1 थिस्सलुनीकियों 3:3 - लाहौली बाइबिल

³ कि अरिया दि मुसीबतो मुक्का अरिया विशवासो दोरच़ी थलका शुहबी मेस; छना कुचे केहच़ी केनाच़ि ञेंच़ातंई कि हेनर भत्ते तिंङ झांह ठ्रोह मुसीबत भुगताए ज़ि तातंई।

1 थिस्सलुनीकियों 3:3 Iomraidhean Croise

लूको 21:12

पर दिह गप्पा बे तुहई दोच़ी गिऊ मिन्दु बजाहच़ि केतिंङ चुमोर, बरदो रमोर ए यहुदी सभा घरबारंङ रेंज़ा शोर, जेलंङ केओर, दंङ रज्ज़ातु ए हाकिमो तुईज़ी शोर।

यहून्नो 16:2

दोरे केतिंङ यहुदी सभा घरबारंङ च़ि धह्तेका हुंच़े च़रपोर, देहर तचेक कि दिह झांह ठ्रोह टेम ला अपतो, अच़िला केतंङ सचे च़रपोर ता दोच़ी चेहपोर कि दोच़ी झांह लेह परमेश्वरो सेवा लहज़ातोर।

यहून्नो 16:33

गेह दीह गप्पा केतंङ साते दिऊ थल्जी कुट्रातग, छना कुचे केहरे गिऊ चेलारे शुई; संसारा रिंङ केतिंङ दुख सेहन लहच़ी लेह्पोतो, पर याहऊ तांहई, छना कुचे गेह दिह संसारो मुख्या शेतान बि यरच़ी चरच़ातग।”

प्रेरित 14:22

दंङ हर इच्च़ा शहरो चेला तु सेहम पक्‍का लोहवा लहरिर दंङ दिह शिक्षा रंड्रातेर कि विशवास रिंङ बणेंके तोंई; दंङ दिह कुट्रातेर, ञेंतिंङ महस कष्ट उठाके परमेश्वरो राज रिंङ इबि लेह्पोतो।

प्रेरित 2:25

छना कुचे रज्ज़ा दाऊद यीशु पाहठी कुट्रा, गेह प्रभु बि हमेशा घेंङौ तुईज़ी तंङफातग छना कुचे दुह गिऊ सुचंङ हासी तोहई गेह दोतंङ साते माह बेओग अरी गिऊ नुकसान लहज़ातोर।

प्रेरित 21:11

दोई ञेंहतु कछंङ अंज़े पोलुस छ़िर रेंज़ा शिली, दंङ एनोह गुहड़ ए कोन्ज़ा छ़ुहचे कुई, “पवित्र आत्मा दिह कुट्रा, कि अंऊ मीहू दिह छ़िर शुह, दोबि यरूशलेमंङ यहुदी ज़ि झांह ठ्रोह छ़ुह्च़ी च़रपोर, दंङ ऊईजातितु गुह्ट्र रिंङ रेह च़रपोर।”

प्रेरित 21:13

पर पोलुसे जुबाब रेंई, केहच़ी छि लहज़ातंई, कि क्रप्चे-क्रप्चे गिऊ सेहम दुखी लहज़ातंई? गेह ता प्रभु यीशु मिन्दु थल्जी यरूशलेमंङ माह सिर्फ छुहसिमी थल्जी, पर सिमी ला तेयार तोतोग।

प्रेरित 9:16

दंङ गेह दोबि कमोग, कि मीहतु बिचंङ गिऊ पाहठी प्रचार लहज़िमी बज़ाहसि दोबि छना-छना ठ्रोह दुख उठाएच़ी लेह्पोतो।”

रोमियो 5:3

सिर्फ दि माह, पर हेनरे दुखारि ला खुशी मनेक्पोंई, दि ञेंए कि दुखा रिंङ ए धीरज़,

1 कुरिन्थियों 15:58

झांह लेह हे गिऊ प्यारे साथी विशवासी रे, केनातु विशवासा रिंङ पक्‍का बंङज़ुंई दंङ गलत शिक्षा ओ वहज़ा ज़ि भटक्तेतुंई था, प्रभु थल्जी छि कम केहच़ी लहज़ातंई दोरिंङ हमेशा तुंखा शुई। छना कुचे दि ञेंहच़ा, कि छिल्ला धिर केहच़ी प्रभु थल्जी लोहनि दोऊ ईनाम केतिंङ पक्‍का खोकसोतो।

1 कुरिन्थियों 4:9

गिह्बी झांह च़ेहसा कि परमेश्वरे हेनर प्रेरिता तिंङ जीतो यात्रा रिंङ मौतो सज़ा खोकसा कैदी तु ठ्रोह भत्ते बे थल मुक्का केहषी ततो। हेनर भत्ते संसार ए मीहतु तुईज़ी ए स्वर्गो स्वर्गदूता तु तुईज़ी तमाशा शुहचे इलजी तोतोंई।

