1 थिस्सलुनीकियों 3:2 - लाहौली बाइबिल

² दंङ ञेंहच़ी तीमुथियुसबि केहतु कछंङ च़रतिन, अंऊ मसीहू रूठे खबरारिंङ ञेंहतु न्वा ए परमेश्वरो सेवक तोह। ताकि दोई केतिंङ विशवासरिंङ पक्‍का लोहतो, दंङ लगातार विशवास लहज़िमी थल्जी उत्साहित लोहतो।

1 थिस्सलुनीकियों 3:2 Iomraidhean Croise

प्रेरित 16:1

पोलुस ए सिलास दिरबे शहरंङ इलिर दंङ दोरकी विशवासी तंङ दोआ दंङ दोरच़ी लुस्त्रो शहरो हखा इलिर। दंङ दोहर इच्च़ा विशवासी बंङज़ाते अतु मिन तीमुथियुस तोहई। दोऊ याह इच्च़ा यहुदी विशवासी तोहई, पर दोऊ बाह ऊई जातिऊ तोहई।

प्रेरित 16:5

झांह लेह कलीसिया रे विशवास रंङ पक्‍का शुहबी लेहती दंङ गिनती रिंङ बड़ेक्च़ी लेहती।

प्रेरित 18:5

अपेहल सीलास ए तीमुथियुस मकिदुनिया प्रदेशंङ ज़ि बिरिया शहरो ज़ि कुरिन्थस शहरा रिंङ अतिरे, दोहपल पोलुसे तम्बू बणाएट्रिमी कम बंद लेह चरच़ाते दंङ पोलुस बचन सुनाएच़िमी धुना रिंङ यहुदी तिंङ गवाही रंड्री लेह्की तोहई कि यीशु ए मसीह शुह।

रोमियो 16:21

गेरंङ साते प्रभु सेवा लहज़ा तीमुथियुस ला, दंङ गिऊ ठ्रोह यहुदी जातिऊ मीहरे लूकियुस ए यासोन ए सोसिपत्रूस बि ला कनिंङ नमस्कार।

1 कुरिन्थियों 3:10

परमेश्वरे अंऊ वरदान गिह्बी रांहषी ततो, दोऊ इस्तेमाल लहज़ी गेह दू चुंङो मुयांद इच्च़ा बुद्धिमान राजमिस्त्री ठ्रोह केईगा, दंङ ऊई मीहरे दू मुयांदो टोईच़ी कम लहज़ी लेहकी तोतोर, पर भत्ते मीहतिंङ खबरदार बंङज़ी जूंशी तोह कि दोरे दिऊ टोहकठे छना कम लहज़ी लेहकी तोतोर।

1 कुरिन्थियों 4:17

गेह तीमुथियुसा बि अंऊ यीशु रिंङ गिऊ प्यारे ए विशवासो जोगे योह तोह, केहतु कछंङ च़रतिगा, छना कि गेह हर ठहरि ए हर इच्च़ा कलीसियारिंङ शिक्षा रंड्रातग।

2 कुरिन्थियों 1:1

गेह, पोलुस दि डाक च़ेहच़ी लेहकी तोतोग। गेह परमेश्वरो हिटी रंङ यीशु मसीहू प्रेरित शुगाह। दंङ हेंदु साथी विशवासी तीमुथियुसो तरफे परमेश्वरो दू कलीसिया बि च़ेहच़ी लेहकी तोतोग अंऊ कुरिन्थुस नगरंङ तोह, दंङ परमेश्वरो भत्ते मीहतिंङ अंऊ अखाया ओ नगरंङ बंङज़ातोर।

2 कुरिन्थियों 1:19

छना कुचे परमेश्वरो योह यीशु मसीह अतु हेंदु दोरच़ी मतलब गिऊ ए सिलवानुस, ए तीमुथियुसो दोरच़ी केहतु बिचंङ प्रचार शुई, दोर्तिंङ, “वोई” ए “माह” झुल्ला माह तोहई; पर देहर तिंङ “वोई” ओ “वोई” शुहचे तोह।

