1 थिस्सलुनीकियों 3:13 - लाहौली बाइबिल

¹³ दंङ ञेंहच़ी प्रार्थना लहज़ातंई कि हेंदु प्रभु यीशु मसीह केहतु सेहम झांह ठ्रोह पक्‍का लोहतो, कि अपेहल दुह एनोह भत्ते पवित्र मीहतंङ साते वापिस अपतो, दंङ दुह हेंदु बाह परमेश्वरो तुईज़ी पवित्रतारिंङ निर्दोष ठहरेसोतो।

1 थिस्सलुनीकियों 3:13 Iomraidhean Croise

मत्ती 25:31

अपेहल गेह मीहू योह यच़ाह अपोग, दंङ गेह घेंङौ महिमारंङ साते अपोग दंङ भत्ते स्वर्गदूतारे घेंङौ साते हपोग। दोहपल गेह भत्ते मीहतु न्याय लहच़िमी थल्जी घेंङौ महिमो सिहासनो टोईच़ी बंङज़ोग।

मरकुसो 8:38

अंऊ दि कुकम लच़ाहढ ए पापी मीहतु बिचंङ गेह मीहू योह बि ए गिऊ शिक्षा ग्रहण माह लोहतो, दंङ अपेहल गेह ला घेंङौ पवित्र स्वर्गदूतारंङ साते घेंङौ बाहो महिमा रंङ साते अपोग, दंङ गेह ला दोतिंङ ग्रहण माह लोहग।

लूको 1:6

जकर्याह ए एलीशिबा झुड्ला परमेश्वरो तुईज़ी धर्मी तोईरे, दंङ दोरे प्रभुऊ भत्ते आज्ञाओ ए कानूनो टोईच़ी निर्दोष ज़ोज़ा तोईरे।

रोमियो 14:4

झांह लेह केतिंङ अतुआ ऊईतु परगरो न्याय लेह माह जूंस, दोई रूठे लोहतो या माह लोहतो दि दोऊ मालिको ज़िम्मेवारी शुह। दोई पक्‍का रूठे लोहतो; छना कुचे दोऊ प्रभु दोबि रूठे लहज़िमी सामर्थी तोह।

रोमियो 16:25

हेंतेग केतिंङ गिऊ रूठे खबर यीशु मसीहू पाहठी तोह, केतिंङ प्रचार लहज़ा विशवास रिंङ पक्‍का लहज़ा। छना कुचे दि रूठे खबर महस जुग बेहच़ी प्याक्सी तहरेर।

1 कुरिन्थियों 15:23

पर हर इच्च़ा मीह एनोह बारी ओ हिसाबे सिए दोतु बिचंङ ज़ि श्रींङमी लोहर; मसीह मुण्डो मीह शुह अपि श्रींङमी लहसी शुह, दंङ अपेहल मसीह वापिस अपतो दंङ अंऊ दोरंङ साते पक्‍का नाता तहज़ातोर दोतिंङ यह्च़ा सिए दोतु बिचंङ ज़ि श्रींङमी लोहर।

गलातियों 1:4

हेंदु परमेश्वर ए बाह ओ हिटीऊ हिसाबे यीशु मसीह ज़ि एनाबि हेंदु पापो वहज़ा ज़ि बलिदान लेह च़रति ताकि दोई हेंदिंङ दू मदम शाक्ति ओ दोरच़ी बचाके च़रपोतो अंऊ तोग दि संसारारंङ कम लहच़ी लेहकी तोह।

इफिसियों 5:27

दू एनोह कलीसिया ओ थल्जी ला सिए इलि ताकि दू एनोह भत्ते मीहतिंङ सिद्ध बणाके तरपोतो दंङ हेंदिंङ एनोह हाज़िर रिंङ हपि तरपोतो, अतु दोर छा दोष या पाप या मदम गप्पा शुहबी मेस; पर दोरे पवित्र ए सिद्ध शुहबी जूंस।

फिलिपियों 1:10

झांह लेह केरे चुनाव लहज़िमी जोगे शोंई कि छि कम लहज़ी ठीक तोह, ताकि यीशु मसीहू दोबारा वापिस अपिमी ध्याड़ा तचेक ताकि केरे पवित्र ए निर्दोष शुहचे बंङज़ुंई।

कुलुस्सियों 1:22

पर परमेश्वरे हेंतेग एनोह योह बि मीह बणाके दंङ दोऊ क्रूसो टोहकठे सिमी दोरच़ी केहतु ला मेल लहच़ी च़रति ताकि केतिंङ एनोह तुईज़ी पवित्र ए निष्कलंक, दंङ निर्दोष लहज़ा हाज़िर लोहतो।

1 थिस्सलुनीकियों 2:19

ञेंहतु उम्मीद, ए महस खुशी ए षटणो मुकुट अरि शुह? दि केरे ए शोंई अपेहल हेंदु प्रभु यीशु मसीह यह्च़ा वापिस अपतो, दोऊ तुईज़ी केरे माह शोंई?