इफिसियों 3:13

झांह लेह गेह विनती लहज़ातग कि अंऊ दुख केहतु थल्जी गिह्बी शुहबी लेहकी तोह, दोतु वहज़ा ज़ि परेशान शुहबी मेस, छना कुचे दि भत्ते केहतु महिमा ओ थल्जी तोह।

फिलिपियों 1:28

दंङ अंऊ ला गप्पारिंङ विरोधीतंङ साते माह बेवातंई। केहतु हिम्मत दोतु थल्जी विनाशो साफ निशानी शुह, पर केहतु थल्जी उद्धारो दंङ दि परमेश्वरो दोरच़ी शुह।

कुलुस्सियों 1:23

पर केतिंङ विशवासा रिंङ इच्च़ा मुयांदो ठ्रोह पक्‍का शुहबी जूंस, दंङ दुह उम्मीदा बि अंऊ केहतु कछंङ तोह केतिंङ अपेहला छोड़ेक्च़ी माह जूंस अंऊ हेंतेग हेंदु कछंङ तोह छना कुचे हेंज़ी दुह ए रूठे खबरो टोहकठे विशवास लहज़ातंई, अतु प्रचार भत्ते धरतीऊ मीहतु बिचंङ लहसी तोह; दंङ अतु गेह पोलुस, सेवक बणेक्तिग।

1 थिस्सलुनीकियों 5:9

छना कुचे परमेश्वरे हेनर दिऊ थल्जी अंङषी माह शुह, कि एनोह रोहषे हेंदिंङ सज़ा रमतो, पर दिऊ थल्जी अंङषी कि हेनर हेंदु प्रभु यीशु मसीहू दोरच़ी उद्धार खोकपोंई।

2 थिस्सलुनीकियों 1:4

झांह लेह ञेंरे परमेश्वरो कलीसिया ओ बिचंङ केहतु पाहठी घमण्ड लहज़ातंई, छना कुचे केरे धीरज़ ए विशवासारंङ साते भत्ते पाहठी मुसीबत सहन लहज़ातंई दंङ केरे हेंतेग ला यीशु मसीहू टोहकठे विशवास लहज़ातंई।

2 तीमुथियुस 1:8

झांह लेह ऊई मीहतिंङ हेंदु प्रभु यीशु मसीहू पाहठी कंड्रिमी शर्मिन्दा था शुई, दंङ माह ए कनिंङ दि गप्पो दोरच़ी षेहपि जूंस कि गेह परमेश्वरो सेवा लहच़िमी रंङ साते कैदारिंङ तोतोग। पर कनिंङ दुह सामर्थो इस्तेमाल लेह जूंशी तोह अंऊ परमेश्वर कनिंङ रंड्रा, दंङ रूठे खबरो थल्जी गेरंङ साते दुखा रिंङ साथी शुई।

1 पतरस 2:21

परमेश्वरो दोरच़ी केरे अंङषी दोरच़ी इच्च़ा वहज़ा दि ला तोह कि केरे दोऊ थल्जी रूठे कम लहज़ा दुख सहन लेह च़रपोंई। मसीह, अच़ि केहतु थल्जी दुख सहन लहरी, दू एनाह ए केहतु थल्जी इच्च़ा उदाहरण रे च़रति, ताकि केरे दोऊ हिद लंहि।

प्रकाशित वाक्य 2:10

दुह दुखा रंङ साते थाबेईनि अंऊ कनिंङ खोकसोतो। शेतान केहतु बिचंङ रेहतिंङ गिरफ्तार लोहतो दंङ केतिंङ कैदारिंङ केहच़ी च़रपोतो ताकि दोई केहतु परीक्षा लोहतो। केरे साह ध्याड़ा तचेक महस मुसीबतो अनुभव लोहनि। पर गिऊ टोईच़ी विशवास लहज़ी अपेहल ला था छोडे़क्तेंई, चाहे केतिंङ सिए पढ़ेक्पोतो, छना कुचे गेह केतिंङ जीतो थल्जी ईनामो रूपारिंङ अनंत जीवन रमोग।

प्रकाशित वाक्य 2:13

गेह दि ञेंहच़ातग कि काह दुह शहरारिंङ बंङज़ातन अंऊर शेताने राज लहज़ा। काह गिऊ थल्जी विशवासो जोगे बणेंके बंङज़िन दंङ गिऊ टोईच़ी विशवास लहज़ी ब्याड़ा माह लहरिन। केई दुह मुक्का ला विशवास लहरिन अपेहल दोच़ी अन्तिपासा बि दोर्तिंङ सच़ी च़रतिर अंऊर शेताने राज लहज़ाते। अन्तिपास मीहच़ी गिऊ पाहठी विशवासा रंङ साते कंङातोर।