, कि मीहच़ी गिह्बी घाह केट्रातोर, अगर गेह तुहई बेहच़ी दुह कम पूरा लोहग अंऊ प्रभु यीशु ज़ि गिह्बी लहज़िमी थल्जी कुहषी ततो। दोई गिह्बी मीहतिंङ रूठे खबर सुनाएच़िमी थल्जी अंङषी ततो। परमेश्वरे हेंदु थल्जी दुह कम लहज़ा हेंदिंङ बचाएच़ा अंऊ दोऊ हेनर जोगे माह तोईनि।

1 थिस्सलुनीकियों 2:14

झांह लेह, हे गिऊ प्यारे साथी विशवासी रे, केहच़ी ध्वांए ठ्रोह दुख सहन लाहतंई छना परमेश्वरो कलीसिया ए सहन लहरी अंऊ यहूदिया प्रदेशा रिंङ मसीह यीशु रिंङ तोतोर। छना कुचे केहच़ी ला केनातु मीहतु दोरच़ी ध्वांए ए दुख खोकच़ातंई, छना दोच़ी यहुदी मीहतु दोरच़ी खोकषातेर।

1 थिस्सलुनीकियों 2:2

केहच़ी केनाच़ि ए ञेंच़ातंई, कि केहतु कछंङ अपिमी तुहई ञेंहच़ी फिलिप्पी शहरारिंङ अंयों दुख उठाकतेंई। तांला परमेश्वरे ञेंतिंङ धोंण हिम्मत रांहषी ततो, कि केहतु शहरो मीहतु दोरच़ी ञेंहतु महस विरोध शुहचे थल ञेंहच़ी परमेश्वरो रूठे खबर सुनाएक्तंई।

2 थिस्सलुनीकियों 2:5

दि पेषेंई था कि गेह केहतु बिचंङ बंङज़ा दि गप्पारे केतिंङ कंड्रातेग।

2 थिस्सलुनीकियों 3:10

अपेहल ञेंरे केतंङ साते तोहनि दंङ ञेंहच़ी केतिंङ इच्च़ा हुकुम रंदे, अगर अरिया छा कम लहज़िमी थल्जी इन्कार लोहतो दंङ दोबि छल्ले बगत रंड्री मेस।