2 कुरिन्थियों 2:12

अपेहल गेह त्रोआस शहरा रिंङ मसीहू रूठे खबरो प्रचार लहज़ी अति, दंङ दोहर परमेश्वरे गिह्बी रूठे खबर प्रचार लहज़िमी मोह्ड़े मोका प्रदान लहरी।

2 कुरिन्थियों 2:13

गेह घेंङौ विशवासी न्वा तीतुसा बि केहतु तरफे खबर हपि माह तंङरिगा, झांह लेह त्रोआस शहरो विशवासी तु दोरच़ी विदा शुहचे गेह घेंङौ विशवासी न्वा तीतुस बि पेट्रीमी थल्जी मकिदुनिया शहरो हखा वापिस अतिगा।

2 कुरिन्थियों 8:23

अगर अरिया तीतुसो पाहठी रूहक्पोतो, दंङ दू गिऊ साथी, दंङ केहतु थल्जी गिऊ साथी शुह, दंङ अपेहला ञेंहतु विशवासी तु पाहठी रूहक्पोतो, दंङ दोरे कलीसिया ओ च़रसी ए दोतु जीवन मसीहू महिमा ओ थल्जी शुह।

फिलिपियों 1:25

गिह्बी दिरिंङ छल्ले शक माह, झांह लेह गिह्बी पता तोह कि एंतेग गेह माह सिओग। दंङ झांह लेह गिह्बी विशवास तोह कि गेह श्रींङी बंङज़ोग।

कुलुस्सियों 1:1

गेह पोलुस, गिऊ साथी विशवासी तीमुथियुस तरफे दि डाक चेहच़ातग। गेह परमेश्वरो हिटी रंङ यीशु मसीहू प्रेरित शुगाह।

कुलुस्सियों 1:7

दोऊ ए शिक्षा केहच़ी ञेंहतु प्यारे साथी इपफ्रास दोरच़ी सिखेच़ातंई, अंऊ हेंदु थल्जी मसीह विशवासो जोगे सेवक तोह।

कुलुस्सियों 4:12

इपफ्रास, अंऊ केहतु नगरो तोह, दंङ मसीह यीशु दास तोह, केतिंङ नमस्कार कुट्रा। दोई केहतु थल्जी सेहमारंङ प्रार्थना लहज़ा, ताकि परमेश्वर केतिंङ पक्‍का ए सिद्ध बणाके दंङ केरे भत्ते विशवासारंङ साते परमेश्वरो हिटी पूरा लोहवा लोंहि।

कुलुस्सियों 4:9

दोरंङ साते उनेसिमुस ला चरच़ातग, अंऊ विशवासो जोगे ए प्यारे विशवासी न्वा दंङ केहतु ए नगरो ओ तोह, दोई केतिंङ देरकि भत्ते गप्पा कमबोतो।

1 थिस्सलुनीकियों 3:13

दंङ ञेंहच़ी प्रार्थना लहज़ातंई कि हेंदु प्रभु यीशु मसीह केहतु सेहम झांह ठ्रोह पक्‍का लोहतो, कि अपेहल दुह एनोह भत्ते पवित्र मीहतंङ साते वापिस अपतो, दंङ दुह हेंदु बाह परमेश्वरो तुईज़ी पवित्रतारिंङ निर्दोष ठहरेसोतो।

1 थिस्सलुनीकियों 3:5

झांह लेह अपेहल गेह ऊई ज़हके मरतिगा, दंङ केहतु विशवासो हाल ञेंच़िमी थल्जी तीमुथियुसा बि च़रचातेग, छना कुचे ञेंरे बेवातेंई कि, परीक्षा लहज़ा शेताने केहतु परीक्षा लोहतो, दंङ ञेंहतु मेहनत बेकार शुचे योतो।

2 थिस्सलुनीकियों 2:17

दि प्रार्थना लहज़ातंई कि दोई केहतु सेहमरिंङ हिम्मत रमतो दंङ हर रूठे गप्पारिंङ अंऊ केहच़ी कुट्रातंई केतिंङ पक्‍का लोहतो।