1 थिस्सलुनीकियों 3:12 - लाहौली बाइबिल

¹² ञेंहच़ी दि ला प्रार्थना लहज़ातंई कि प्रभु ज़ि झांह लोहतो कि, कि छना ञेंहच़ी केतंङ साते दाह लहज़ातंई, ध्वांए ए केहच़ी लाह इदि-अई दिरंङ साते दाह लोहवा लंहि, दंङ भत्ते मीहतंङ साते केहतु दाह ऊई लाह लगातार बढेक्पि जूंस।

1 थिस्सलुनीकियों 3:12 Iomraidhean Croise

मत्ती 22:39

दोऊ ठ्रोह अई दिह तो कि, केई केनोह पड़ोसीतंङ केनोह ठ्रोह दाह तोह।

मत्ती 7:12

दिऊ थल्जी केहच़ी मीहतु दोरच़ी केन्दु थल्जी छना लह्जी जुंज़ातंई, केहच़ी ला दोतंङ साते ध्वांए लंहि, छना कुचे मूसाऊ कानून ए भविष्यवक्ताओ लेखो मतलब दिह तोह।

लूको 17:5

दंङ प्रेरित ज़ि प्रभु यीशु हखा कुहतोर, “ञेंहतु विशवास बि ऊई ला पक्‍का लोहू।”

रोमियो 13:8

केतिंङ भत्ते तिंङ सिर्फ इच्च़ा ए गप्पो कर्ज़दार शुहबी जूंस दंङ दू दि तोह कि केरे भत्तेर इदि-अई दिरंङ साते दाह लंहि; छना कुचे अंऊ ऊईतिंङ साते दाह लहज़ा, दोई कानून पूरी लाह।

2 कुरिन्थियों 9:10

छना कुचे परमेश्वरे ए तोह अंऊ ज़िमदारा बि एच़िमी थल्जी बेईज़ा रंड्रा, दंङ दोतिंङ ज़ेइमी थल्जी बगत ला रंड्रा। दंङ झांह ए ठ्रोह परमेश्वरे दि पूरा लोहतो कि केहतु कछंङ हमेशा जूंशी धन शोतो ताकि केरे ऊई महस सेहमे ज़रूरत मंद मीहतु मदत लेह तरपोंई।

गलातियों 5:22

पर अपेहल पवित्र आत्मा हेंदिंङ काबू लहज़ा दंङ दोऊ गुण दि तोह “दाह, खुशी, शांति, धीरज़, दया, भलाई, विशवासो जोगे, नम्रता दंङ हेंदु टोईच़ी काबू लहज़ी।”

गलातियों 5:6

अगर हेनर यीशु मसीहू टोईच़ी विशवास लहज़ातंई दंङ खतना शुहबी ए खतना माह शुहबिमी छल्ले फायदा माह। पर ज़रूरी गप्पा दि तोह कि हेनर मसीहू टोहकठे विशवास लहज़ातंई दंङ परमेश्वर ए ऊई मीहतु थल्जी दाह तहच़ातंई।

फिलिपियों 1:9

दंङ गेह दि प्रार्थना लहज़ातग, कि इदि-अई दिऊ थल्जी केहतु दाह, सच्चाई ओ ज्ञान ए दंङ भत्ते पाहठी विचार ऊई ला बेहसा लोहतो,

1 थिस्सलुनीकियों 2:8

ञेंरे केतंङ साते धोंण दाह लहज़ातंई कि सिर्फ परमेश्वरो रूठे खबर सुनाएच़िमी थल्जी ए मशत पर केहतु थल्जी हेंदु जाहन ला रंड्रीमी थल्जी तेयार तोईनी, झांह लेह कि ञेंरे केतंङ साते महस दाह लहज़ातंई।

1 थिस्सलुनीकियों 4:1

हे गिऊ प्यारे साथी विशवासी रे, थल मुखंङ ञेंरे प्रभु यीशु मसीहू मिंदंङ केतंङ साते बिनती लहज़ातंई दंङ केतिंङ समझाएक्च़तंई, कि केरे झांह ठ्रोह चाल ज़ोई अंऊ परमेश्वराबि खुश लोहतो। अंऊ गेह केतिंङ सिखाएकातग केरे तुहई बेहच़ी ध्यांए ठ्रोह तोहई, दंङ ञेंरे केतिंङ ध्यांए लहच़िमी थल्जी ऊई ला उत्साहित लोहनि।

1 थिस्सलुनीकियों 5:15

दि गप्पो ध्यान तंही कि अरिला ऊईतिंङ साते बुराई बदलारिंङ बुराई लेह माह जूंस; पर हमेशा इदि अई दिऊ ए भत्तेतंङ साते भलाई लहज़िमी कोशिश लोहवा लंहि।

2 थिस्सलुनीकियों 1:3

हे गिऊ प्यारे साथी विशवासी रे, केहतु पाहठी ञेंतिंङ लगातार परमेश्वरो धन्यवाद लहच़ी जूंशी तोह, झांह लेह ञेंहतु थल्जी ठीक ला तोह, छना कुचे प्रभु यीशु मसीहरिंङ केहतु विशवास लगातार बड़ेक्पी लेहकी तोह, दंङ इदि अई दिऊ थल्जी केहतु दाह ला महस बड़ेक्पी लेहकी तोह।

याकूब 1:17

छना कुचे हर इच्च़ा रूठे वरदान दंङ हर इच्च़ा रूठे दान परमेश्वरो दोरच़ी खोकसा, अच़ि सर्गंङ भत्ते छंङी तिंङ बणाएक्तो। परमेश्वर हमेशा इच्च़ा ठ्रोह तोह दंङ दुह सिलमो ठ्रोह लेहक्सा माह।

2 पतरस 1:7

पर केतिंङ माह सिर्फ झांह ठ्रोह तरीका रंङ श्रींङमी जूंशी तोह अंऊ परमेश्वरा बि खुश लहज़ा, पर केतिंङ इदि-अई दिऊ विशवासी तंङ साते केनातु टबरातु ठ्रोह व्यवहार लहज़ी जूंशी तोह, पर केतिंङ ऊई मीहतंङ साते दाह ला लहज़ी जूंशी तोह।

2 पतरस 3:18

पर केतिंङ हेंदु प्रभु ए उद्धारकर्ता यीशु मसीहू मोह्ड़े दाह बि ऊई महसे बे महसे महसूस लेह जूंशी तोह, दंङ दोऊ थल्जी हेंदु समझा रिंङ बढ़ेक्पि जूंशी तोह। दोऊ महिमा हेंतेग हमेशा थल्जी शुहबी जूंस। अमीन।