1 थिस्सलुनीकियों 3:11

ञेंहच़ी प्रार्थना लहज़ातंई कि हेंदु बाह परमेश्वर ए हेंदु प्रभु यीशु मसीह, केतंङ साते दोईमी थल्जी ञेंहतु अगुवाई लोहतो।

1 थिस्सलुनीकियों 3:2

दंङ ञेंहच़ी तीमुथियुसबि केहतु कछंङ च़रतिन, अंऊ मसीहू रूठे खबरारिंङ ञेंहतु न्वा ए परमेश्वरो सेवक तोह। ताकि दोई केतिंङ विशवासरिंङ पक्‍का लोहतो, दंङ लगातार विशवास लहज़िमी थल्जी उत्साहित लोहतो।

1 थिस्सलुनीकियों 4:15

ञेंरे प्रभु यीशु बचनो हिसाबे केतंङ साते दि कुट्रातंई, कि अंऊ हेनर श्रींङे तोतोंई, प्रभु यीशु यह्च़ा वापिस अन्जा तचेक बचेकी बंङज़ोर, दंङ दोरे विशवासी अंऊ तुहई सिए इलोर हेंदंङ बे तुहई प्रभु यीशु मसीहरिंङ साते दोआ योर।

1 थिस्सलुनीकियों 4:17

दोऊ थल अंऊ श्रींङे ए बचेकी तोतोर, दोतंङ साते डुह रिंङ अच़ा योंई कि स्वर्गारिंङ प्रभु यीशुरंङ साते दोओनि, दंङ दुह मुक्का बे हेनर हमेशा प्रभु रंङ साते बंङज़ोंई।

1 थिस्सलुनीकियों 5:23

शांति ऊ परमेश्वर एनेह ए केतिंङ भत्ते रीतिरंङ साते पवित्र लोहतो; दंङ केहतु भत्ते आत्मा, प्राण फुक हेंदु प्रभु यीशु मसीहू यह्च़ा वापिस अंजा तचेक दोष मेह बणाके तंही।

2 थिस्सलुनीकियों 1:10

दि दुह ध्याड़ा शोतो, अपेहल प्रभु यीशु मसीह एनोह मीहतु बिचंङ महिमा खोकसिमी ए दुह भत्ते विशवासी तु बिचंङ हेरान लहज़िमी थल्जी अपतो; केरे ला दि मंडली रि ठ्रोहका शोंई छना कुचे केहच़ी दुह खबरो टोहकठे विशवास लहज़ातंई अंऊ दुह ञेंहच़ी केतिंङ दोऊ पाहठी कंङाते।

2 थिस्सलुनीकियों 1:7

अंऊ दुख केहच़ी हेंतेग सहन लहज़ी लेहकी तोतोंई, केतिंङ ए अंऊ ञेंतिंङ तस्सली रमतो, दि दुह मुक्का शोतो अपेहल प्रभु एनोह सामर्थी दूतातंङ साते, महस मेहू बिचंङ स्वर्गो दोरच़ी अपतो।

2 थिस्सलुनीकियों 2:1

हे गिऊ प्यारे साथी विशवासी रे, ञेंरे हेंदु प्रभु यीशु मसीहू यह्च़ा वापिस अपिमी पाहठी ए दंङ दुह ध्याड़ो पाहठी चेहच़ातंई, अपेहल हेनर ठ्रोहका शुहचे दोरंङ दोओनि।

याकूब 5:8

झांह लेह केहच़ी ला ज़हके तंही; दंङ केनातु उम्मीद छोडे़क्तेंई थाह, छना कुचे प्रभु युरनाह अपिमी तोह।

1 पतरस 5:10

हेंतेग परमेश्वर अंऊ भत्ते तरीका रंङ मोह्ड़े दाह ए पिंङषा तोह, दोई हेंदिंङ यीशु मसीह रंङ साते हेंदु नाता ओ थल्जी स्वर्गा रिंङ दोऊ अनंत महिमा ओ थल्जी सहभागी शुहबिमी थल्जी हेनर अंङे च़रति। केहतु थोड़े टेमो दुख सहन लहज़िमी थल, परमेश्वर केतिंङ रूठे बणाके च़रपोतो ताकि केहतु अंदरेग ला छल्ले शुहबी मेस दंङ परमेश्वर केतिंङ पक्‍का लोहतो ताकि केहतु विशवास पक्‍का शोतो।

यहूदा 1:14

हनोके ला अंऊ आदम बे निह्ज पीढ़ी रिंङ जेह्की तोहई, दि मीहतु पाहठी भविष्य वाणी लहसी तते, कि “खंई, प्रभु पक्‍का रूपा रिंङ एनोह महसे पवित्र स्वर्गदूता तंङ साते अपतो,

यहूदा 1:24

इच्च़ा परमेश्वर ए तोह अंऊ केतिंङ दह्पिमी दोरच़ी बचाएपोतो, दंङ केतिंङ निर्दोष ए खुश लोहतो, अपेहल दोई केतिंङ एनोह महिमा ओ थल्जी एनोह तुईज़ी खड़े लहज़ा। दोई हेंदिंङ हेंदु प्रभु यीशु मसीहू दोरच़ी बचाके चरच़तो। महिमा, गौरव, सामर्थ ए अधिकार टेमो शुरूआत बेहच़ी दोऊ तोईरे, हेंतेग ला दोऊ तोतोर, दंङ हमेशा ओ थल्जी दोऊ ए गुह्ट्र बंङज़ोर। अमीन।